Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aizaia 56:7 - Edo Bible (E Baibol Ẹdo) Version 1996

7 “I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

အခန်းကိုကြည့်ပါ။ ကော်ပီ




Aizaia 56:7
35 ပူးပေါင်းရင်းမြစ်များ  

“A deghẹ orhunmwuyẹn ne ọ rre ẹvbo ne ọ rrei họn usi ruẹ, kevbe emwi ni kọnkọn ne u he ru ne emwa ruẹn, ọ na gha dee do ga kevbe ne ọ vbe na erhunmwu vbe Ọgua Osa na,


Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”


Errọn ghi muẹn ye uharo ẹre, odẹ vbenian, ọ ghi rhie abakuru ne ọ rhirhi gha rre avbe emwikemwi ne ivbi Izrẹl ya fi ohan ne imẹ. Te Errọn ra wa gha yọe vbe ẹghẹ hia ne emwi ihaoko nii miẹn ehe na gha yẹ Nọyaẹnmwa. A gha rhe miẹn wẹ iran ma ru emwi ẹse vbe iran ha oko gunmwe.


A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.


Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.


E Nọyaẹnmwa gha rhie egbe ẹre ma ivbi Igipt, ẹghẹ nii, iran gha vbe miẹn irẹn kue, iran ghi vbe gha ga ẹe, iran ghi vbe gha viọ ese ne a zọ kevbe emwiokọ gie ẹe. Iran gha ye ẹkoata ve ẹre emwi, iran ghi vbe ru vbene iran ve.


Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.


ẹghẹ nii, a gha ye eni ruẹn rre vbe Ọgua Osa mwẹ kevbe uwu ẹbu avbe emwa mwẹ kpẹe vbotọ ẹsẹse sẹẹ akpawẹ te u biẹlẹ emọ ikpia kevbe emọ ikhuo. A i mianmian an ẹdẹdẹmwẹdẹ.”


Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”


A gha kie urho ruẹ yotọ asọn kevbe avan ne avbe ọba avbe uhunmwu ẹvbo. Sẹtin gha viọ ẹfe iran guẹ.


Avbe ohuan e Keda kevbe Neboiọt hia. a gha viọ iran bu ruẹ rre zẹ vbe emwi izọ ese a gha ya iran zọ ese vbe Ogiukpo ghe Nọyaẹnmwa. E Nọyaẹnmwa ghi do ya Ọgua Osa ẹre khian ne ọ mwẹ uyi sẹẹ vbene ọ ka ye ẹdẹ.


Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.


“Sokpan, emwi ughaẹn ra wa gha nọ ne uwa ni hee mwẹ yotọ, wa ni ma zẹ ye Zaiọn ne oke mwẹ nọhuanrẹn re, wa na vbe gha gho e Gad kevbe Mẹni, ne avbe ẹbọ uhimwẹ kevbe ẹwerẹ.


Avbe akpakomiza kevbe ivbi ohuan gha gba gha rri evbare kugbe, avbe oduma ghi gha rri irunmwu zẹvbe ẹmila, avbe ẹyẹn i ra gha re emwi ikuaengbe ọvbehe. Emwi ọkpa ne ọre ọghe ọkhọ ra emwi dan, a i ghi ra miẹn ọẹn Vbe Zaiọn ne oke nọhuanrẹn mwẹ.”


Te uwa ro ighe Ọgua Osa mwẹ, ehe ne avbe izigan lẹre yi nọ ra? I bẹghe emwi ne uwa ru nẹ.


Wa ne ivbi Izrẹl hia gha ya ga mwẹ vbe evba, vbe otọe nii, vbe uhunmwu oke mwẹ nọhuanrẹn, oke nọhuanrẹn ọghe Izrẹl. Ẹko mwẹ gha rhiẹnrhiẹn ghe uwa, I gha vbe rhie aro yọ wẹ wa gha viọ emwi izọese uwa gunmwẹ, emwi izọhẹ uwa ni maa sẹẹ, kevbe emwi imuohan uwa nihuanrẹn.


te ọ khian gha re emwiobọ uwa ẹdẹdẹmwẹdẹ. Avbe erriọvbe ni rre ẹkpo uwa, ni vbe biẹlẹ nẹ vbe ẹvbo uwa, wa ghi vbe ghae sẹ iran obọ vbe otọ nii vbe uwa a gha ẹre. Obọ ne a ya mu ivbi eseserese vbe Izrẹl ọ re a vbe ya gha mu iran. Te iran gha vbe gu ẹwae Izrẹl zẹ vbe uta ne a ya gha otọe nii.


“Ẹghẹ nii u gha na rẹn Izrẹl, ighe mẹ ọrọre Nọyaẹnmwa Osanobua ruẹ. E Zaiọn ne oke mwẹ nọhuanrẹn, ọre I dia, e Jerusalẹm gha khian ẹvbo nọhuanrẹn, avbe erhunmwuyẹn i ghi khọn rẹn ẹdẹ.


I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.


Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.


Ọ tama iran wẹẹ, “A gbẹn ọẹn ye uwu ebe wẹẹ Osanobua khare wẹẹ, ‘Owa erhunmwu ọre a gha tie owa mwẹ?’ Sokpan wa ya ẹe khian ẹgun oyi!”


Ọ keghi ma avbe emwa ni re wẹẹ, “A gbẹn ọẹn ye uwu Ebe wẹ Osanobua khare wẹẹ, ‘Owa mwẹ owa erhunmwu ọghe emwa hia ọre a gha tie ẹre re,’ sokpan wa fiẹe werriẹ khian ẹgun avbe oyi!”


Ọ tama iran wẹẹ, “A gbẹn ọẹn ye ebe wẹ Osanobua kha rre wẹẹ, ‘Owa erhunmwu ọre a gha tie owa mwẹ,’ sokpan wa ya ẹe khian ẹgun avbe oyi!”


Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.


I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.


Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.


Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.


Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