Aizaia 57:2 - Edo Bible (E Baibol Ẹdo) Version 1996

² Iran ni ye ẹdagbọn iran ru emwi esi, iran ghi miẹn ọfumwegbe kevbe ikẹtin vbe uwu.

Aizaia 57:2 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

II Krọnikol 16:14

A na re ẹre ye idin ne ọ fian ye uwu okuta ne egbe ẹre vbe Ẹvbo e Devid. Iran keghi ya avbe ọmọ erhan kevbe ori ni winhin wo ẹre egbe wa ẹre ye ukpo, iran keghi hie ogidi erhẹn nọkhua ya ru akhiẹ ne ẹẹn.

Job 3:17

Uwu idin ọ re emwa dan na dobọ iba yi. Iran ne iwinna wọ ẹre egbe ghi miẹn ehe na hẹwẹ.

Psalm 37:37

Yi ọmwa esi ẹro, gbe aro kotọ vbe egbe ọmwata ọmẹhẹ mwẹ ivbi igiogbe ọre,

Asan-Ibo 12:7

Ikinnegbe mwa ghi dọlegbe ghe ekẹn ne otọe, orhiọn ghi dọlegbe bu Osa ne ọ rhie ẹre ne ọmwa.

Aizaia 14:18

avbe ọba agbọn hia lovbiẹ ye uwu idin iran ne mose mose,

Aizaia 26:7

E Nọyaẹnmwa, wẹ ọ re ọ gie odẹ rrie ne emwa esi, odẹ ne iran la khian ye kpẹghẹ.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Ezikiẹl 32:25

“Ẹlam lovbiẹ ba avbe emwa ne a gbele vbe okuo. Idin avbe ivbiyokuo ẹre lẹga ẹre. Erhọkpa ma rhuẹ, okuo ọ re a na gbele iran. Ẹghẹ ne iran na rre agbọn, iran keghi ya ohan gba ehehia, sokpan banbanna nian, iran lovbiẹ iran wulo nẹ, a vbe fa iran an, emwi ne ọ rruan emwa ne a gbele vbe okuo ọ re ọ ghi vbe rruan iran.

Daniẹl 12:13

“Wẹ nẹ Daniẹl mu uhunmwu ke ọe ya sẹ ufomwẹ. Ẹghẹ nii, u gha wu, sokpan u gha rhiọrre ne a san ruẹn ẹse vbe ẹdẹ okiekie.”

Matiu 25:21

Arowa ẹre keghi tama rẹn wẹẹ, ‘U ru ẹse ọguọmwadia ne ekhọe esi, ẹkoata ọre u ya gbe aro ghe igho kherhe na, I gha mu igho ne ọ kọnkọn nuẹn gha gbe aro ghe. La owa ne u do gunmwẹ ku obọ ye uwa.’

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iyẹn ne ọ Maan Ọghe Luk 16:22

Ovbiogue nii ghi wu, avbe odibosa keghi mu ẹn ya diake Ebraham vbe ẹrinmwi. Enọfe ni keghi vbe wu, a na re ẹre.

Iyẹn ne ọ Maan Ọghe Luk 2:29

“Nọyaẹnmwa, u mu eyan ne u yan rẹn sẹ nẹ. U sẹtin zẹ ọguọmwadia ruẹ urrie vbe ọfumwegbe nian.

Iyẹn ne ọ Maan Ọghe Luk 7:50

Sokpan Jesu tama okhuo ni wẹẹ, “Iyayi ruẹ miẹn ruẹn fan nẹ, gha khian vbe ọfumwegbe.”

II Kọrinti 5:1

Rhunmwuda, ma rẹnrẹn wẹ, okhogbo ne ima ye na ọnii ọre egbe ne ima mwẹ vbe agbọn na — a gha sin ẹnrẹn kua nẹ, Osanobua gha rhie owa ne ima gha ye vbe ẹrinmwi, ne irẹn tobọ ẹre bọe, owa ne ọ gha rrọọ rhinrin ẹdẹdẹmwẹdẹ.

II Kọrinti 5:8

Udu wa hu ima, ọ gha te yẹ ima sẹ ne a kpao sẹ owa ikinnegbe mwa na rae, ne ima ya gu Nọyaẹnmwa gha rrọọ.

Filipai 1:23

Te aro mwẹ ghi rre eran rre eran. Ọ wa khọn mwẹ ne I sẹ agbọn na rae ne I ya tota ke Kristi, ọnii ọ wa re emwi ne ọ maa sẹ ẹsẹse.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”