Aizaia 57:5 - Edo Bible (E Baibol Ẹdo) Version 1996

⁵ Wa gho avbe ẹbọ umọbiẹ nii, vbene uwa na ru emwi ọdọ vbe amwẹ vbe ototọ avbe erhan iruẹemwi uwa nii. Wa ya ivbi uwa zọ ese vbe avbe uvun okuta ni rre vbe a gha bu otọ ẹzẹ.

Aizaia 57:5 ပူးပေါင်းရင်းမြစ်များ

I Ọba 14:23

Iran keghi họlọ ehe ne iran na gho avbe ẹbọ ohoghe, iran keghi mannọ orre okuta kevbe ọkpọ erhan ni mwẹ irhu emwi ne iran gha ghoo, vbe uhunmwu oke kevbe ototọ erhan ni mwẹ irhu.

II Ọba 17:10

Iran keghi viọ amazẹ Asiẹrra kevbe orre ọre ne a ye okuta ru lele uhunmwu oke kevbe ototọ erhan ni mwẹ irhu hia.

II Ọba 17:7

E Sameria keghi de guọghọ ua, rhunmwuda ivbi Izrẹl sẹ ẹmwẹ e Nọyaẹnmwa ne Osanobua iran, ọmwa ne ọ wọlọ iran hin obọ ọba Igipt rre, ọ na viọ iran ladian vbe Igipt. Iran keghi ya gha ga ẹbọ ọvbehe.

II Ọba 23:10

E Josaia ne ọba kevbe rhia e Tofẹt rua, ehe ne iran na te vbe ga ẹbọ vbe Iya e Hinọm, ne ọmwa ikọmwa ghẹ ghi miẹn ehe na giẹn ovbi ẹre ne okpia ra ovbi ẹre ne okhuo rua ya zọ ese ghe e Molẹk ne ẹbọ.

II Krọnikol 28:3

ọ kegha giẹn eturari vbe Iya Hinọm, uhin ighẹ te ọ ya ovbi ẹre ne okpia zọ ese ghe amazẹ, ọ kegha ya egbe ta uyinmwẹ ẹwia ọghe emwa ne Nọyaẹnmwa khulo kua vbe otọe nii vbe ivbi Izrẹl dee.

Ẹksọdọs 32:6

Vbe owiẹ vbirrivbirri ẹdẹ ne ọ lele ẹe iran keghi gbele aranmwẹ ya zọ ese ne iran giẹn uan. Iran keghi vbe viọ aranmwẹ rre ne a ya zọ ese isara. Emwa nii keghi tota gha re gha da, ọ na keghi do khian ayọn ohọhọ kevbe iku okpia vbe okhuo.

Aizaia 1:29

U gha gbe I ma rẹn ye ẹmwẹ avbe erhan kevbe ogba iruẹbọ ne u gha ghoo.

Jerimaia 17:2

Ehe ne avbe Ogiukpo ye ọ re avbe emwa na ga, kevbe ne a mu gbọ ne Asiẹrra ne ẹbọ ne okhuo, vbe ehe ne erhan ne ọ mwẹ ebe ye, kevbe uhunmwu oke negiẹrẹ.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 3:13

Sokpan, u ghi miẹnkue wẹ, wa rriabe kevbe wẹ wa sẹmwẹ e Nọyaẹnmwa ne Osanobua uwa. Miẹnkue wẹ u rhie aho ruẹ ne avbe ẹbọ ẹrrẹe vbe ototọ erhan ni mwẹ ebe ni bii hia kevbe wẹ u ma ya ẹmwẹ mwẹ ru emwi. Mẹ ne Nọyaẹnmwa ọ re ọ tae.

Jerimaia 3:6

Ẹghẹ ne Josaia na gha re ọba, e Nọyaẹnmwa keghi tama mwẹ wẹẹ, “Wẹ miẹn emwi ne Izrẹl ne okhuo ne ọ ma guobọ ọdọ ru nian. Ọ fi iyeke gbe mwẹ nẹ, ọ keghi ya gha do ẹki ebabotu vbe uhunmwu oke ni yo hia kevbe ototọ avbe erhan ni mwẹ ebe ni bii.

Jerimaia 32:35

Iran bọọ Ogiukpo ne Baal vbe Iya Hinọm, ne iran ya gha ya ivbi iran nikpia kevbe nikhuo zọ ese vbe evba ne ẹbọ ne a tie ẹre Molẹk. Mẹ ma tama iran ne iran ru emwi na, ọ ma vbe gha zẹdẹ rrọ mwẹ ekhọe wẹ ne iran ru emwi vberriọ, ne iran ya si emwa e Juda obọ fi orukhọ.”

