Aizaia 56:10 - Edo Bible (E Baibol Ẹdo) Version 1996

¹⁰ Ọ wẹẹ, “Avbe emwa hia ne a te wẹ ne iran gha gie odẹ ma emwa mwẹ ehia rhu aro. Iran ma rẹn emwirhọkpa. Iran yevbe avbe ekita abodẹ ne ẹ i gbọọ, iran ghi lovbiẹ fua iran ghi gha mina. U miẹn vbene ovbe rhiẹnrhiẹn iran hẹ!

Aizaia 56:10 ပူးပေါင်းရင်းမြစ်များ

II Ọba 12:6

Sokpan, vbe ọ ye sẹ ukpo ehayan ugie nẹ ne Joas ghi rriọba, avbe ohẹn ma ye dọlọ ehe rhọkpa yi vbe Ọgua Osa.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 29:9

Gie obọ kẹe ne u wa gha zurọ khian! Gie obọ kẹe, ne uwa rhu aro vbe uhunmwu. Wa gie ayọn gha gbe uwa, vbene uwa ma na da ayọn wa gha dobidokpannọ khian vbe ne uwa ma na da ayọn rhọkpa.

Aizaia 52:8

Iran ni khẹ onurho ẹvbo nii gha wee iran gha koko wee ne oghọghọ. Iran gha tobọ iran ye aro iran bẹghe ẹre vbe Nọyaẹnmwa dọlegbe gha die Zaiọn.

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Eve Orriara 4:14

Avbe ọkaolotu ẹre kegha zozo lele abẹvbo khian zẹ vbe arhuaro, esagiẹn gbe iruẹn ye iran egbe sẹrriọ, wẹ a i miẹn ne ọ ya obọ kan iran.

Ezikiẹl 13:16

avbe akhasẹ ni gha bọ ọ maa, ọ maa ne Jerusalẹm nii, vbe emwi i zẹdẹ maa!” E Nọyaẹnmwa ne Udazi guan nẹ.

Ezikiẹl 33:6

Sokpan, adeghẹ abodẹ bẹghe eghian dee, ighe ọ ma vbe kpe orhu tama emwa, avbe eghian gha rre, iran ghi gbele avbe emwa orukhọ nii uan, sokpan, abodẹ nii ọ re I ra ka uwu iran ye ọre urhu.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Nahum 3:18

Ọgbaisi Asiria, avbe gọvina ruẹn wulo nẹ, avbe emwa ni hin usi ruẹ vbe vbiẹ ovbe ne a i ghi na rhiọrre. A zagha emwa ruẹn hia lele uhunmwu oke ni yo, a ma miẹn ọmwa ne ọ gha ghi viọ iran gha die owa.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Filipai 3:2

Wa gha ba iran ni ru emwi dan nii, avbe ekita nii, emwa ni mu yan rẹn wẹ te iran ra gha giagia egbe iran.