Aizaia 59:11 - Edo Bible (E Baibol Ẹdo) Version 1996
11 Ma runraẹn, ma keghi gha khiẹ. Ma rhie aro ye odẹ wẹ ne Osanobua do miẹn ima fan vbe obọ azẹ ọmwakpokpo, kevbe aru ọmwa khọ, sokpan, emwi rhọkpa ma sunu.
Urhu mwẹ ye wẹnrẹn, ọ ma vbe wegbe I ke gha tu ye uwu ẹko zẹvbe idu. Te aro mwẹ ghi ye kuọkuọkuọ, ne I ya ghe odukhunmwu. E Nọyaẹnmwa, wọlọ mwẹ hin uwu avbe ọlọghọmwa na rre.
agbọn hia ghi rhie uhunmwu da ẹbe vbe ehe ne uwa ye. A i miẹn ọkpa ne ọ diae vbe avbe emwi hia ne uwa ru. Odẹ ne ọ gọe ọ re uwa la, ọmwa ne ọ la odẹ ni rhie uhunmwu da ẹbe.
Emwa nii khare wẹẹ, “Banbanna nian, ma rẹn emwi ne ọ sii ẹe ne Nọyaẹnmwa ma na miẹn ima fan vbe obọ emwa ni wọ ima uhunmwu. Ma rhie aro ye uwanmwẹ ne ima gha na gha khian, sokpan, ebiebi ọkpa ọ re ọ rrọọ,
Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!
Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!
Emwa hia hii lahin e Ninevi rre, zẹ vbe amẹ uhae ne ọ vẹ ua, ọmwa ọkpa datu wẹẹ, “Wa mudia! Wa mudia!” A kakabọ ye ugomwẹ ta ẹe sokpan a ma miẹn ne ọ gbearoghe iyeke.