Aizaia 55:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Aizaia 55:1 ပူးပေါင်းရင်းမြစ်များ

Psalm 143:6

I viọ obọ mwẹ da odukhunmwu na erhunmwu ghe ruẹ, ovbamẹ ruẹn gbe ekhọe mwẹ, zẹ vbe otọe ne ọ kae.

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Itan 8:4

“I rinmwian uwa, wa ne emwa nagbọn, I vbe datie emwa ni rre agbọn hia.

Itan 9:1

Ẹwaẹn bọ owa ẹre nẹ, ọ keghi ru orre ihinrọn yọ.

Itan 9:5

“Larre do rri evbare mwẹ ne u vbe da ayọn ne i guare.

Ihuan Ne Ọ Sọọ Ihuan Hia 1:2

Akhuarhamwunu ruẹn mama isosunu rhu mwẹ, ahoẹmwọmwa ruẹn maa sẹ ayọn.

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Aizaia 1:19

Adeghẹ u gha họn ẹmwẹ mẹ, u gha rri avbe emwi esi ne otọe ni rhie rre,

Aizaia 44:3

“I gha sa amẹ ne ọmwa ne ovbamẹ gbe, I ghi vbe wẹ ne ẹzẹ gha lẹ, vbe otọe ne ọ kae I gha hihiẹ ẹtin yan avbe ivbi uẹ kevbe afiangbe mwẹ yan ivbi uniẹn ruẹn.

Aizaia 52:3

E Nọyaẹnmwa ne Udazi tama emwan rẹn wẹẹ, “Ẹghẹ ne uwa na khian eviẹn, a ma ha osa ye uwa uhunmwu, erriọ vbe nọ ẹghẹ ne a gha na fannọ uwa kua, a i ra vbe ha osa yọ.

Eve Orriara 5:4

Te ima ha osa amẹ ne ima wọn, erhan ne ima gha ya koko, te ima dẹlẹ ọe.

Ezikiẹl 47:1

Ọmwa nii keghi rhie mwẹ werriegbe gha rrie onurho Ọgua Osa. Amẹ kegha ke ototọ onurho nii ladian, ọ na gha lẹ ghe odẹ ahọ, odẹ ne Ọgua Osa vbe mu aro da. Odẹ ekẹn ọghe Ọgua Osa ọ re ọ kegha lẹ ladian, ọ na la odẹ ekẹn ọghe Ogiukpo gberra.

Ezikiẹl 47:9

Eheikehe ne ẹzẹ nii a rhirhi lẹ ghe, avbe aranmwẹ kevbe ehẹn ughughan ghi gha rrọ. Ẹzẹ na gha ya Okun Nọwu khian ne amẹ ọnrẹn gie a wọn, eheikehe ne ọ rhirhi lẹ la, emwi ghi gha maa vbọ.

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Joẹl 3:18

Vbe ẹghẹ ne a kha na a gha kọ erhan azara gba oke nii hia, emwa ghi vbe gha rre uhunmwu oke hia amẹ gha wa gha rrọọ ẹsẹse ne otọe Juda hia. ovbi ẹzẹ gha lẹ ke Ọgua Osa ladian, ọ ghi gbe amẹ khakha Iya Akesia.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Zẹkaraia 2:6

E Nọyaẹnmwa tama emwa irẹn wẹẹ, “Mẹ ọ re ọ zagha uwa lele ehe hia, sokpan, banbanna nian, wa ni rre iwe, wa lẹfua vbe Babilọn ne uwa werriegbe gha rrie Jerusalẹm.

Zẹkaraia 9:15

E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

Matiu 10:8

Wa mu iran ni khuọnmwi egbe rran, huẹn iran ni wulo kpaegbe, wa khue avbe ekhọnmwoti huan, wa khulo avbe orhiọn esu ladian. Te a rhie ne uwa ọghe ọhẹ, ọhẹ ọre uwa vbe rhie ẹre ne emwa ọvbehe.

Matiu 13:44

“Arriọba ẹrinmwi yevbe emwighobioye ne a rhie lẹre ye uwu oha. Ugbẹn vbe okpia ọkpa ghi domian miẹn ọẹn, ọ keghi hẹko dọlegbe zẹ ekẹn gue ẹre. Vbene ọ ghi ye ọre sẹ, ọ keghi wa ya khiẹn emwi hia ne ọ mwẹ, ọ ke ya dẹ ako oha ni.

Matiu 26:29

Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”

Matiu 5:6

Ọ maa ne iran ni rhiegba ye ẹmwẹ ne a ru nọ yẹ Osa, Osanobua gha gie ẹko vuọn iran fẹfẹfẹ!

Iwinna 8:20

Sokpan Pita wanniẹn tama rẹn wẹẹ, “Te uwẹ vbe igho ruẹ ra gba la ọrhiae rrie, ne u na gha ro ighẹ u gha sẹtin ya igho dẹ emwi ne Osanobua ya ru ọmwa ẹse.

Ebe ne Pọl gbẹẹn gie emwa Rom 3:24

Sokpan vbekpa ẹsọhẹ Osanobua ne a rhie ne emwa vbe ọhẹ, a keghi la ekpa Jesu Kristi ne ọ fannọ iran ye otọ ye ehia khian ọmwata vbe odaro ẹre.

I Kọrinti 3:2

I vbe ya ewẹn gha koko uwa rhunmwuda wa ma he sẹ ne ọ rri evbare ne ọ wo vbe egbe. Do sẹ wanwanna, wa ma he sẹ.

I Pita 2:2

Wa gha ye vbe emobọ nodẹ, ohanmwẹ ẹwẹn ẹmwẹ ẹmwata ọghe orhiọn ghi gha gbe uwa ẹghẹ hia, wẹ, wa ghẹ ghi gha wẹn ọẹn, wa ghi do wan, a ghi miẹn uwa fan.

Arhie Maan 21:6

Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.

Arhie Maan 22:1

Odibosa ni keghi vbe do ma mwẹ ẹzẹ amẹ ẹfe, ọ fi wainwain vbe Kristal, ẹkete Osanobua kevbe ọghe nene Oteghe Ohuan ọre ọ ke lẹ de.

Arhie Maan 22:17

Orhiọn kevbe Ọha khare wẹ, “Gha dee!” Ọmwa ne ọ rhirhi họn ẹmwẹ na, ẹ i mwẹ ọ ma kha wẹ, “Gha dee!” Ọmwaikọmwa ne ohanmwẹ amẹ gbe gha dee, do rhie amẹ ẹfe na vbe ọghe ọhẹ, ọmwa ne ọ rhirhi khọn.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.

Ebe Rut 4:1

E Boaz kegha rrie ehe ne a na ko vbe onurho ẹvbo nii, ọ na tota. Uwu ẹghẹ nii zẹẹ, ọtẹn Ẹlimẹlẹk ne ọ sikẹ ọre sẹẹ ne Boaz gha a kha keghi wa rre, e Boaz na tama rẹn wẹẹ. “Ọse mwẹ, larre ne u do tota vbe edinran.” Rẹn keghi gele bu ẹre, ọ na ya tota.