Jerimaia 50:38

Ghẹ gie amẹ rhọ ye otọ ẹre, vbe si avbe ẹzẹ ọre ka. Otọe amazẹ ni mu ohan ọre Babilọn khin ọ na vbe ya avbe emwa nii khian akpa.

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Jerimaia 7:31

Iran ma Ogiukpo okpa ne iran tie ẹre Tofẹt ye Iya Hinọm, ne iran miẹn ehe na gha ya ivbi iran nikpia ke nikhuo zọ ese vbe erhẹn. I ma gie iran ru emwi na, ọ ma vbe zẹdẹ gha rrọ mwẹ ekhọe hiehiere.

Ezikiẹl 16:20

“Iyeke ọnii, u keghi viọ emọ ikpia kevbe emọ ikhuo ne u biẹlẹ mẹ, u na ya iran zọ ese ne ẹbọ. Adeghẹ te u ma ga mwẹ,

Ezikiẹl 20:26

I keghi gie iran gha ya emwi imuohan iran mu awua ye egbe iran egbe, I keghi vbe gie iran gha ya ivbi iran ne ọdiọn ne ikpia zọ ese. Ọna keghi re ne a ya rri iran oya, kevbe ne a ya rhiema iran ighe mẹ ọrọre Nọyaẹnmwa.

Ezikiẹl 20:28

I viọ iran gha die otọ ne I wẹ I gha mu ne iran. Iran ghi miẹn avbe oke ni yo kevbe avbe erhan ni mwẹ ebe nunuunu, iran kegha zọ ese vbe ehe ne ehia ye.

Ezikiẹl 20:31

Ye do sẹ ẹdẹ nẹrẹ na, emwi ọkpa ọ re uwa ye ya muohan, wa ghi vbe mu awua ye egbe uwa egbe vbekpa nene ẹbọ nii, vbekpa ne uwa na ya ivbi uwa zọ ese ne iran vbe uwu erhẹn. Sevba, wa ne ivbi Izrẹl ghi ye do gha nọ emwi ne ọ rrọ mwẹ ekhọe. Zẹ vbene aro wa dae ighe mẹ ọrọre e Nọyaẹnmwa ne Udazi, erriọ, mẹ ọrọre Osanobua ne ọ rrọọ. Mẹ i ra kue ne uwa nọ mwẹ ẹmwẹ rhọkpa.

Ezikiẹl 6:13

A gha zagha avbe ikun orinmwi gba ehe ne avbe ẹbọ ye kevbe lẹga ogiukpo, a gha zagha ẹe lele avbe oke ni yo hia, vbe uhunmwu avbe oke nekhua hia, ototọ erhan ni mwẹ ebe hia, kevbe avbe okan ni kọnkọn, vbe ehe hia ne iran ghi na giẹẹn ese ne ẹbọ iran. Ẹghẹ nii, emwa hia gha rẹn ighe mẹ ọrọre Nọyaẹnmwa.

Levitikọs 18:21

Ghẹ rhie ovbi uẹ rhọkpa ne iran ya gho ẹbọ Milkọm rhunmwuda ọnii gha yagha eni Osanobua ne ọ re Nọyaẹnmwa.

Nọmbas 25:6

Ehe ne iran na mudia vbe onurho Owa Ukpọn Ile gha khiẹ nii, ọkpa vbe uwu ivbi Izrẹl keghi sirra e Mosis kevbe avbe emwa nii hia rhie okhuo Midian ọkpa la uwu owa ukpọn rẹn.

Diuteronomi 12:2

Ẹre ena khin. Vbe otọ ne uwa ra mu nii, wa dunmwu ehe hia ne emwa nii na gho ẹbọ, vbe oke ni yo, oke ne giẹrẹ kevbe ototọ avbe erhan ni mwẹ ebe ọgbọn.

Arhie Maan 18:3

Rhunmwuda, rẹn keghi rhie ayọn ne emwa hia, ọ keghi ye iran dae ighẹ ayọn ne ọ wo vbe egbe ọghe alama oghẹ, kevbe ozuan ọghọe. Avbe ọba otọ agbọn keghi gu ẹe ru emwi alama oghẹ, iwinna ne agbọn winna keghi ya orriarria ọghọe ne ẹ i mwẹ egaga gha hue.”