Aizaia 6:1 - Edo Bible (E Baibol Ẹdo) Version 1996

¹ Vbe ukpo ne Ọba Uzaia wu, I keghi bẹghe Nọyaẹnmwa. Ọ keghi tota ye ẹkete ẹre, ọ yo, ọ keghi vbe ye gelete, emwi ne ọ ya mu egbe keghi vuọn Ọgua Osa hia.

Aizaia 6:1 ပူးပေါင်းရင်းမြစ်များ

I Ọba 22:19

E Makaia keghi rhie te ẹe wẹẹ “Danmwehọ vbene Nọyaẹnmwa kha hẹ! I keghi bẹghe vbe Nọyaẹnmwa tota ye ẹkete ẹre vbe ẹrinmwi, avbe odibo ẹre keghi mudia lẹga ẹre.

II Ọba 15:7

Uzaia keghi wu, a na re ẹre ye idin avbe ọba vbe Ẹvbo e Devid, ẹre ovbi ẹre ighẹ Jotan na rriọba lele ẹe.

II Krọnikol 18:18

E Mikaia keghi rhie te ẹe wẹẹ, Banbanna nian, danmwehọ vbene Nọyaẹnmwa kha hẹ: “I keghi bẹghe vbe Nọyaẹnmwa miẹndia vbe ẹkete ẹre vbe ẹrinmwi, avbe odibo ẹre hia ke tẹn dia ke ẹe.

Job 42:5

Ẹghẹ nii, emwi ne emwa ọvbehe tama mwẹ ọkpa ọre I rẹnrẹn, sokpan, banbanna nian mẹ ye aro mwẹ bẹghe nẹ.

Psalm 108:5

Rhie ukpọlọmwẹ ruẹn ma vbe iso Osanobua, kevbe uyi ruẹ, yan uhunmwu otọ agbọn hia.

Psalm 113:5

ọmwa ọkpa ne ọ yevbe Nọyaẹnmwa Osanobua mwa i rrọ. Ehe ne ọ yo vbe odukhunmwu ọ re ọ ye,

Psalm 46:10

Rẹn keghi kha wẹẹ, “Wa dobọ igbinna yi ne uwa vbe rẹn wẹ mẹ ọrọre Osanobua Ne ọ yo sẹẹ vbe avbe agbọn ẹvbo hia ne ọ yo sẹ vbe uhunmwu otọ agbọn.”

Ẹksọdọs 24:9

E Mosis, Errọn, e Nadab, Abihu kevbe olotu ekigbesiyenẹ vbe uwu Izrẹl keghi hin oke nii gha khian.

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:1

E Nọyaẹnmwa khare wẹẹ, “Ẹrinmwi ọrọre ẹkete mwẹ, agbọn ọrọre ukhuerhe ne I viọ owẹ yan. De egbe owa ne uwa ghi ra họ mẹ khekherriọ, de egbe ehe ne uwa ra rhie mẹ ne I gha dia?

Ezikiẹl 1:1

Vbe Ikpẹdẹ ne ogisẹn ọghe uki ne ogienẹ vbe ukpo ne ogiwera, mẹ ne Ezikiẹl, ne ohẹn, ne ovbi e Buz, keghi gu ivbi e Ju ni rre iwe rre ọkpẹn Ẹzẹ e Kiẹba vbe Babilọn. Iso keghi kie yotọ, I na miẹn umian ọghe Osanobua.

Ezikiẹl 10:1

I keghi tọn aro mu ya ghe emwi ne ọ yevbe ekharha ne a fi ne ọ rre odukhunmwu avbe emwi ne a yi ni ma he wu nii, vbe odukhunmwu iran, emwi okpa ne ọ yevbe ẹkete ne a ye okuta ighobioye e safaia ru ke gha rrọọ.

Ezikiẹl 10:4

Uwanmwẹ ne ọ gbe ebiebi ye ọmwa aro nii, ne a ya rẹn ighe Osanobua rre evba, keghi ke ehe ne avbe aranmwẹ na ye kpao, ọ na laghe onurho Ọgua Osa, okuku nii keghi gba uwu Ọgua Osa, ẹghodo keghi vuọn ne uwanmwẹ ne wainwain.

Daniẹl 10:17

Te I yevbe ọviẹn ne ọ mudia ye odaro arowa ẹre. Vbe I a ghi ra sẹtin guẹ guan hẹ? Ẹtin i ghi rrọ mwẹ re, orhiọn ighi rrọ mwẹ re.”

Daniẹl 7:9

Ehe ne I na ye ghe ẹre nii, a keghi munọ avbe ẹkete yotọ. Ọmwa nii ne ọ wa rrọ dee ẹdẹdẹmwẹdẹ keghi tota ye ọkpa vbe avbe ẹkete nii, ukpọn rẹn keghi fuọfua vbe isonorhọ, eto ẹre keghi yevbe ititi oru ne a ma gua. Ẹkete ẹre ni ne a mu yan emwi ne ọ lẹga vbe owẹ imọto erhẹn, keghi zẹ ogidi erhẹn kua.

