Aizaia 56:2 - Edo Bible (E Baibol Ẹdo) Version 1996

² I gha fiangbe iran ni rhie ẹdẹ ikẹtin lẹre vbene iran i na ru emwi ne ọ ma kei vbọ. I gha fiangbe iran ne ẹ i ru emwi dan rhọkpa.”

Aizaia 56:2 ပူးပေါင်းရင်းမြစ်များ

Nehimaia 13:17

I keghi gu avbe ọkaolotu e Ju gui, I tama iran wẹẹ, wa ghe emwi dan ne uwa ru, wa gha ru Ẹdẹ Ikẹtin awua.

Psalm 106:3

Afiangbe ọrọre ọghe iran, ni mu iyi ẹre sẹ, iran ni ru emwi ne ọgbae vbe ẹghẹ hia.

Psalm 112:1

Wa rho e Nọyaẹnmwa! Afiangbe ọrọre ọghe iran ni ya ọghọ ne Nọyaẹnmwa, iran ne ẹko rhiẹnrhiẹn ye ne a gha mu uhi ẹre sẹ.

Psalm 119:101

I lẹ ne avbe uyinmwẹ dan hia, rhunmwuda I ho ne I gha ya ẹmwẹ ruẹn ru emwi.

Psalm 128:1

Afiangbe ọrọre ọghe iran ni ye ọghọ ne Nọyaẹnmwa, iran ni lele iyi ẹre ru emwi.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Psalm 37:27

Fi iyeke gbe ọkhọ, gha ru emwiesi, ivbi uniẹn ruẹn gha yin otọe nii rhinrin ẹdẹ.

Ẹksọdọs 20:10

sokpan ẹdẹ ne ogihinrọn, Ẹdẹ Ikẹtin ne a ya fiohan ne imẹ ọre nọ. Vbe ẹdẹ nii, ghẹ winna hiehie, ọre uwẹ nọ, ra ivbi uẹ, ra eviẹn ruẹn ra emwirri ruẹ, ra avbe erhunmwuyẹn nii rre ẹvbo ruẹ.

Ẹksọdọs 20:8

“Ye Ẹdẹ Ikẹtin rre ne u ya ẹe ru emwi ne ọ huanrẹn ne Nọyaẹnmwa.

Itan 14:16

Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 16:6

Gha re ne ọ gie a mu ẹtin yan kevbe ne ọ guobọmwa, e Nọyaẹnmwa gha ya orukhọ ruẹ bọọ. Gha ya ọghọ ne Nọyaẹnmwa, emwi dan rhọkpa i ra vbe sunu vbe egbe ruẹ.

Itan 4:13

Gha ye emwi ne u ruẹ re hia rre. Emwi ne u ruẹ re ọrọre ẹdagbọn ruẹn — dae yi ẹse.

Itan 4:27

Gha lẹ ne emwi dan, ne u vbe gha la odẹ ọwara khian. Ghe zẹ ukpowẹ okpa hin urodẹ rre.

Asan-Ibo 7:18

Gie emwi hia gha re oreghe. Adeghẹ u ya ọghọ ne Osanobua, ẹ i mwẹ ọ ma dunna nuẹn.

Aizaia 56:4

E Nọyaẹnmwa tama egbe ọmwa vberriọ wẹẹ, “A deghẹ u ya ọghọ mẹ, vbekpa ne u gha na rhie Ẹdẹ Ikẹtin lẹre, a deghẹ u vbe gha ru emwi ne ọ yẹ mwẹ, u na gha rhie uhi mwẹ mwẹ vbe ẹmwata,

Aizaia 56:6

E Nọyaẹnmwa vbe tama avbe erhunmwuyẹn nii do deba emwa irẹn, iran ni ho ẹmwẹ ọnrẹn, iran na vbe gha gae, iran ni rhie Ẹdẹ Ikẹtin lẹre, ne iran na vbe rhie uhi ẹre mwẹ vbe ẹmwata wẹẹ,

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 20:20

Wa ya Ẹdẹ Ikẹtin khian ẹdẹ nọhuanrẹn, ne ọ miẹn ehe na gha re ama ile ne ima gba ta, ọ ghi vbe gha ye uwa rre wẹ mẹ ọrọre Nọyaẹnmwa ne Osanobua uwa.

Levitikọs 19:30

Wa gha ru ugamwẹ Ẹdẹ ikẹtin, wa vbe gha ya ọghọ ne owa ukpọn mwẹ ne ọ huanrẹn. Mẹ ọ re Nọyaẹnmwa.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Luk 12:43

Ọ gha maa ne ọguọmwadia ni gbe ugbẹn vbe arowa ẹre a rre, ọ na do vba ighe ọ ru vberriọ zẹẹ.

Iyẹn ne ọ Maan Ọghe Jọn 13:17

Wa rẹn ẹmwata ne ọ rrọọ nẹ nian. U miẹn vbe agbọn uwa gha rhiẹnrhiẹn hẹ deghẹ wa rhie obọ lele ẹe ya gha yin.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.