Aizaia 57:11 - Edo Bible (E Baibol Ẹdo) Version 1996

¹¹ E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Aizaia 57:11 ပူးပေါင်းရင်းမြစ်များ

Psalm 50:21

Wa ru avbe emwi na hia mẹ keghi hunwan kpọi wa keghi rhunmwuda ọnii gha ro wẹ, te imẹ yevbe uwa. Banbanna nian mẹ gu uwa gui nẹ I keghi rhan otọ ẹmwẹ nii ma uwa.

Psalm 78:36

Sokpan, ohoghe ọ re ẹmwẹ iran hia khin, ẹmwẹ ne iran ta okpa ne ọ sẹ otọ ẹko i rrọ.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Aizaia 26:10

A gha rhe miẹn wẹ u tohan emwa dan iran i ye ruẹ vbene a ru emwi ẹse he uhin vbe ẹvbo ẹmwata ne a ye vbe emwa na te iran ye ru emwi dan. Iran ma ho ne iran miẹn ukpọlọmwẹ ruẹn kue.

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 42:14

Osanobua khare wẹẹ, “Ọ kpẹre ne I ghi hunwan, I ma zẹ ye emwa mwẹ ẹre. Eban nian, ọ sẹe ne I gha ya guan yọ ọ I datu zẹ vbe okhuo ne emwi ubiẹmwẹ ru.

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Aizaia 47:7

Te u te gha ro ighẹ oloi ọ re u ra gha khin ẹdẹdẹmwẹdẹ, u ma rhie avbe emwi na ye ekhọe ra ne u roro emwi ne ọ gha ke ẹre ikian.

Jerimaia 2:32

Okhuo ọvbokhan vbe mianmian ikpẹrọnmwọ itegbe ẹre ra? Ra ne ovbiọha mianmian ẹwu irhiọha ẹre. Sokpan avbe emwa mwẹ mianmian mwẹ la inu ẹghẹ ne a ghi sẹtin ka nẹ.

Jerimaia 3:21

A họn owogho eso vbe uhunmwu oke: Ivbi Izrẹl ọ re ọ tulo, ne ọ vbe rinmwian rhunmwuda iran ru orukhọ, iran keghi vbe mianmian e Nọyaẹnmwa ne Osanobua iran.

Jerimaia 38:19

Sokpan, ọba keghi wanniẹn wẹẹ, “Ohan avbe ivbi ẹvbo ima ni he lẹ bu ivbi e Babilọn mu mwẹ, iran sẹtin rhie mwẹ ne iran, ne iran rriọmwẹ oya ẹkẹkhẹrhẹ.”

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.

Ezikiẹl 13:22

Wa wa ya ohoghe ne uwa tae gbin emwa esi ẹtin, avbe emwa ne imẹ i ho ni ru ẹre emwi rhọkpa. Wa i gie emwa dan zobọ vbe emwi dan ne iran ru, ne iran rhie uhunmwu iran ke ẹbe ladian.

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Matiu 25:25

Ohan ruẹn keghi mu mwẹ, rhunmwuda ọnii ọre I na ya tọn igho ruẹ ye otọ, ghe emwi ruẹ vba.’

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

II Tẹsalonaika 2:9

Ẹtin e Setan ọre Ọmwa Dan nii gha ya rre, ọ ghi winna iwinna ọyunnuan ughughan, kevbe orhiemaa ohoghe, kevbe ọyunnuan.

I Timoti 4:2

Obọ avbe ọhọn ohoghe ni mu emwa rẹrẹ, ọre iruẹmwi na ke rre, emwa ne ekhọe ẹre gbin vbe ne a miẹn wẹ te a mu ematọn ye erhẹn ya tọn ẹn.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.