Aizaia 56:4 - Edo Bible (E Baibol Ẹdo) Version 1996

⁴ E Nọyaẹnmwa tama egbe ọmwa vberriọ wẹẹ, “A deghẹ u ya ọghọ mẹ, vbekpa ne u gha na rhie Ẹdẹ Ikẹtin lẹre, a deghẹ u vbe gha ru emwi ne ọ yẹ mwẹ, u na gha rhie uhi mwẹ mwẹ vbe ẹmwata,

Aizaia 56:4 ပူးပေါင်းရင်းမြစ်များ

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

Psalm 119:111

Iyi ruẹ, ẹfe etẹbitẹ mwẹ nọ, emwi ọyẹnmwẹ uwa ọ re ọ khin mwẹ re.

Psalm 25:10

A gia mu ẹtin yan, kevbe aho ẹmwẹ ọmwa, ọ re ọ ya su iran ni rhie iyi ẹre mwẹ, kevbe ni vbe ya uhi ẹre ru emwi.

Aizaia 27:5

Sokpan, adeghẹ eghian emwa mwẹ ho ne a degue iran, wẹ ne iran do gun mwẹ dọlọ kugbe. Ẹn, wẹ ne iran do gun mwẹ dọlọ kugbe.”

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Aizaia 56:2

I gha fiangbe iran ni rhie ẹdẹ ikẹtin lẹre vbene iran i na ru emwi ne ọ ma kei vbọ. I gha fiangbe iran ne ẹ i ru emwi dan rhọkpa.”

Aizaia 56:6

E Nọyaẹnmwa vbe tama avbe erhunmwuyẹn nii do deba emwa irẹn, iran ni ho ẹmwẹ ọnrẹn, iran na vbe gha gae, iran ni rhie Ẹdẹ Ikẹtin lẹre, ne iran na vbe rhie uhi ẹre mwẹ vbe ẹmwata wẹẹ,

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Jerimaia 50:5

Iran gha nọ odẹ ne a la ye e Zaiọn, iran ghi gha rrie odọ nii. Iran gha gunmwẹ ta ile ẹdẹdẹmwẹdẹ, iran i ghi ra vbe rra ẹre.

Iyẹn ne ọ Maan Ọghe Luk 10:42

Sokpan emwi ọkpa kẹkan sẹe, Meri zẹ emwi ne ọ kere nẹ, a i ghi miẹn ẹre re ọvbehe.”

Hibru 6:17

Osanobua keghi ho ne ọ rhie maa emwa ne emwi ne irẹn ve gha sẹ ọre obọ hia wẹ, rẹn i ra fi ekhọe werriẹ: rhunmwuda ọnii, ọ na rhie eyan na te emwi ne ọ ve.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”