Aizaia 59:10 - Edo Bible (E Baibol Ẹdo) Version 1996

¹⁰ te ima ghi ya obọ baba odẹ zẹ vbe arhuaro. Te ima ghi rrua owẹ vbe ogiavan ogioghogho vbe ne a miẹn wẹ ẹvbo iran ni wulo nẹ ne ehe hia na so ebiebi ọ re a ye.

Aizaia 59:10 ပူးပေါင်းရင်းမြစ်များ

Job 5:14

Iran ghi gha ye obọ baba odẹ vbe ogiavan.

Itan 4:19

Sokpan, te odẹ ne ọmwa dan la khian yevbe asọn. Iran ghi dele sokpan iran i bẹghe emwi ne ọ rrua iran owẹ.

Aizaia 28:13

Onii ọ re ọ sii ẹe ne Nọyaẹnmwa ra na ma uwa emwi, abidi ọkpọkpa, uviẹn ọkpọkpa, ipapa ebe ọkpọkpa. Ẹghẹ nii, inugba ne uwa zẹ owẹ ọ re uwa ra vbe gha rrua owẹ. Wa gha kuan egbe uwa, ifi gha munọ uwa, a ghi vbe hẹ uwa gha rrie zẹ vbe oghunmwu.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Aizaia 8:15

Nibun gha rrua owẹ, iran gha dele, iran ghi rẹnkhẹn uan. Ifi gha munọ iran.”

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Eve Orriara 3:6

Ọ keghi ru ẹe ne I ya dia evba ya, ehe ne hihiihi ọghe ebiebi uwu.

Eve Orriara 4:14

Avbe ọkaolotu ẹre kegha zozo lele abẹvbo khian zẹ vbe arhuaro, esagiẹn gbe iruẹn ye iran egbe sẹrriọ, wẹ a i miẹn ne ọ ya obọ kan iran.

Ezikiẹl 21:15

Ọ gie ẹtin wa fo avbe emwa mwẹ iran ghi vbe gha rrua owẹ. I gha ye umozo ne ọ fi wain vbe ayan, yan gie ẹvbo nii, umozo ne ọ vbe mu egbe ne ọ ya gbe emwi.

Emọs 8:9

Ẹghẹ dee ne I gha na ru ẹe ne owẹn defua vbe ogiavan, otọ agbọn ghi so ebiebi vbe ogiavan ogioghogho. Mẹ ne Nọyaẹnmwa ne Udazi ọre ọ taa ẹe. I gha ya emwiukpo ne uwa ru khian irorinmwi, I ghi fi ihuan ọyẹnmwẹ ne uwa so werriẹ khian ugomwẹ akhiẹ.

Maika 3:6

“Wa ne avbe akhasẹ, ẹdẹ uwa rrie dọn ọn, ebi avan ra ro uwa. Rhunmwuda ne uwa na de emwa odẹ, wa i ghi ra miẹn umian akhasẹ ọvbehe, wa i ghi ra dọlegbe sẹtin ta emwi ne ọ gha he sunu ye otọ.”

Iyẹn ne ọ Maan Ọghe Jọn 12:35

Jesu tama iran wẹẹ, “Uwanmwẹ gha ye gu uwa mudia kpẹe kherhe. Wa yin uyinmwẹ ẹdẹ agbọn uwa vbene uwa na mwẹ uwanmwẹ, ne ebiebi ighe do hẹ rhu uwa rhunmwuda, ọmwa ne ọ khian vbe ebiebi ma rẹn ehe ne ọ rrie.

Iyẹn ne ọ Maan Ọghe Jọn 12:40

“Osanobua rhu iran aro nẹ, ọ vbe gbe iran ekhọe ẹwaẹn ruan nẹ, ne aro iran ghẹ miẹn ehe na bẹghe odẹ, ne ọ ghẹ miẹn ehe na la iran ekhọe, ne iran ghẹ ya bu mwẹ rre ne imẹ mu iran egbe rran.”

Diuteronomi 28:29

Wa ghi gha ye obọ baba odẹ khian vbe ogiavan ogioghogho, zẹ vbe arhuaro, wa iran miẹn odẹ uwa. Emwi kemwi ne uwa a rhirhi ru, ọkpa ne ọ gha dinna odẹ i rrọọ. A ghi gha zẹ uwa kpokpo kugbakẹghẹrẹ, a ghi rha uwa, a i vbe miẹn ọmwa ne ọ gha ye uwa obọ.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.