Aizaia 54:4 - Edo Bible (E Baibol Ẹdo) Version 1996

⁴ Ghẹ fian afianma, a i ghi dọlegbe fa ruẹ ua ọvbehe; ai ghi dọlegbe si ọ kẹ otọ ọvbehe, u gha mianmian uyinmwẹ ama guobọdọ zẹvbe okhuo ọvbokhan. Kevbe ohioro ọbanabe ruẹ zẹvbe okhuo ne ọ degbe.

Aizaia 54:4 ပူးပေါင်းရင်းမြစ်များ

Job 11:16

Ẹghẹ nii, u ghi do mianmian ọlọghọmwa ruẹn hia. Zẹ vbe orogho ne ọ lẹ gberra, ne a ma ghi yerre ọvbehe.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 29:22

Banbanna nian, e Nọyaẹnmwa ne Osanobua Izrẹl, ọmwa ne ọ fan Ebraham vbe irri hin uwu ibaro ẹre rre khare wẹẹ, “Wa ne emwa mwẹ, a i ghi dọlegbe fa uwa a ọvbehe, ugbaro uwa i ra dọlegbe ye hoo rhunmwuda ighẹ ekhue mu uwa.

Aizaia 4:1

Ọ gha ghi sẹ ẹghẹ ne a kha na, ikhuo ihinrọn gha de obọ mu okpia ọkpa, iran ghi kha wẹẹ, “Ma gha sẹtin koko egbe mwa, ma gha vbe sẹtin de ukpọn ye egbe mwa ẹkun, sokpan gie ima gha kha ighe wẹ ọrọre ọdafẹn ima, ne a ban ukpọn efaa ọghe okhuo ne ẹ i mwẹ ọdọ hin ima ẹkun rre.”

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:14

E Nọyaẹnmwa ke kha wẹẹ, “A gha rhe miẹn wẹ wa kanmwa, wa ma vbe wegbe Izrẹl, wa ghẹ mu ohan, I gha yi uwa obọ. Mẹ ne Osanobua nọhuanrẹn ọghe Izrẹl mẹ ọrọre ọmwa ne ọ miẹn uwa fan.

Aizaia 50:7

Sokpan ẹbọ iran i miẹn emwi ru mwẹ re rhunmwuda, e Nọyaẹnmwa ne Udazi mudia mẹ. I si aro gba vbe uhunmwu ne I ya ziengbe emwi ne iran ru I rẹnrẹn wẹ efa ira rruan mwẹ.

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 61:7

Ekhue kevbe efaa ọghe uwa sẹ ufomwẹ. Otọe ọghe uwa ọ re uwa ghi ra gha ye a gha viọ ukhukhu eva ba ẹfe uwa oghọghọ uwa ghi gha rrọọ ẹdẹdẹmwẹdẹ.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Jerimaia 31:19

Ma fi iyeke gbe uwẹ sokpan, vbe ọ ma ghi kpẹe, ma keghi gha ho ne a werriegbe rre, ugbẹn vbe uwẹ ghi rri ima oya nẹ, ma keghi gha khua uhunmwu akhiẹ khian. Ekhue mu mwa, a fa ima an, rhunmwuda, ma rukhọ vbe ima ye giẹrẹ.’

Eve Orriara 1:1

U miẹn vbe Jerusalẹm ghi divbiẹ hẹ ẹvbo ne emwa na te hu yo hu rre! Ne otagbọn hia te go wan te ọ ghi ye vbe okhuo ne ọ dẹgbẹ; ẹvbo ne ọ te re ne ọ hin usi sẹẹ ehia do khian ne ọ ghi re ọviẹn.

Ezikiẹl 16:22

Ẹghẹ ne u na gha lo ẹdẹ ruẹ ye uyinmwẹ ẹwia ọghe igberagia, u ma ghi dọlegbe ye ẹghẹ ne u na gha rre ọvbokhan rre ọvbehe, ẹghẹ ne u na gha rre irhunmwuirhun, ne u na gha wunnu vbe uwu esagiẹn ruẹn.”

Ezikiẹl 16:43

U mianmian obọ ne I ya mu ẹẹn vbe u ye kherhe nẹ, u ke do ye avbe emwi ne u gha ru mu mwẹ ohu. Ọnii ọ sii ẹe ne I na ru ẹe ne u rrioya ye ehia. Vbọzẹ ne u na vbe rhie ọghe ba uyinmwẹ ẹwia hia ne u yin?” E Nọyaẹnmwa ne Udazi guan nẹ.

Ezikiẹl 36:15

Otọe avbe uhunmwu ẹvbo nii i ghi ra dọlegbe ye iran gbogiẹ.”

Joẹl 2:21

“Wa ne oha, wa ghẹ mu ohan, sokpan, wa gie ẹko gha sẹ uwa ọyẹnmwẹ rhunmwuda emwi hia ne Nọyaẹnmwa ru ne uwa.

Zẹfanaia 3:11

Ọ gha sẹ ẹghẹ nii, ekhue i ghi ra ye gha mu uwa ne emwa mwẹ wẹ wa sọtẹ mwẹ. I gha viọ iran hia ni hio kevbe ni tọn egbe mu hin rre, wa i ghi ra dọlegbe sọtẹ ghe mwẹ ọvbehe vbe oke mwẹ nọhuanrẹn.

Zẹkaraia 10:6

“I gha ru ẹe ne ivbi e Juda wegbe; I gha fannọ ivbi Izrẹl vbe irri, I gha tohan iran, I ghi viọ ehia werriegbe rri owa. Iran ghi do yevbe emwa ne I ma he ka he fua ẹdẹ. Mẹ ọrọre Nọyaẹnmwa ne Osanobua iran, I gha họn erhunmwu iran.

I Pita 2:6

Rhunmwuda, ebe kha re wẹẹ, “I hannọ okuta ighobioye ọkpa zẹ nẹ, ne I ya ru okuta ẹyotọ vbe Zaiọn, ekhue i ra mu iran ne ọ ya ẹe yi.”