Aizaia 59:3 - Edo Bible (E Baibol Ẹdo) Version 1996

³ Wa ru orukhọ ọghe ohoghe ne a ta kevbe, ọkhọ kevbe izigha.

Aizaia 59:3 ပူးပေါင်းရင်းမြစ်များ

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 1:21

Ẹvbo ne ọ te ka mwẹ uyinmwẹ ne ọ gbae yi, ọ re ọ ghi yin uyinmwẹ ohọhọ na, vbe ẹghẹ okpa emwa ẹmwata ọ re ọ wa gba re, sokpan, banbanna nian avbe izigha ọ re ọ ghi kẹe.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Aizaia 3:8

Erriọ nọ, ọ ghe Jerusalẹm fo nẹ! E Juda ra de rẹnkhẹn uan. Emwi ne iran ta, ke ne iran ru hia, wa gbodan ghe Nọyaẹnmwa, te iran wa sirra emwa hia kpa unu ghe Osanobua tobọ ọre.

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Aizaia 59:13

Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Aizaia 9:15

Avbe eniwanrẹn ne adazẹ, ọrọre avbe uhunmwu, avbe ẹrhunrhun ni rrọ keghi gha re avbe akhasẹ, ni ma emwa emwi ohoghe.

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 2:34

Esagiẹn ivbiogue kevbe iran ni ma rukhọ wulo lele uwa ukpọn, ẹ i re esagiẹn avbe ikpata oyi. “Sokpan, vbene uwa ye ru ena hia sẹ.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 7:8

Ghe, ẹmwẹ erẹrẹ ọ re uwa mu ẹtin yan.

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Jerimaia 9:7

Rhunmwuda ọnii, e Nọyaẹnmwa ne Oghodua khare wẹẹ, “I gha fan emwa mwẹ zẹ vbe ematọn I ghi vbe danmwẹ iran ghe. Emwa mwẹ ru emwi dan nẹ, vbe I a ghi ra ye ya iran ru ọvbehe?

Ezikiẹl 13:8

Rhunmwuda ọnii, e Nọyaẹnmwa ne Udazi tama iran wẹẹ, “Emwi ne a zẹ ta ọ re ẹmwẹ uwa khin, ohoghe ọ re umian uwa vbe khin, rhunmwuda ọnii, ohu uwa wa mu mwẹ.

Ezikiẹl 22:2

“Ovbi ọmwa, u mu egbe ne u gha ya bu ohiẹn ẹvbo ne ọ vuọn ne avbe izigha ra? Wa rhan otọ uyinmwẹ osọnnọ hia ne ọ yinrin ma rẹn.

Ezikiẹl 35:6

Rhunmwuda ọnii nian, omwa vbene a na miẹn wẹ mẹ ne Nọyaẹnmwa ne Udazi ọrọre Osanobua ne ọ rrọọ, uwu ọrọre ne a zẹ khẹ uwa, wa i ra vbe sẹtin le ọre fe. Te uwa de emwa izigha, a gha vbe de uwa izigha.

Ezikiẹl 7:23

“Emwi hia lighi ua, avbe izigha gba otọe hia, uyinmwẹ ikẹtin vbe gba ore ẹvbo.

Ezikiẹl 9:9

Osanobua keghi wanniẹn wẹẹ, “Orukhọ dan ọre ivbi Izrẹl kevbe ivbi e Juda ru. Iran de izigha vbe ehe hia, iran keghi vbe ya orukhọ vuọn Jerusalẹm. Iran wẹ, mẹ ne Nọyaẹnmwa fi iyeke gbe ẹvbo iran nẹ, I i ghi bẹghe iran.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 7:13

Ọghe iran fo vbotọ! Iran sẹ mwẹ rae, iran keghi sọtẹ ghe mwẹ. A gha fuẹn iran an. Te I ho ne I miẹn iran fan, sokpan ugamwẹ ohoghe ọ re iran ga mwẹ re.

Hozia 7:3

E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Maika 6:12

Iran ni fe vbe emwa ruẹn ya avbe ivbiogue ru enegbe iran, ọhọn ohoghe wa hia fẹẹrẹ wa khin.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Matiu 27:4

“I ru orukhọ ne I na rhie ọmwa ne ọ ma rukhọ maa ne a gbe ẹe rua.” Iran wanniẹn tama rẹn wẹẹ, “Ọ ni ma kan ima. Iwinna ne egbe uẹ nọ.”

I Timoti 4:2

Obọ avbe ọhọn ohoghe ni mu emwa rẹrẹ, ọre iruẹmwi na ke rre, emwa ne ekhọe ẹre gbin vbe ne a miẹn wẹ te a mu ematọn ye erhẹn ya tọn ẹn.