Aizaia 6:2 - Edo Bible (E Baibol Ẹdo) Version 1996

² Emwi ne a yii ni baa gidigidi vbe erhẹn keghi mudia lẹga ẹre, ọkpọkpa vbe uwu iran keghi mwẹ ifuẹn ehan. Ọkpọkpa vbe uwu emwi ne a yii nii keghi ya ifuẹn eva gue aro, ọ keghi ya eva gue owẹ, ọ keghi gha ya eva ni dekẹe tin.

Aizaia 6:2 ပူးပေါင်းရင်းမြစ်များ

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

I Ọba 19:13

Elaija ghi họn ẹn, ọ keghi mu agbada ẹwu ẹre gua aro, ọ keghi ladian ya mudia ye onurho uvun okuta nii. Urhu ọkpa keghi gu ẹe guan wẹẹ, “Elaija vbe u a ru mwa yi?”

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

I Ọba 6:24

Ọkpa eveva na khin vbe ukpọlọmwẹ kevbe ama. Ifuẹn eva iran mwẹ, utanmwẹ ifuẹn iran kegha re ibata ihinrọn vbe ukhiọnmwẹ vbe utanmwẹ, onii nọ wẹ ke ifuẹn ọkpa ya sẹ nọkpa kegha re ibata ekesugie.

I Ọba 6:27

Te a viọ iran ke egbe vbe ughugha Ne ọ Huan Sẹẹ Ehia vbene ukpẹ ifuẹn ne iran rhan ran an gha na dekan egbe vbe adesẹneva ughugha nii, ifuẹn ne eva ni dekẹe ghi vbe sẹ egbekẹn.

I Ọba 8:7

Ifuẹn iran keghi rhan ladian gue ẹkpẹti ile nii, ọ keghi gue ọkpọ ne a ya mu ẹẹn.

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Job 1:6

Ọ ghi sẹ ẹdẹ ne avbe ighele ẹrinmwi do ya gha niẹn obọ vbe odaro e Nọyaẹnmwa, Esu kevbe gha rre evba vbe uwu ẹbu iran.

Job 15:15

Osanobua i mu ẹtin yan avbe odibo ẹre ne arengbe, u hin ighẹ iran ma huan vbe aro ẹre.

Job 4:18

Osanobua i mu ẹtin yan avbe ewọe ẹrinmwi ẹnrẹn, uhin ighẹ ọ yevbe miẹn abakuru vbe obọ avbe odibo ẹre.

Psalm 103:20

Wa rho e Nọyaẹnmwa, wa ne avbe odibo nekhua kevbe ni mwẹ ẹtin, ni mu uhi ẹre sẹ, ni vbe danmwehọ ẹmwẹ ne ọ guan.

Psalm 104:4

U ya ẹhoho ru ne u gie ẹre uhunmwu kevbe asan ọghe ayan, zẹ vbe eguọmwadia ruẹ.

Psalm 18:10

Ọ keghi giẹgiẹ ye emwi ne a yi ọghọe ne ọ mwẹ ifuẹn, tin kpao; ọ keghi lele ifuẹn ẹhoho gha rriẹ okhian.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Ẹksọdọs 25:20

Avbe emwi nii zẹ ifuẹn nii ghi viọ aro da egbe. Ifuẹn ne iran rhanrẹn ghi degue ẹkpẹti nii.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 37:9

Avbe emwi nii zẹlẹ ifuẹn nii keghi rhan ifuẹn iran ghe odukhunmwu vbene iran gha na degue ẹkpẹti nii. Iran keghi mu aro da egbe, iran kegha ghe ugue ẹkpẹti nii.

Aizaia 6:6

Ọkpa vbe uwu avbe emwi ne a yi nii keghi tin bu mwẹ gha dee, ọ keghi ye awan mu ogiọnmwẹ erhẹn ẹyin vbe Ogiukpo gha dee.

Ezikiẹl 1:11

Avbe emwa na keghi tọn ifuẹn eveva mu vbene ukpe ifuẹn ọkpọkpa na dekan ukpẹ ifuẹn ọghe ne ọ diake ẹe. Iran keghi ya ifuẹn eveva ni dekẹe gbalọ egbe.

