Aizaia 54:9 - Edo Bible (E Baibol Ẹdo) Version 1996

⁹ “Vbe ẹghẹ e Noa, I yanrẹn ne I ghẹghi dọlegbe gie amẹ ro gba otọ agbọn. Banbanna nian, I yanrẹn ne I ghẹ ghi dọlegbe mu ohu ghe uwa. I i ghi ra gu uwa gui ra ne I rri uwa oya.

Aizaia 54:9 ပူးပေါင်းရင်းမြစ်များ

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Job 11:16

Ẹghẹ nii, u ghi do mianmian ọlọghọmwa ruẹn hia. Zẹ vbe orogho ne ọ lẹ gberra, ne a ma ghi yerre ọvbehe.

Psalm 104:9

U mwa uwu yọ, iran i sẹtin gberra evba, ne a ghẹ gie iran ya dọlegbe rhu agbọn ginna otọ.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Aizaia 49:18

Tọn aro mu ghe lẹga, ne u miẹn emwi ne ọ sunu! Emwa ruẹn gha si egbe koko, iran die owa omwa vbene aro na dae i ghẹ me ọ re Osanobua ne ọ rrọọ, wẹ gha ya emwa ruẹn hio zẹ vbene ovbiọha ye ikpẹrọnmwọ itegbe ẹre hio.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Aizaia 51:8

a gha ho iran bẹkun vbe ukpọn ne errarra re sokpan imiẹnfan ne I rhie dee, etẹbitẹ nọ akhọnmiotọ mwẹ gha rrọọ rhinrin ẹdẹ.”

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Jerimaia 31:37

Ẹdẹ ne a gha miẹn wẹ a sẹtin mwa iso a na vbe gualotọ ẹyotọ agbọn miẹn, ẹghẹ nii ọkpa ọ re irẹn gha na he Izrẹl ne emwa irẹn. Rhunmwuda emwi ne iran ru hia. E Nọyaẹnmwa guaan nẹ.

Ezikiẹl 16:42

Ẹghẹ nii, ohu gha fo mwẹ vbe ẹko, I ghi hẹwẹ vbọ. I i ghi mu ohu ra ne ẹko ye gha khọ mwẹ ọvbehe.

Ezikiẹl 39:20

Vbe eteburu mwẹ, iran gha rri efun ẹsin zẹ vbene ẹko iran gha gua sẹ, kẹe kevbe iran ni hin iran kevbe ọghe avbe ivbiyokuo, kevbe emwa ni gbinna. Mẹ ne Nọyaẹnmwa ne Udazi ọ re ọ ta ẹe.”

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”