Aizaia 57:7 - Edo Bible (E Baibol Ẹdo) Version 1996

⁷ Wa ghi gha yo avbe oke ni yo ne uwa ya gha zọ ese kevbe ne uwa ya gha ru emwi ọdọ vbe amwẹ.

Aizaia 57:7 ပူးပေါင်းရင်းမြစ်များ

Aizaia 57:3

Wa larre ne a do bu ohiẹn uwa, wa ne emwa orukhọ. Wa ma maa sẹẹ avbe oso, iran ni ghẹẹ kevbe avbe ebabotu.

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 3:2

Wa tọn aro mu ya ghe avbe uhunmwu oke. Ihọkpa rrọọ ra ne uwa ma na he ka do ẹki ebabotu yi? Wa ghi gha mudia khẹ emwa ne uwa zẹ ọre ọse vbe ọkpẹn odẹ zẹ vbene Igabari diakhẹ emwa ni gha defi iran obọ vbe ato. Wa keghi ya ẹki ebabotu ne uwa do mu awua ye avbe otọe nii.

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Ezikiẹl 16:16

U ya ukpọn eso ne u mwẹ te ehe ne u na ga, u kegha kue ne emwa hia zẹ vbene igberagie gha ru zẹẹ,

Ezikiẹl 16:24

lele ọkpẹn odẹ hia, ne u na gha gho ẹbọ kevbe ne u miẹn na gha gbe igberagia.

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.

Ezikiẹl 23:17

“Ivbi e Babilọn keghi rre do gha gu ẹe ru emwi. Iran ru ẹe sẹrriọ, iran yagha ẹe sẹrriọ wẹ vbe okiekie ẹmwẹ iran keghi khan rẹn.

Ezikiẹl 23:41

Iran ghi tota ye aga nekhuẹrhẹ ne ọ mose, iran ghi mu eteburu ne a viọ emwi ni maa hia yi ye odaro iran vbe uwu ne eturari kevbe ẹvbi oliv ne I viọ ne iran ye.

Ezikiẹl 6:13

A gha zagha avbe ikun orinmwi gba ehe ne avbe ẹbọ ye kevbe lẹga ogiukpo, a gha zagha ẹe lele avbe oke ni yo hia, vbe uhunmwu avbe oke nekhua hia, ototọ erhan ni mwẹ ebe hia, kevbe avbe okan ni kọnkọn, vbe ehe hia ne iran ghi na giẹẹn ese ne ẹbọ iran. Ẹghẹ nii, emwa hia gha rẹn ighe mẹ ọrọre Nọyaẹnmwa.