Ezikiẹl 1:24

I keghi họn ulamwẹ ifuẹn iran vbe iran a gha tin khian, ọ yevbe uwemwẹ okun, zẹ vbe owogho ivbiyokuo nibun, vbe urhu Osanobua ne Oghodua. Iran gha dobọ utinmwẹ yi, iran ghi gba ifuẹn iran ginna egbe.

Ezikiẹl 1:4

Mẹ keghi tọn aro mu, I na ya bẹghe vbe okpẹhoho hoho ke odẹ okuo dee. Ayan kegha yan ke uwu okuku amẹ nọkhua ladian, iso ne ọ lẹga ẹre kegha fi wainwain. Ehe ne ayan nii ke yan ladian, emwi okpa keghi rrọ ne ọ yan kpoo zẹ vbe oze.

Ezikiẹl 1:6

Sokpan, ọkpọkpa vbe uwu iran keghi mwẹ ugbaro enenẹ kevbe ifuẹn enenẹ.

Ezikiẹl 1:9

Avbe emwi na keghi nien ifuẹn eveva ladian, vbene avbe aranmwẹ na ghi ya ifuẹn iran gba ogba ne ọ mwẹ ugọngọn enẹ, ukpe ifuẹn iran keghi dekan egbe. Iran gha khian, iran hia ọre ọ wa zẹ owẹ okpa vbene iran i na vbe fi egbe werriẹ.

Ezikiẹl 10:16

iran na gha khian, avbe emwi ne khurubu nii ghi kpao lele iran. Ẹghẹ ne iran a rhirhi ya rhan ifuẹn iran ya gha tin, avbe emwi ne khurubu ni ghi ye vbe lele iran.

Ezikiẹl 10:21

Ugbaro enenẹ ọre ọkpọkpa vbe uwu iran mwẹ, kevbe ifuẹn enẹ, kevbe emwi ne ọ yevbe obọ ọmwa nagbọn vbe ototọ ifuẹn iran ọkpọkpa.

Daniẹl 7:10

Aranmwẹ erhẹn keghi ba kọe ladian. Arhunmwu arriaisẹn nibun kegha rre evba ne iran gha gae, arhunmwu arriaisẹn arriaisẹn nibun keghi mudia ye odaro ẹre. Iko ibuohiẹn nii keghi suẹn iwinna, a na we avbe ebe.

Daniẹl 9:21

Ugbẹn vbe I ghi wa na erhunmwu nii, e Gebriẹl ne I miẹn vbe umian ne I ka miẹn keghi tin gha die ehe ne I ye. Ẹghẹ ne a ya zọ ese ota nọ.

Zẹkaraia 3:4

Odibosa nii keghi tama avbe ikuekẹn ne ọkpọmwa rẹn wẹẹ, “Wa bannọ avbe ukpọn ni gbiruẹn ne okpia na hẹ ye egbe.” Rẹn keghi vbe tama e Jọsua wẹẹ, “I viọ orukhọ ruẹ hin rre nẹ, I gha viọ ukpọn ọgbọn ne uẹn ne u hẹ ye egbe.”

Iyẹn ne ọ Maan Ọghe Luk 1:10

Vbe ẹghẹ na, emwa ke gbe ẹbu ye ore gha na erhunmwu vbe a giẹn eturari nii.

Hibru 1:7

Emwi ne Osanobua tae vbekpa avbe odibo Osa ọre ọna khin wẹẹ, “Osanobua yi avbe odibo Osa ẹre ẹhoho. Ọ keghi vbe ru avbe eguọmwadia ẹre aranmwẹ erhẹn.”

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”

Arhie Maan 7:11

Avbe odibosa nii, keghi mudia lẹga ẹkete nii, kevbe avbe ediọn, kevbe avbe emwi ne a yi ni ma wu enẹ nii, iran keghi dele viọ aro rhu otọ vbe odaro ẹkete, iran keghi ya uhunmwu rhanmwẹ otọ ne Osanobua.

Arhie Maan 8:13

I keghi tọn aro mu, I na họn urhu oghohọn ne ọ wa tin khian vbe uwu iso gbaan, vbe urhu ne ọ la wẹ, “Ugborrirri! Ugborrirri! U miẹn vbe ọ gha ba so emwa ni rre agbọn hẹẹ vbe a gha họn urhu ne ọ ke avbe okpe ne avbe odibosa nekpa gha kpe rre!”