Aizaia 6:6 - Edo Bible (E Baibol Ẹdo) Version 1996

⁶ Ọkpa vbe uwu avbe emwi ne a yi nii keghi tin bu mwẹ gha dee, ọ keghi ye awan mu ogiọnmwẹ erhẹn ẹyin vbe Ogiukpo gha dee.

Aizaia 6:6 ပူးပေါင်းရင်းမြစ်များ

Ẹksọdọs 25:38

“U ghi ya igoru ne ama gua ru uyẹngbe ẹre kevbe emwi ne a ya dọlọ ukpa yi ne ọ rrọọ.

Aizaia 6:2

Emwi ne a yii ni baa gidigidi vbe erhẹn keghi mudia lẹga ẹre, ọkpọkpa vbe uwu iran keghi mwẹ ifuẹn ehan. Ọkpọkpa vbe uwu emwi ne a yii nii keghi ya ifuẹn eva gue aro, ọ keghi ya eva gue owẹ, ọ keghi gha ya eva ni dekẹe tin.

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Ezikiẹl 10:2

Osanobua keghi tama ọmwa ne ọ yọ ẹwu ukpọn eto ovbiohuẹ nii wẹẹ, “La ẹkpo emwi ne khurubu ni rre ototọ avbe emwi ne a yi na ne u ya zẹ uguobọ okpa ọghe ogiọnmwẹ ẹrhẹn. Iyekọnii, u ghi zẹ ogiọnmwẹ erhẹn yan ore ẹvbo nii.” I kegha ghe ẹre vbe ọ khian.

Levitikọs 16:12

ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii.

Nọmbas 16:46

Ẹre Mosis na tama Errọn wẹẹ, “Rhie ọkpan erhẹn ruẹn, wan erhẹn yọ vbe ne ọ rre aka, ne u vbe viọ eturari ye erhẹn nii. U ghi zẹgiẹgiẹ bu emwa na ne u ya ru iruemwi akpehuan ne iran na. Ẹgiẹgiẹ! Ohu e Nọyaẹnmwa vẹn nẹ. egboghogbogho suẹn nẹ.”

Matiu 3:11

Amẹ ọre imẹ ya samẹ ne uwa ne ọ rhie ma ighe wa gele zobọ vbe orukhọ ne a ru. Sokpan ọmwa ne ọ ghi ra rre lele mwẹ gha ya Orhiọn Ne Ọ Huanrẹn kevbe erhẹn samẹ ne uwa. Rẹn kpọlọ sẹ mwẹ ẹsẹse, mẹ ma sẹ ne ọ gha ban ẹre ibata vbe owẹ.

Iwinna 2:3

Iran keghi bẹghe emwi eso ni ye vbe aranmwẹ erhẹn, ọ kegha miẹn otọ khian, aranmwẹ nii keghi dekan emwa hia ni rre evba.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Hibru 1:7

Emwi ne Osanobua tae vbekpa avbe odibo Osa ọre ọna khin wẹẹ, “Osanobua yi avbe odibo Osa ẹre ẹhoho. Ọ keghi vbe ru avbe eguọmwadia ẹre aranmwẹ erhẹn.”

Hibru 13:10

Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.