Aizaia 55:10 - Edo Bible (E Baibol Ẹdo) Version 1996

¹⁰ “Te ẹmwẹ mwẹ yevbe amẹ kevbe esia ni rhọ ke iso rre do gha ya otọ khuẹrhẹ. Iran ọ re ọ ya emwiokọ wan, ne a na miẹn emwi ne a ya kọ kevbe ne a re.

Aizaia 55:10 ပူးပေါင်းရင်းမြစ်များ

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Aizaia 30:23

Ẹghẹ ikẹghẹ ne uwa a rhirhi ya kọ emwiokọ, e Nọyaẹnmwa gha rhọ amẹ yọ ne ọ ya zọ, ọ gha gie emwiokọ uwa maa ẹsẹse, avbe ẹmila uwa ghi gha mwẹ oha ne iran na rria ne ọ maa ẹsẹse.

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Ezikiẹl 34:26

I gha fiangbe iran, I ghi vbe gie iran gha rre ehe ne ọ lẹga oke mwẹ nọhuanrẹn. Evba nii ọ re I gha na gha ye amẹ ne ọ rhọ fiangbe iran vbe ẹghẹ ne iran ya gualọ ẹe.

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Hozia 2:21

Ẹghẹ ni, mẹ gha họn erhunmwu ivbi Izrẹl ne emwa mwẹ. I gha gie amẹ rhọ ye otọ, otọe ghi vbe ma ọka, alimo kevbe oliv.

Diuteronomi 32:2

Iruẹmwi mwẹ gha rhọ rre zẹ vbe ikpẹ amẹ, ẹmwẹ mwẹ gha rhọ yan ivbi erhan zẹ vbe amẹ, zẹ vbe amẹ ne ọ wẹwẹ yan irunmwu ne vbọkhọọ.

Arhie Maan 11:6

Iran mwẹ asẹ ne iran gha ya khui iso, ne amẹ ghẹ rhọ vbe uwu ẹghẹ ne iran ya kpe orhu ẹmwẹ Osanobua. Debare, iran vbe mwẹ asẹ vbe uhunmwu avbe uhunmwu ẹzẹ, ne iran ya fi iran werriẹ khian esagiẹn, iran vbe mwẹ asẹ ne iran ya si egboghogbogho fi agbọn inugba ne ọ rhirhi khọn iran.

I Samuẹl 23:4

Ẹre Devid na dọlegbe nọ e Nọyaẹnmwa, e Nọyaẹnmwa keghi tama rẹn wẹẹ, “Ya gu e Keila gbinna rhunmwuda I gha rhie akhọnmiotọ nuẹn.”