Aizaia 57:1 - Edo Bible (E Baibol Ẹdo) Version 1996

¹ Emwa esi ghi wulo, ai miẹn ọmwa ne ọ rẹn otọ ẹre ra ne ọ vbe zẹyọ. Sokpan iran gha wulo, ọkhọ ọhanabe i sẹtin kuan iran.

Aizaia 57:1 ပူးပေါင်းရင်းမြစ်များ

I Ọba 14:13

Ivbi Izrẹl hia ghi khiẹ ọre, iran ghi vbe re ẹre. Rẹn ọkpa kẹkan ọ re a gha dọlọ ẹre uwu yi ẹse vbe uniẹn e Jeroboam rhunmwuda rẹn ọkpa kẹkan ọ re e Nọyaẹnmwa ne Osanobua Izrẹl mwẹ ẹko ne ọ rhiẹnrhiẹn ghe.

II Ọba 22:20

Oya ne I khian rri e Jerusalẹm re i ra sunu vbe ẹ i re te uwu nẹ. I gha gie uwẹ wu vbe ọfumwegbe.’ ” Emwa ni keghi ya na iyẹn ma e Josaia ne ọba.

II Krọnikol 32:33

E Hẹzekaia keghi wu, a na re ẹre ye obọ ne ọ ke uwu idin avbe ọba. Ivbi e Juda kevbe ivbi e Jerusalẹm hia keghi ru ne ẹẹn ẹsẹse vbe ọ wu. E Manasẹ ne ovbi ẹre keghi rriọba lele ẹe.

II Krọnikol 34:28

Oya ne I wẹ I gha rri e Jerusalẹm re, ẹ i ra sunu vbe ẹ i re te uwẹ wu nẹ, I gha gie uwẹ wu vbe ọfumwegbe.’ ” Emwa ni keghi ya ta uhunmwu ne a gie iran re ma Josaia ne ọba.

II Krọnikol 35:24

Iran keghi tọn ẹn mu hin uwu ikẹkẹ okuọ ọghọe rre, iran na mu ẹẹn ye ikẹkẹ okuọ ọvbehe ne ọ rre evba, iran na mu ẹẹn gha rrie Jerusalẹm. Evba ọ re ọ ghi na wu, a na re ẹre ye idin avbe ọba. Ivbi e Juda kevbe Jerusalẹm hia keghi khiẹ uwu ẹre.

Psalm 12:1

Nọyaẹnmwa, yi ima obọ. Ọmwa nọmaa rhọkpa i ghi rrọọ. A i ghi miẹn ọmwa ẹmwata.

Psalm 37:37

Yi ọmwa esi ẹro, gbe aro kotọ vbe egbe ọmwata ọmẹhẹ mwẹ ivbi igiogbe ọre,

Aizaia 42:25

Rhunmwuda ọnii, ọ keghi gie obọ ohu ẹre vba mwa, ma keghi miẹn obalọ okuo vbe egbe ohu ẹre giẹn la otọ Izrẹl zẹvbe erhẹn sokpan ma ma rẹn emwi ne ọ gha sunu. Ma ma sẹtin miẹn emwi ruẹ vbọ hiehiere.

Aizaia 47:11

Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.

Aizaia 47:7

Te u te gha ro ighẹ oloi ọ re u ra gha khin ẹdẹdẹmwẹdẹ, u ma rhie avbe emwi na ye ekhọe ra ne u roro emwi ne ọ gha ke ẹre ikian.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Jerimaia 18:11

Banbanna nian, tama ivbi e Juda kevbe Jerusalẹm wẹ, I wa khuan khẹ iran, I wa mu egbe ne I ya rri iran oya. tama iran ne iran dobọ uyinmwẹ dan ne iran yin yi, ne iran fi ohọ werriẹ kẹe kevbe emwi ne iran ru.

Jerimaia 22:10

Ivbi e Juda, wa ghẹ viẹ Josaia ne Ọba, wa ghẹ khiẹ uwu ẹre. Sokpan wa viẹ eve orriara ne Joahaz ne ovbi ẹre; iran mu ẹẹn kpao, ẹ i ghi werriegbe dee, ẹ i dọlegbe ye aro kan otọe nii ehe ne a na biẹ ọe.

Ezikiẹl 21:3

Mẹ ne Nọyaẹnmwa khare wẹ, eghian uwa ọ re imẹ khin, I gha yuo umozo mwẹ ladian, I ghi gbele uwa hia a, ke ne ọ re ọmwa esi ke ne ọ re ọmwa dan.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Malakai 2:2

Te ọ kere ne uwa gha ya uyinmwẹ uwa rhie ọghọ mẹ. Deghẹ wa wẹ wa i rhie ehọ ye ẹmwẹ ne I ta, te I ra fi uwa unu. I gha fi avbe emwi ne uwa miẹn ya gha da egbe yi unu vbe ẹmwata, I fi ehia unu nẹ, rhunmwuda I tie ẹmwẹ ne I tama uwa ẹmwẹ kpataki.

Nọmbas 23:10

Uniẹn ivbi Izrẹl ye vbe ikpekhae ne otọ. Iran bun gbe, ẹ i gia ka. Gie ufomwẹ ẹdẹ agbọn mwẹ yevbe ọghe ọkpa vbe emwa Osanobua gun mwẹ wu vbe ọfumwegbe zẹ vbe ọmwa ẹmwata.”