Aizaia 59:13 - Edo Bible (E Baibol Ẹdo) Version 1996

¹³ Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Aizaia 59:13 ပူးပေါင်းရင်းမြစ်များ

Job 31:28

Uwu ọ re ọ kere ne a ya rria ikhi egbe orukhọ vberriọ, te ọ siẹn Osanobua ne Udazi.

Psalm 18:21

Mẹ mu uhi e Nọyaẹnmwa sẹ nẹ, I ma fi iyeke gbe Osanobua mwẹ.

Psalm 78:36

Sokpan, ohoghe ọ re ẹmwẹ iran hia khin, ẹmwẹ ne iran ta okpa ne ọ sẹ otọ ẹko i rrọ.

Itan 30:9

I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Aizaia 10:1

Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Aizaia 30:12

Sokpan, vbenian ọ re Osanobua nọhuanrẹn ọghe Izrẹl khare, “Wa fi iyeke gbe ẹmwẹ ne I tama uwa, wa na mu ẹtin yan ọkhọ kevbe erẹrẹ ọghe uwa.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Aizaia 32:6

Ẹmwẹ ukọnmwẹ ọ re akpa guan, ọ ghi vbe gha zẹ iro emwi dan ne irẹn gha ru, emwi ne ọ ru kevbe ẹmwẹ ne ọ ta, ne a ya yagha e Nọyaẹnmwa ọ re ehia khin. Ẹ i rhie evbare ne ọmwa ne ohanmwẹ gbe ra ne ọ sa amẹ ne ọmwa ne ovbamẹ gbe wọn.

Aizaia 48:8

Mẹ rẹnrẹn wẹ wa i gia mu ẹtin yan wẹ, etẹ ọ re a rẹn uwa yi ẹdẹ. Onii ọ sii ẹe ne uwa ma na zẹdẹ họn vbekpa ọnọna hiehiere ne ifi ẹmwẹ ọkpa vbọ ma na vbe fi la uwa ehọ.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Aizaia 58:2

Ẹdẹgbegbe ọ re iran ya ga mwẹ, iran ghi vbe kha wẹ iran ho ne iran rẹn vbene I ru emwi hẹ, kevbe ne iran vbe gha ya uhi mwẹ ru emwi. Iran khare wẹ, iran ho ne I yi uhi ẹmwata ne iran, kevbe wẹ te ọ wa bọbọ iran egbe ne iran gha ga mwẹ.”

Aizaia 58:9

Wa gha na erhunmwu, I ghi họn. Wa gha tie mwẹ, I ghi khuẹnniẹn. “De ghẹ wa dobọ ne uwa na wọ emwa uhunmwu yi, deba uyinmwẹ ne ọ ghi khọ ọghe otilua, kevbe ẹmwẹ dan hia.

Jerimaia 12:8

Emwa mwẹ ne I hannọ zẹ mu aro igbinna da mwẹ nẹ, iran gha vannọ okan yan mwẹ zẹ vbe oduma vbe uwu oha, rhunmwuda ọnii, ohu iran mu mwẹ.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:16

Ẹn, ivbi e Mẹmfis kevbe Tapanhes guọghọ ẹre ugboloko uhunmwu.

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Jerimaia 3:20

Sokpan, zẹ vbe okhuo ne ọ fi owẹ ye oha, u ma guobọ mwẹ ọvbehe. Mẹ ne Nọyaẹnmwa ọ re ọ taa ẹe.”

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.

Jerimaia 5:23

“Sokpan, wa na, wa ze vbe ẹkoko udu, wa keghi vbe sọtẹ, wa lahin odẹ rre, wa keghi sẹ mwẹ rae.

Ezikiẹl 18:25

“Sokpan wa keghi kha wẹẹ, ‘Emwi ne Nọyaẹnmwa ne Udazi ru ma khuia.’ Wa danmwehọ mwẹ, wa ne ivbi Izrẹl, wa ro wẹ odẹ ne I ru emwi la ma khuia.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Hozia 7:1

“Ẹghẹikẹghẹ ne I ya ho ne I sinmwi emwa mwẹ ighẹ ivbi Izrẹl kevbe ne I gie agbọn ma iran, emwi ne I miẹn vbe obọ iran ọrọre ekhọe dan, kevbe uyinmwẹ dan ne iran yin. Iran gha mu egbe ru. Iran gbe urho la owa ya gha rha, iran do emwa emwi hẹ vbe adesẹ ore.

Hozia 7:13

Ọghe iran fo vbotọ! Iran sẹ mwẹ rae, iran keghi sọtẹ ghe mwẹ. A gha fuẹn iran an. Te I ho ne I miẹn iran fan, sokpan ugamwẹ ohoghe ọ re iran ga mwẹ re.

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.

Matiu 10:33

Ọmwa ne ọ rhirhi siẹn mwẹ vbe azagba, mẹ gha vbe siẹn ọẹn vbe odaro Erhamwẹ ne ọ rre ẹrinmwi.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Jems 1:15

Emwi dan ne ọ ho ghẹ ghi hanmwa nẹ, ọ ghi biẹ orukhọ, orukhọ ghẹ ghi wan nẹ, ọ ghi biẹ uwu.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”