Aizaia 55:3 - Edo Bible (E Baibol Ẹdo) Version 1996

³ “Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Aizaia 55:3 ပူးပေါင်းရင်းမြစ်များ

Gẹnẹsis 17:7

“I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

II Samuẹl 7:29

Banbanna nian, lahọ, fiangbe uniẹn mwẹ ne iran gha miẹn aro ne ọ maa ruẹn khian ẹdẹ. Wẹ ne Nọyaẹnmwa ne Udazi, yan ọna yotọ nẹ, te afiangbe ruẹ ra gha rre uniẹn mwẹ egbe ẹdẹdẹmwẹdẹ.”

II Krọnikol 6:42

E Nọyaẹnmwa ne Osanobua, ghẹ he ọba ruẹ ne u wẹ zẹe, ya aho ẹmwẹ ọmwa ruẹn ye Devid ne ọguọmwadia ruẹ re.”

Psalm 119:112

I tae nẹ ighe te I ra gha lele iyi ruẹ ya sẹ ẹdẹ ne I gha wu.

Psalm 119:175

Rhie arrọọ mẹ ne I sẹtin gha rho ruẹ, ne igiodẹ ruẹ vbe gha yọmwẹ obọ.

Psalm 78:1

Wa ne emwa mwẹ, wa danmwehọ emwi ne I ma uwa ẹre, ne uwa vbe gbe ehọ kotọ vbe I guan.

Psalm 89:28

I gha ru nẹ, zẹ vbe ne I ve ẹre re vbe ẹghẹ hia ile ne I guẹe ta gha rrọ rhinrin ẹdẹ.

Psalm 89:29

Uniẹn ni rri ọba ẹre gha mudia gbain zẹ vbe iso ovbi urho ẹre ọ re ọ gha rri ọba rhinrin ẹdẹ.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Itan 4:20

Ovbi mwẹ, gha rhie ehọ ye ẹmwẹ ne I ta. Gha danmwehọ ẹmwẹ mwẹ.

Itan 7:2

Ru vbene I khare, u gha di agbọn ya. Rhiegba ye ẹmwẹ ne u gha ru vbene I ma ruẹn re, zẹ vbene u rhiegbe ye ẹmwẹ wẹ ne emwi i ghẹ degbe uẹ aro.

Aizaia 51:4

“Wa danmwehọ mwẹ wa ne emwa mwẹ wa danmwehọ vbene I khare mẹ ọ re ọ ma avbe uhunmwu ẹvbo emwi. Uhi mwẹ gha rhie uwanmwẹ gie iran.

Aizaia 54:10

Avbe oke nekhua ke negiẹrẹ sẹtin siẹn sotọ. Sokpan ahoẹmwọmwa mwẹ ghe uwa i ra fo ẹdẹ. Eyan ọfumwegbe ne I yan ma uwa I gha mu ẹn sẹ ẹdẹdẹmwẹdẹ.” Erriọ Nọyaẹnmwa ne ọ ho ẹmwẹ uwa khare.

Aizaia 54:8

Ohu mu mwẹ, I na fi iyeke gbe vbe ovbi ẹghẹ kherhe. Sokpan, I gha ho ẹmwẹ ruẹn ẹdẹdẹmwẹdẹ. Erriọ e Nọyaẹnmwa ne ọ miẹn ruẹn fan khare.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Jerimaia 30:9

Sokpan, mẹ ọ re iran ra gha ga, mẹ ne Osanobua iran, kevbe ovbi uniẹn e Devid ne imẹ gha rhie ya ma ọba.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Jerimaia 38:20

Mẹ keghi kha wẹẹ, “A i ra rhie ruẹ ne iran. I rinmwian ne u danmwehọ uhunmwu ne Nọyaẹnmwa gie rre, emwi hia ghi wa gha ma ne uẹn, ai ra vbe gbe uẹ ua.

Jerimaia 50:5

Iran gha nọ odẹ ne a la ye e Zaiọn, iran ghi gha rrie odọ nii. Iran gha gunmwẹ ta ile ẹdẹdẹmwẹdẹ, iran i ghi ra vbe rra ẹre.

Ezikiẹl 16:60

Sokpan, mẹ gha da ile ne I gu uẹ ta ẹghẹ ne u na ye kherhe yi. I ghi vbe do gu uẹ ta ile ne ọ gha rrọ rhinrin ẹdẹdẹmwẹdẹ.

Ezikiẹl 34:24

Mẹ ne Nọyaẹnmwa ghi gha re Osanobua iran, ọba ne ọ yevbe Devid ne ọguọmwadia mwẹ ghi gha re ne ọ khaemwisẹ yan iran. I tae nẹ.

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Levitikọs 18:5

Wa gha ru emwi zẹ vbene I mwamwa uhi ẹre ye otọ ne uwa. Te uwa ra ya ẹe sinmwi uhunmwu uwa ye agbọn deghẹ wa ru vberriọ. Mẹ ọrọre Nọyaẹnmwa.

Emọs 5:4

E Nọyaẹnmwa tama ivbi Izrẹl wẹẹ, “Wa bu mwẹ gha dee, wa gha di agbọn ya.

Emọs 5:6

Wa bu e Nọyaẹnmwa gha khian, wa gha di agbọn ya. Adeghẹ wa ma yo, ọ gha hẹ rhu ivbi Izrẹl zẹvbe erhẹn. Erhẹn nii gha giẹn iran an ighe iran ni rre Bẹtẹl, a i ra vbe miẹn ọmwa ne ọ gha sẹtin dọ ẹre yọ.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

Matiu 13:16

“Sokpan, uhunmwu uwa ọre ọ maa ne aro uwa na sẹ ọe kevbe ne ehọ uwa na vbe họn ẹn.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Iyẹn ne ọ Maan Ọghe Jọn 10:27

Avbe ohuan mwẹ danmwehọ urhu mwẹ. Mẹ rẹn iran, iran vbe lele mwẹ.

Iyẹn ne ọ Maan Ọghe Jọn 6:37

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Iyẹn ne ọ Maan Ọghe Jọn 7:37

Ikpẹdẹ ne okiekie ọghe emwiukpo ọrọre ogiete ehia. Vbe ẹdẹ ni zẹẹ, Jesu keghi kpaegbe mudia, ọ na davan wẹẹ, “Ọmwaikọmwa ne ohanmwẹ amẹ gbe, wẹ ne ọ bu mwẹ gha dee ne ọ do wọn. (

Iyẹn ne ọ Maan Ọghe Jọn 8:47

Ọmwa ne ọ ke ehe ne Osanobua ye rre vbe danmwehọ ẹmwẹ Osa, sokpan ẹ i re ehe ne Osanobua ye wa ke rre. Ọnii ọ si ẹe ne uwa i ra na danmwehọ.”

Iwinna 13:34

“Vbe nian ọre Osanobua khare vbekpa ọghe ne a na huẹn ọnrẹn kpao vbe orinmwi, ne ọ ghẹ ghi dọlegbe miẹn ọkẹkẹe ọvbehe: “ ‘I gha rhie afiangbe ne ọ huanrẹn ne ẹ i firaa ne I ve Devid ne erhaa re nuẹn.’

Ebe ne Pọl gbẹẹn gie emwa Rom 10:5

Ẹmwẹ ne Mosis gbẹn ọ na khin, vbekpa ọghe ne a rhunmwuda ighẹ a mu nene Uhi sẹ, dọlọ ọmwa kugbe ba Osanobua: “Ọmwa ne ọ rhirhi mu nene Uhi sẹ gha la ekpa ẹre gha rrọọ.”

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.