Aizaia 6:5 - Edo Bible (E Baibol Ẹdo) Version 1996

⁵ Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Aizaia 6:5 ပူးပေါင်းရင်းမြစ်များ

Gẹnẹsis 32:31

Ovẹn keghi yan rre vba e Jekọb vbe ọ wa kpao vbe Peniẹl rre, ọ na ghi gha sukpẹ owẹ rhunmwuda ẹkun ẹnrẹn.

Psalm 24:10

De ọmwa ne ọ re ọba nọkhua na? E Nọyaẹnmwa ne ọ khọnmiotọ rẹn ọrọre ọba nọkhua.

Ẹksọdọs 24:10

Iran keghi bẹghe Osanobua Izrẹl. Otọe vbe ehe ne owẹ ọre ye keghi yevbe otọ owa ne a ya okuta ẹrọnmwọ ne raghoragho ru, ọ keghi de wainwain ze vbe iso.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 33:20

Mẹ i ra gie uwẹ bẹghe u gbaro mwẹ rhunmwuda ọmwa i sẹtin bẹghe mwẹ ne ọ ye gha rre agbọn.

Ẹksọdọs 4:10

Sokpan, e Mosis keghi tama Nọyaẹnmwa wẹẹ, “Lahọ ghẹ gie mwẹ, Nọyaẹnmwa, mẹ ma he guara guan vbe ẹbu ẹdẹ, kevbe ne u vbe ya suẹn gha gu mwẹ guan gha dee, I ma he vbe ye guẹ, Nọyaẹnmwa. I i gua ra guan, te I ta ẹe lọkọlọkọ, I ghi vbe gha ba ẹmwẹ.”

Ẹksọdọs 6:12

Sokpan e Mosis tama Nọyaẹnmwa wẹẹ, “Ugbẹn vbe a miẹn wẹ nene ivbi Izrẹl tobọ iran ma rhie ehọ mẹ ta yi, vbọzẹ ne ọba Igipt gha na rhie ehọ mẹ ta yi? Mẹ nọ, I i guara guan.”

Ẹksọdọs 6:30

Sokpan e Mosis tama e Nọyaẹnmwa wẹẹ, “U rẹnrẹn ghẹ I i guara guan, ọba ọghe Igipt i rhie ehọ mẹ ta yi?”

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Aizaia 33:17

Ọ gha do sunu wẹ, wa gha miẹn ọba ne ọ gha khaemwisẹ vbe uwu ose yan otọ arriọba ne ọ niẹn obọ ladian ghe ehe hia.

Aizaia 59:3

Wa ru orukhọ ọghe ohoghe ne a ta kevbe, ọkhọ kevbe izigha.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Jerimaia 1:6

Mẹ keghi wanniẹn wẹẹ, “E Nọyaẹnmwa ne Udazi, I i guara guan, ọvbokhan I khin.”

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Ezikiẹl 12:2

“Ovbi ọmwa, uwu ẹbu etẹ ọ re u ye. Iran mwẹ aro sokpan, iran i bẹghe emwi rhọkpa, iran mwẹ ehọ, sokpan, iran i họn ẹmwẹ rhọkpa, rhunmwuda, etẹ ọ re iran khin.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Daniẹl 9:20

I keghi ye gha na erhunmwu nii khian, I keghi miẹn orukhọ mwẹ kẹe kevbe orukhọ ọghe Izrẹl ne emwa mwẹ, I na gha rinmwian e Nọyaẹnmwa Osanobua mwẹ ne ọ dọlọ rhie Ọgua Osa ẹre nọhuanrẹn ye ihe.

Habakọk 3:16

I họn emwi na hia I kegha guọ, aranmwẹ mwẹ kegha guọ ne ohan. I zegbe zẹ mwẹ ye otọ owẹ mwẹ kegha mian gbẹghẹgbẹghẹ. I gha hẹko ziengbe khẹ ẹghẹ ne Ọ dee, ne Osanobua gha na rri iran oya ighe iran ni gunmwa gbinna.

Nọmbas 17:12

Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ!

Giọgis 13:22

E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”

Giọgis 6:22

Ẹre Gidiọn na do rẹn wẹẹ odibo e Nọyaẹnmwa ọ re irẹn miẹn, ọ keghi ya ohan datu wẹẹ, “E Nọyaẹnmwa ne Udazi, mẹ miẹn odibo ruẹ vbe ghe aro mwẹ ghe aro uẹ!”