Aizaia 54:6 - Edo Bible (E Baibol Ẹdo) Version 1996

⁶ Izrẹl te u ye vbe okhuo ọvbokhan ne ọdọ lẹẹ sẹ rae ekhọe ẹre na rhiaa ẹsẹse. Sokpan, e Nọyaẹnmwa dọlegbe tie ruẹ rriegbe ọ na kha wẹẹ,

Aizaia 54:6 ပူးပေါင်းရင်းမြစ်များ

Itan 5:18

Rhunmwuda ọnii, gie ẹko okhuo ne u rhie ye owa gha sẹ uẹ ọyẹnmwẹ ne u vbe gie uvbi ne u rhie re, gha ya ekhọe ruẹ rhiẹnrhiẹn,

Asan-Ibo 9:9

Gu okhuo ne u ho ẹmwẹ ọnrẹn lo agbọn ruẹn vbe ẹghẹ ne u gha ya vbe agbọn ọrhiae ne Osanobua ya ru uẹ ẹse na. Lo nene avbe ẹdẹ ne ọ ma maa na hia, rhunmwuda, ọna okpa ọrọre ere ne u ra re vbe uwu ẹsọn ne u miẹn hia.

Aizaia 62:4

A i ghi dọlegbe tie ruẹ “Evbahe.” Ra ne a gha tie otọe ruẹ “Ne Ọdọ He.” Eni ruẹn nọgbọn ghi gha re “Ẹko Ẹre Maa Osanobua.” A ghi gha tie otọe ruẹ “Ne Ọdọ Bọ,” rhunmwuda, ẹko rua maa e Nọyaẹnmwa ọ ghi vbe yevbe ọdọ ne otọe uwa.

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Hozia 2:19

Izrẹl, mẹ gha ya uwẹ ru ọvbokhan mwẹ; I gha mudia ẹse I ghi vbe gia mu ẹtin yan; I gha mwẹ itohan kevbe aho ne ẹ i beghe ghe ruẹ, I gha ya uwẹ khian ọghomwẹ ẹdẹdẹmwẹdẹ.

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Matiu 11:28

“Wa bu mwẹ gha dee, wa hia ne ihẹ nọkhua ne ọ mu wọ ẹre egbe, I gha rhie ikẹtin ne uwa.

II Kọrinti 7:6

Sokpan, Osanobua ne ọ rhie ẹtin ne ne egbe wọ fo nẹ, keghi ye urremwẹ Taitọs rhie ẹtin ye ima iwu.