Aizaia 59:18 - Edo Bible (E Baibol Ẹdo) Version 1996

¹⁸ Ọ gha rri eghian rẹn oya zẹ vbe emwi ne iran vbe ru, ya sẹ egbe iran ni rre odẹ ne ọ rrei.

Aizaia 59:18 ပူးပေါင်းရင်းမြစ်များ

Job 34:11

Te irẹn san emwa ẹse emwi ne iran ru, ọ ghi vbe gha ru iran emwi ne ọ maa iran.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 40:10

E Nọyaẹnmwa ne Udazi dee ra do ya ẹtin khaemwisẹ. Ọ ghi viọ avbe emwa ne irẹn miẹnfan mwẹ obọ gha dee.

Aizaia 49:4

Mẹ keghi kha wẹẹ, “I te winna, sokpan ọ ma dinnodẹ hiehiere. I wa lo ẹtin mwẹ, sokpan, a ma miẹn emwi ọkpa rhie ke ọe rre.” Sevba, mẹ ye mwẹ amuẹtinyan wẹ e Nọyaẹnmwa gha ta ene unu mwẹ ọ gha san mwẹ ẹse iwinna ne I winna ẹn.

Aizaia 63:3

E Nọyaẹnmwa keghi wanniẹn wẹẹ, “Mẹ ya owẹ rrilo avbe uhunmwu ẹvbo ginna otọ nẹ zẹ vbe alimo azara, ọmwa ne ọ rre do yọmwẹ obọ i rrọọ. I ya owẹ rrilo iran ginna otọ vbe ohu mu mwẹ, esagiẹn iran keghi gbe gba ẹwu mwẹ hia.

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Aizaia 66:14

Wa ghẹ ghi miẹn vbe ọna a gha sunu, wa gha ghọghọ. Ọna gha ya uwa wegbe, egbe ghi vbe rran uwa. Ẹghẹ nii wa gha na rẹn wẹ mẹ ne Nọyaẹnmwa yi avbe emwa ni họn ẹmwẹ mẹ obọ, kevbe wẹ mẹ vbe rhie ma avbe eghian mwẹ vbe ohu a mu mwẹ.”

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Aizaia 66:6

Wa danmwehọ o! Utumwẹ nọkhua ne ọ rre ore ẹvbo nii, owogho ne ọ rre uwu Ọgua Osa nii, utumwẹ ọghe eghian e Nọyaẹnmwa, ne Nọyaẹnmwa rri ẹre oya nọ!

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 32:19

Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Jerimaia 50:15

Wa kpe orhu okuo lẹga ọre ẹvbo nii hia. Banbanna nian, e Babilọn de igue nẹ. A ha uvun la ekẹn ọnrẹn gberra, a keghi dunmwu ẹn ruan sẹ otọ. Te I ghi rria e Babilọn ikhi na. Rhunmwuda ọnii nian, wa vbe rria iran ikhi, ne uwa ru iran zẹ vbene iran vbe ru emwa ọvbehe.

Jerimaia 50:29

“Wa tama iran ni fi uhanbọ ne iran dekun e Babilọn. Wa gie iran gha khian ighe avbe emwa ni ghi guara fi uhanbọ kevbe ifẹnmwẹ. Wa ghae ga ẹvbo nii, wa ghẹ vbe gie ọmwarhọkpa miẹn uhunmwu vbọ. Wa ru ẹre emwi hia ne irẹn vbe ru emwa re werriegbe. Wa hae nẹ zẹ vbene irẹn ka ru. Rhunmwuda, uhiomwẹ ọ re ọ ya yin da mwẹ, mẹ ne ọmwa Nọhuanrẹn ọghe Izrẹl.

Eve Orriara 4:11

E Nọyaẹnmwa keghi wa tue izohu ẹre ne ọ wegbe ladian; ọ keghi hie erhẹn ye Zaiọn, ne ọ wa gien ọnrẹn sotọ.

Ezikiẹl 23:49

Kevbe uwa ne etẹn neva na, I gha rri uwa oya ye u sakanmwẹ uwa na kevbe orukhọ ne uwa ru vbekpa ẹbọ ne uwa gho. Ẹghẹ nii, wa gha na rẹn ighe mẹ ọrọre e Nọyaẹnmwa ne Udazi.”

Ezikiẹl 38:18

E Nọyaẹnmwa ne Udazi khare wẹẹ, “Ohu gha kakabọ mu mwẹ vbe ẹdẹ ne Gọg gha mu okuo la Izrẹl.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

Ezikiẹl 6:12

Iran ni rre urria gha khuọnmwi, iran ghi wulo, iran ni ma khian rrei, okuo gha gbele iran. Iran ni miẹn uhunmwu vbọ, ohanmwẹ gha gbele iran an. Obọ ẹtin ohu mwẹ gha da iran.

Joẹl 3:4

“De emwi ne uwa ru imẹ re na yi, e Taia kevbe Saidọn; kevbe Filistia hia? Ọ mwẹ emwi ne uwa ra rria mwẹ ikhi ẹre ra? Adeghẹ erriọ nọ, I gha vbe ru uwa ẹre werriegbe ẹgiẹgiẹ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”

Iyẹn ne ọ Maan Ọghe Luk 21:22

Rhunmwuda ‘Ẹdẹ Irriakhi’ nọ ne a ya mu ẹmwẹ ne Ebe tae hia sẹ.

Ebe ne Pọl gbẹẹn gie emwa Rom 2:6

Rhunmwuda Osanobua gha hae ne dọmwadẹ ọghọe, zẹ vbe iwinna ne ọ winnaẹn.

Diuteronomi 32:41

wẹ I gha lọ agbada mwẹ ne wainwain, I ghi miẹn wẹ a ru emwi ye vbene ọ kere. I gha rria avbe eghian mwẹ ikhi, I ghi rri iran ni khuiwu mwẹ oya.

Diuteronomi 7:10

Sokpan ẹ i sọn ọ te gha rria iran ni khuiwu ẹre ikhi.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

Arhie Maan 19:15

Umozo ne ọ mu ne ọ ra ya khọn uhunmwu ẹvbo hia mu otọ kegha ke unu ẹnrẹn ladian. Ọkpọ ematọn ọre ọ khian ya gha khaemwisẹ yan iran, ọ gha vbe balọ ayọn ne ọ rre uwu okọ izohu Osanobua ne Oghodua ladian.