Aizaia 56:8 - Edo Bible (E Baibol Ẹdo) Version 1996

⁸ E Nọyaẹnmwa ne Udazi, ne ọ viọ Izrẹl ne emwa rẹn ke iwe gha dee, yan nẹ wẹ rẹn gha ye viọ emwa ọvbehe eso rre do deba iran.

Aizaia 56:8 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Psalm 106:47

Miẹn ima fan, Nọyaẹnmwa Osanobua mwa, ne u viọ ima werriegbe ke uwu ẹbu avbe uhunmwu ẹvbo ladian, ne ima miẹn ehe na kpọnmwẹ ẹse ne a rho eni ruẹn ne ọ huanrẹn.

Psalm 147:2

E Nọyaẹnmwa ra dọlegbe rhie Jerusalẹm ye ukpo ẹre, ọ ra viọ iran ni rre iwe dọlegbe rre.

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Aizaia 49:12

Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 49:22

Osanobua ne Udazi tama emwa rẹn wẹẹ: “I gha gie uhunmwu gie avbe uhunmwu ẹvbo, iran ghi viọ avbe ivbuẹ gha die owa.

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 54:7

“I sẹ uẹ rae vbe ovbi ẹghẹ kherhe aho ẹmwẹ ọmwa ne ọ dinmwi ọre I ra ya dọlegbe rhie ruẹ werriegbe.

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Jerimaia 31:10

E Nọyaẹnmwa khare wẹẹ, “Wa ne uhunmwu ẹvbo, wa danmwehọ mwẹ, ne uwa ta uhunmwu ne I gie vbe eghute ne ọ rrei, I zagha avbe emwa mwẹ kua, sokpan, I gha vbe si iran koko. I ghi gha su iran vbene ọsuohuan su avbe ohuan rẹn.

Ezikiẹl 34:12

Zẹ vbe ne ọsuohuan gbearoghe avbe ohuan ne ọ te zagha kua, a na ghi dọlegbe sii iran koko. I gha viọ ehia werriegbe ke ehe hia ne a te zagha iran kui vbe ẹdẹ ọfuan ne ọ so ebiebi nii.

Hozia 1:11

A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Maika 4:6

E Nọyaẹnmwa khare wẹẹ, “Ẹdẹ dee, ne I gha si avbe emwa ne I rri ọre oya koko, iran ni rri oya vbe iwe.

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iyẹn ne ọ Maan Ọghe Jọn 11:52

Sokpan ẹ i re ne iran ọkpa, sokpan ne ọ vbe si ivbi Osanobua ni zagha kua koko ye otu ọkpa.)

Iyẹn ne ọ Maan Ọghe Jọn 7:35

Avbe Ju kegha gu egbe guan wẹẹ, “De ehe ne ọ khian gha rrie ne ima i ra na miẹn ọẹn yi? Te ọ khian bu avbe Ju ni rre ẹvbo avbe Grik ra ne ọ ya gha ma iran ne Grik emwi?

Ẹfisọs 1:10

Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.