Aizaia 6:4 - Edo Bible (E Baibol Ẹdo) Version 1996

⁴ Ulamwẹ urhu iran keghi mu ẹyotọ Ọgua Osa rueghe, ighogho keghi vuọn nene Ọgua Osa tobọre.

Aizaia 6:4 ပူးပေါင်းရင်းမြစ်များ

Psalm 18:8

Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Ezikiẹl 1:24

I keghi họn ulamwẹ ifuẹn iran vbe iran a gha tin khian, ọ yevbe uwemwẹ okun, zẹ vbe owogho ivbiyokuo nibun, vbe urhu Osanobua ne Oghodua. Iran gha dobọ utinmwẹ yi, iran ghi gba ifuẹn iran ginna egbe.

Ezikiẹl 10:5

Owogho ne ifuẹn avbe aranmwẹ nii gbe, a keghi wa gha họn ẹẹn vbe ẹghodo ne ọ ke ore. Ọ keghi ye vbe urhu Osanobua ne Oghodua.

Ezikiẹl 41:16

a keghi ya erhan rhu ẹe ke otọ kpao ya sẹ ewindo. Avbe ewindo na gia khui.

Ezikiẹl 44:4

Ọmwa nii keghi rhie mwẹ la urho odẹ okuọ gha rrie odaro Ọgua Osa. I ghi ghee ẹre, I keghi miẹn wẹ Ọgua Osa e Nọyaẹnmwa vuọn ne uwanmwẹ ne wainwain ne a ya rẹn ighe ọ rre evba. I keghi dee mu aro rhu otọ.

Emọs 9:1

I keghi ya bẹghe vbe Nọyaẹnmwa mudia ke Ogiukpo. I keghi vbe họn vbe. Ọ taa ẹe wẹẹ, “Wa kinmwi odukhunmwu orrẹ ni rre Ọgua Osa ne obọ da ẹe sẹrriọ wẹ ne ẹyotọ ẹre mu rueghe. Wa bunnọ ehia kua, ne uwa gie iran dele gbe avbe emwa nii uhunmwu. I gha gbele iran ni dekẹe vbe uwu avbe emwa nii vbe okuo. Ọkpa ne ọ gha rrie i rrọ, ọkpa ne ọ gha miẹn uhunmwu i rrọ.

Arhie Maan 11:19

A keghi kie Ọgua Osa ye otọ vbe ẹrinmwi. A keghi bẹghe ẹkpẹti osẹe ne a viọ uhanhan ọghe uhi nii yi. Ayan kegha yan rhai rhai deba owogho, ke uvannọmwẹ avan nukhunmwu, kevbe igbohiotọ, kevbe esia ne ọ kakabọ de.

Arhie Maan 15:8

Ighogho ọghe uyi kevbe ẹtin Osanobua keghi wa gba Ọgua Osa nii, a ma miẹn ọmwa ne ọ sẹtin la uwu Ọgua Osa, ọ te do sẹ ẹghẹ ne ọ ya fo vbe otọ ighẹ avbe egboghogbogho nii ne avbe odibosa ihinrọn ni viọ rre.