Aizaia 59:14 - Edo Bible (E Baibol Ẹdo) Version 1996

¹⁴ A khu ohiẹn ẹmwata fua, emwi ne ọ kere i sẹtin sikẹ ọmwa. Ẹmwata rrua owẹ vbe ughe, uyinmwẹ ne ọ diae i vbe miẹn otọ tota yi vbe evba.

Aizaia 59:14 ပူးပေါင်းရင်းမြစ်များ

I Ọba 21:10

Wa gualọ igbẹki eva ne iran do ba ẹre ifi ẹzọ wẹ iran họn vbe ọ kpa unu ghe Osa kevbe ọba. Iyeke ọnii, wa rhie ẹre ladian vbe ore ẹvbo ne u wa ya filo okuta gbe ẹe rua.”

I Ọba 21:11

Emwa iwinna kevbe ekamakodin e Jezibẹl keghi ru vbene Jezibẹl khare.

Psalm 119:150

Iran ne ekhọe dan, ni khu mwẹ khian, wa sikẹ mwẹ sayọ, avbe emwa ni i rhie uhi ruẹ mwẹ.

Asan-Ibo 3:16

Deba ena hia, I keghi vbe miẹn uyimwẹ ika vbe ehe ne ọ te kei ne a ta ẹmwata kevbe emwi ne ọgbae gha ye.

Aizaia 1:21

Ẹvbo ne ọ te ka mwẹ uyinmwẹ ne ọ gbae yi, ọ re ọ ghi yin uyinmwẹ ohọhọ na, vbe ẹghẹ okpa emwa ẹmwata ọ re ọ wa gba re, sokpan, banbanna nian avbe izigha ọ re ọ ghi kẹe.

Aizaia 46:12

“Wa danmwehọ mwẹ, wa ni ze vbe ẹkoko udu ni ro wẹ akhọnmiotọ wa rrei ẹsẹse.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Aizaia 59:11

Ma runraẹn, ma keghi gha khiẹ. Ma rhie aro ye odẹ wẹ ne Osanobua do miẹn ima fan vbe obọ azẹ ọmwakpokpo, kevbe aru ọmwa khọ, sokpan, emwi rhọkpa ma sunu.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Aizaia 59:9

Emwa nii khare wẹẹ, “Banbanna nian, ma rẹn emwi ne ọ sii ẹe ne Nọyaẹnmwa ma na miẹn ima fan vbe obọ emwa ni wọ ima uhunmwu. Ma rhie aro ye uwanmwẹ ne ima gha na gha khian, sokpan, ebiebi ọkpa ọ re ọ rrọọ,

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Jerimaia 7:28

U ghi tama iran wẹ, uhunmwu ẹvbo iran i họn ẹmwẹ mẹ, mẹ ne Nọyaẹnmwa ne Osanobua iran, ra ne oya ne a rri iran re vbe gha rhie ẹwaẹn ne iran. A ye ekhọe ga wu nẹ. A i ghi dọlegbe guan kan rẹn ọvbehe.

Daniẹl 8:12

Orukhọ ọ re emwa ghi ya gha ru vbe evba ye ihe ne iran gha na te gha zọ ese ne a mwa yọ ẹdẹgbegbe, a keghi mu iyayi ẹmwata fua. Igho nii ke wa gha miẹn ọ dunnaẹn vbe emwi ne ọ ru hia.

Hozia 7:1

“Ẹghẹikẹghẹ ne I ya ho ne I sinmwi emwa mwẹ ighẹ ivbi Izrẹl kevbe ne I gie agbọn ma iran, emwi ne I miẹn vbe obọ iran ọrọre ekhọe dan, kevbe uyinmwẹ dan ne iran yin. Iran gha mu egbe ru. Iran gbe urho la owa ya gha rha, iran do emwa emwi hẹ vbe adesẹ ore.

Emọs 5:11

Wa wọ avbe ivbiogue uhunmwu, wa keghi vbe do iran ọka viọ. Rhunmwuda ọnii, wa i yin owa okuta ne mose mose ne uwa bọlọe, ra na uwa da ayọn ne ọ ke ugbo azara ne uwa gbe rre.

Emọs 5:7

Ọghe uwa fo nẹ, wa ni khiẹn ohiẹn bu, ni vbe mu emwa buzọ ẹre aro ua vbe emwi ne ọ wa khẹke iran!

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.

Habakọk 1:4

Te uhi ye mitan mitan, ẹ i vbe mwẹ esa, a i vbe bu ohiẹn ẹmwata. Emwa dan ghi gha rria ase emwa ẹmwata, rhunmwuda ọnii, te ohiẹn ghi khian ne a khiẹn bu.