Nọmbas 12:8

Rhunmwuda onii ọ re I na gu ẹe guan vbe ghe aro mwẹ ghe aro uẹ, vbe ne a gbẹe ẹho, ighẹ ẹ i re itan ne a kpa, uhin ighẹ rẹn deghẹ a kpa mwẹ nẹ! Vbọzẹ ne ohan na gie uwa talọ ku e Mosis ne ọguọmwadia mwẹ?”

Matiu 25:31

“Ovbi Ọmwa ghẹ ghi rre zẹ vbe ọba ke irẹn kevbe avbe odibosa ẹre, rẹn ghi miẹn dia vbe uhunmwu ẹkete ọba ẹre.

Iyẹn ne ọ Maan Ọghe Jọn 1:18

Ọmwa ọkpa i rrọ ne ọ he bẹghe Osanobua aro ẹdẹ, rẹn ọkpa kẹkan ne ọ re emwi ne Osanobua vbe khin, kevbe ne ọ vbe diake Evbavba, ọre ọ rhie ẹre ma emwa.

Iyẹn ne ọ Maan Ọghe Jọn 12:41

Te Aizaia ta ẹmwẹ na rhunmwuda ighẹ ọ miẹn uyi Jesu, ọ na mu go.

I Timoti 6:16

Rẹn ọkpa kẹkan ọre ne ẹ i wu ẹdẹ, ne ọ rre uwu uwanmwẹ ne ẹ i gie a ghe. Ọmwa ne ọmwa ọkpa ma he ye aro kan, kevbe ne ọmwaikọmwa i sẹtin miẹn ọre aro, ọghọe ọre uyi khin deba ẹtin etẹbitẹ. Isẹ.

Arhie Maan 15:8

Ighogho ọghe uyi kevbe ẹtin Osanobua keghi wa gba Ọgua Osa nii, a ma miẹn ọmwa ne ọ sẹtin la uwu Ọgua Osa, ọ te do sẹ ẹghẹ ne ọ ya fo vbe otọ ighẹ avbe egboghogbogho nii ne avbe odibosa ihinrọn ni viọ rre.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 3:21

Iran ni khọnmiotọ, I gha rhie asẹ ne iran, ne iran tota ke mwẹ vbe ẹkete mwẹ, zẹe vbene imẹ khọnmiotọ, ne I na vbe tota ke Erha mwẹ nian vbe ẹkete ẹre.

Arhie Maan 4:10

avbe ediọn enẹyanugie nii ghi dele gbe otọ vbe odaro ọmwa ne ọ tota vbe ẹkete nii, iran ghi ya uhunmwu rhanmwẹ otọ ne ọmwa ne ọ rrọọ ẹdẹ kevbe ẹdẹdẹmwẹdẹ. Iran ghi filo ẹde iran ku odaro ẹkete nii, iran ghi wẹẹ:

Arhie Maan 4:2

Vbe ọwarọkpa nii, Orhiọn keghi hin yan mwẹ. Vbe odukhunmwu vbe ẹrinmwi, ẹkete ọkpa kegha rrọọ, orhunmwu ọkpa keghi tota yọọ.

Arhie Maan 4:3

Ugbaro ẹre kegha fi wainwain vbe ne okuta ighobioye ye, zẹ vbe jaspa kevbe kanẹlian, lẹga ẹkete nii, ikpin amẹ keghi rrọọ ọ, a gha ghe ẹre, ọ yevbe emwi ne raghoragho.

Arhie Maan 4:9

Ẹghẹ hia ne emwi ne a yi ni ma wu nii ya so ihuan uyi kevbe ọghọ kevbe ekpọnmwẹ ghe ọmwa ne ọ tota vbe ẹkete nii,

Arhie Maan 5:1

I keghi bẹghe ebe ne a kiri ọkpa vbe obọ erha ọmwa ọmwa ne ọ tota ye uhunmwu ẹkete, a keghi wa gbẹnnẹ emwi vuọn rẹn obọ eva, a keghi ye emwi gba ẹe kugbe vbe ihe ihinrọn.

Arhie Maan 5:7

Oteghe Ohuan nii keghi bu ọmwa ne ọ tota vbe uhunmwu ẹkete nii gha khian, ọ keghi miẹn re ebe ne a kiri nii ne ọ rre ọre obọ erha ọmwa.

Arhie Maan 6:16

Iran kegha go tie avbe oke ni yo kevba avbe okuta nekhua wẹ, “De rhu ima ne u rhie ima lẹre hin aro ọmwa nii, ne ọ tota ye ẹkete, kevbe hin izohu oteghe Ohuan nii.