Aizaia 6:3 - Edo Bible (E Baibol Ẹdo) Version 1996

³ Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Aizaia 6:3 ပူးပေါင်းရင်းမြစ်များ

Ẹzra 3:11

Iran keghi sihuan ghe Nọyaẹnmwa iran na gha rra ẹre wẹẹ, “E Nọyaẹnmwa maa, etẹbitẹ ọre aho ẹmwẹ ọmwa rẹn khin ghe Izrẹl.” Emwa hia keghi wa ya ẹtin hia gha wee, iran na gha rho e Nọyaẹnmwa rhunmwuda, a suẹn iwinna ẹyotọ Ọgua Osa ne a gbe nẹ.

Psalm 57:11

Rhie ukpọlọmwẹ ruẹn maa vbe iso, Osanobua kevbe uyi ruẹ yan otọ agbọn hia.

Psalm 66:2

Wa so ihuan uyi eni ẹnrẹn wa rhie urhomwẹ uyi ne ẹẹn.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Psalm 8:2

Avbe ibiẹka kevbe avbe emobọ hia, ya ẹe so ihuan. Wẹ gbe ẹkun sẹ otọ, u kevbe rrọ vbe ai mwẹ ẹbe, vbe obọ avbe eghian ruẹn hia. Wẹ da iran obọ yi, ighe iran ni mu aro igbinna da ruẹ.

Psalm 90:16

Gie ima ne eguọmwadia ruẹ miẹn iwinna ruẹn ni kpọlọ gie avbe ivbi mwa miẹn ẹtin ruẹn ne ọ mwẹ uyi.

Psalm 97:6

Ẹrinmwi na iyẹn ẹmwata ẹre avbe uhunmwu ẹvbo hia vbe miẹn uyi ẹre.

Psalm 99:3

Emwa hia rho eni ẹnrẹn nọkhua, ne ọ vuọn ne orrirri ọba, Ne ọ huanrẹn ọ re eni ẹnrẹn khin.

Psalm 99:9

Wa rho e Nọyaẹnmwa ne Osanobua mwa, wa vbe ya ga vbe oke ẹre Ne ọ huanrẹn! Ọmwa ne ọ huanrẹn, ọ re Nọyaẹnmwa ne Osanobua mwa khin.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Aizaia 24:16

Ma gha họn ihuan ne a so ya tian Izrẹl ne ẹvbo ẹmwata, ke ehe ne ọ ghi rrei sẹẹ vbe otọ agbọn gha dee. Sokpan, idaehọ i rrọ ne imẹ, ghe vbe I rriororo hẹ! Avbe ọgueva gha ya ọmwa ne a vbokho. Uma dan ne iran si wa khọrhiọn yọ ẹdẹgbedẹgbe.

Aizaia 40:5

Ẹghẹ nii, a ghi rhie uyi e Nọyaẹnmwa ne a miẹn, emwa ne agbọn hia gha vbe miẹn ọẹn e Nọyaẹnmwa tobọ ẹre yan ọna yotọ nẹ.”

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Ezikiẹl 43:2

I keghi ya bẹghe uwanmwẹ ne wainwain ne a ya rẹn ighe Osanobua Izrẹl rre evba vbe ọ ke odẹ ahọ dee. Urhu e Nọyaẹnmwa keghi ye vbe uvannọmwẹ okun, uwanmwẹ ne wainwain nii keghi wan mu otọ hia.

Ezikiẹl 44:4

Ọmwa nii keghi rhie mwẹ la urho odẹ okuọ gha rrie odaro Ọgua Osa. I ghi ghee ẹre, I keghi miẹn wẹ Ọgua Osa e Nọyaẹnmwa vuọn ne uwanmwẹ ne wainwain ne a ya rẹn ighe ọ rre evba. I keghi dee mu aro rhu otọ.

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Nọmbas 14:21

Sokpan, I yan rẹn vbene I mẹ na rrọọ kevbe vbene aro mwẹ na gba agbọn hia.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.