Aizaia 59:16 - Edo Bible (E Baibol Ẹdo) Version 1996

¹⁶ Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Aizaia 59:16 ပူးပေါင်းရင်းမြစ်များ

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Psalm 94:16

De ọmwa ne ọ gu emwa dan gbinna mẹ yi? Gha ọ mu ẹzọ mwẹ gu emwa ọkhọ gui?

Psalm 98:1

Wa so ihuan ọgbọn ghe Nọyaẹnmwa, ọ ru emwi ọyunnuan nibun nẹ. Ọ vbe ya ẹtin kevbe iwegbe ẹre ne ọ huanrẹn, miẹn akhọnmiotọ nẹ.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 33:3

U gha gbinna ne ima, avbe uhunmwu ẹvbo ghi gha lẹ kua vbe iran a họn owogho okuo.

Aizaia 40:10

E Nọyaẹnmwa ne Udazi dee ra do ya ẹtin khaemwisẹ. Ọ ghi viọ avbe emwa ne irẹn miẹnfan mwẹ obọ gha dee.

Aizaia 41:28

Ugbẹn vbe I tọn aro mu ghe avbe ẹbọ, ọkpa vbe uwu iran ne ọ miẹn ẹmwẹ ta i rrọọ; ọkpa vbe uwu iran ne ọ sẹtin rhie ewanniẹn ye ọta ne I nọrẹn i rrọ.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Iyẹn ne ọ Maan Ọghe Mak 6:6

Ọ keghi kakabọ yan ẹre unu uan rhunmwuda ighe iran i mwẹ iyayi.