Aizaia 54:8 - Edo Bible (E Baibol Ẹdo) Version 1996

⁸ Ohu mu mwẹ, I na fi iyeke gbe vbe ovbi ẹghẹ kherhe. Sokpan, I gha ho ẹmwẹ ruẹn ẹdẹdẹmwẹdẹ. Erriọ e Nọyaẹnmwa ne ọ miẹn ruẹn fan khare.

Aizaia 54:8 ပူးပေါင်းရင်းမြစ်များ

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 103:4

Ọ ma gunmwẹ la idin, ọ keghi ye aho ẹmwẹ ọmwa kevbe itohan fiangbe mwẹ.

Psalm 13:1

Inu ẹghẹ u ghi ra ye mianmian mwẹ la yi Nọyaẹnmwa? Ẹdẹdẹmwẹdẹ nọ ra? Inu ẹghẹ u ghi ra ye rhie aro lẹ mẹ la?

Psalm 27:9

Ghẹ rhie egbe lẹre mẹ ghẹ muohu mwẹ, ghẹ khu ọguọmwadia ruẹ werriegbe, wẹ ọrọre ne ọ yọmwẹ obọ de ẹdẹ, ghẹ sẹ mwẹ rae, ghẹ fi iyeke gbe mwẹ, Osanobua ọmiọnmwafan mwẹ.

Psalm 30:5

Ovbi ẹghẹ kherhe ọre izohu ẹre ya umamwẹ ọnrẹn keghi re ọghe ẹdẹ agbọn hia. Ameve sẹtin gha rhọkua vbe, asọn sokpan oghọghọ dee vbe owiẹ.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 26:20

Wa la uwu owa uwa, wa ne emwa mwẹ, ne uwa khui urho ke egbe yi. Wa ya lẹre nẹ kherhe, ohu Osanobua te do dọyọ.

Aizaia 40:27

Vbọzẹ ne u na ghi zuyọn yi Izrẹl wẹ e Nọyaẹnmwa ma rẹn ọlọghọmwa ruẹn ra ne ọ kue zẹyọ vbe a gha ruẹ khọ?

Aizaia 45:15

Osanobua Izrẹl ne ọ miẹn emwa rẹn fan, Osanobua ne ọ rhiegbe lẹre nọ.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Aizaia 48:17

Osanobua Nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Mẹ ọrọre Nọyaẹnmwa ne Osanobua uwa ọmwa ne ọ ho ne ọ ma uwa emwi ne umamwẹ uwa, ne ọ vbe gha su uwa lele odẹ ne uwa gha la.

Aizaia 49:10

Ohanmwẹ ra ovbamẹ i ra gbe iran ẹdẹ. Ovẹn ra owowo ato i ra kuan iran rhunmwuda, ọmwa ne ọ ho ẹmwẹ iran ọ re ọ viọ iran khian ọ gha viọ iran gha rrie uhunmwu ẹzẹ amẹ.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 54:10

Avbe oke nekhua ke negiẹrẹ sẹtin siẹn sotọ. Sokpan ahoẹmwọmwa mwẹ ghe uwa i ra fo ẹdẹ. Eyan ọfumwegbe ne I yan ma uwa I gha mu ẹn sẹ ẹdẹdẹmwẹdẹ.” Erriọ Nọyaẹnmwa ne ọ ho ẹmwẹ uwa khare.

Aizaia 54:5

Te Ayi ne ọ yii uẹ ra yevbe ọdafọn ọn, e Nọyaẹnmwa ne Oghodua ọre a tie ẹre. Osanobua nọhuanrẹn ọghe Izrẹl gha miẹn ruẹn fan, rẹn ọ re ọ khaemwisẹ yan otọ agbọn hia.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 60:10

E Nọyaẹnmwa tama Jerusalẹm wẹẹ, “Avbe orhunmwuyẹn ọ re ọ ra gbe ekẹn ruẹn. Avbe ọba iran ghi gha gaa ohu ọ re ọ mu mwẹ ne I na rri uwa oya sokpan banbanna nian, I gha rhie aro ne ọ maa ọghomwẹ kevbe itohan mwẹ ma uwa.

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Aizaia 64:7

A ma miẹn orhiọnkpa ne ọ ya erhunmwu dọlegbe ghe ehe ne u ye, a ma miẹn ne ọ bu ruẹ rre do nọ iyobọ. U rhie egbe ruẹ lẹre ne ima, u ke hee ima yotọ rhunmwuda orukhọ mwa.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 31:3

I keghi rhie egbe ma iran vbe urria. Ivbi Izrẹl, ẹghẹ hia ọ re I ya gha ho ẹmwẹ uwa, rhunmwuda ọnii, I keghi ye gha mwẹ aho ne ẹ i beghe ghe uwa.

Jerimaia 33:26

Zẹ vbene I wa vbe ru ena gbangbaangban, erriọ I ra ye obọ mu ile ne I gu ivbi uniẹn e Devid taa. I gha zẹ ovbi uniẹn e Devid ọkpa, ne ọ gha khaemwisẹ yan ivbi uniẹn Ebraham, Aizik kevbe Jekọb. I gha tohan emwa mwẹ, I ghi vbe ru ẹe ne agbọn dọlegbe maa iran.”

Jerimaia 51:5

Mẹ ne Nọyaẹnmwa ne Osanobua Izrẹl, ma fi iyeke gbe Izrẹl kevbe Juda, a gha rhe miẹn wẹ iran ru orukhọ ghe imẹ ne Nọhuanrẹn Izrẹl.

Ezikiẹl 39:29

I gha hihiẹ orhiọn mwẹ yan ivbi Izrẹl, I i ghi dọlegbe fi iyeke gbe iran ọvbehe. Mẹ ne Nọyaẹnmwa ne Udazi ọ re ọ tae.”

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Zẹkaraia 1:15

Ohu avbe ẹvbo nii ne ọfurre kevbe ne ọfumwegbe ye wa mu mwẹ. Rhunmwuda, ẹghẹ ne imẹ na gha si egbe vbe ẹmwẹ ohu emwa mwẹ ne ọ mu mwẹ, avbe uhunmwu ẹvbo na kegha tua oya nẹ emwa mwẹ re sẹẹ ayọ.

Zẹkaraia 1:16

Rhunmwuda ọnii, mẹ dọlegbe gha die Jerusalẹm nian, ne I do rhie itohan mwẹ ma ẹvbo nii. A ghi rhie Ọgua Osa mwẹ ye ihe, a gha vbe dọlegbe gbe ekẹn ẹvbo nii.”

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

II Tẹsalonaika 2:16

Te Nọyaẹnmwa Jesu Kristi tobọ ẹre, kevbe Osanobua ne Erha mwa ne ọ ho ẹmwẹ mwa, ọ keghi vbe ke uwu ẹsọhẹ ọre rhie igiẹdu etẹbitẹ ne ima, deba idaehọ ne ọ maa.

I Timoti 1:16

Sokpan, ọna ọre ọ si ẹe ne Osanobua na tohan mwẹ, ne Kristi Jesu miẹn ehe na rhie maa vbe ne ọ mwẹ izin egbe hẹ vbe obọ ne ọ ya gha mu mwẹ, ighẹ mẹ ne ọ ka ẹrhia, ne ọ ya ru igiemwi ma emwa ni gha ghi do yayi hia, ne iran vbe miẹn arrọọ ne ẹ i mwẹ ọfo rhie.