Aizaia 54:3 - Edo Bible (E Baibol Ẹdo) Version 1996

³ U gha vbẹẹ ehe ne otọe ruẹ lae vbe igienenẹ. Otọe nii gha dọlegbe sẹ emwa ruẹn obọ ighẹ ehe ne avbe emwa ọvbehe yinrin na. Avbe ore ẹvbo ne emwa na lẹkua nian gha khian ne emwa vuọn rẹn.

Aizaia 54:3 ပူးပေါင်းရင်းမြစ်များ

Gẹnẹsis 26:22

Ọ keghi si kpao vbe evba, ọ na ya fian uhae ọvbehe. Ẹzọ ma ghi la ọna, ọre ọna gha tie ẹre “Ayan egbe ọmwa.” Ọ wẹẹ, “Banbanna na nian, e Nọyaẹnmwa rhie a yan egbe ọmwa mẹ nẹ vbe otọe na, I gha vbe maa vbe emwa.”

Gẹnẹsis 28:14

uniẹn ruẹn gha bun zẹ vbe ikpekhae ne otọe. Iran gha vbẹẹ otọ iran aro ghe ehe hia, iyaẹvbo agbọn na hia ghi gha re ne I fiangbe, rhunmwuda ruẹ kevbe uniẹn ruẹn.

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Aizaia 14:2

Uhunmwu ẹvbo nibun gha ru iyobọ ne Izrẹl ne iran ya dọlegbe gha die otọe ne Nọyaẹnmwa mu ne iran, evba nii, avbe uhunmwu ẹvbo nii hia ghi vbe gha ga Izrẹl zẹ vbe ọviẹn. Avbe iran ni te khọn miẹn Izrẹl otọ, Izrẹl ghi khọn miẹn iran otọ, ivbi Izrẹl ghi gha kha yan iran ni te ka gha wọ iran uhunmwu.

Aizaia 26:15

Nọyaẹnmwa, wẹ ya ẹvbo mwa vuọn yọ, ọ na gha rhie ba egbe vbe igienenẹ ọ na keghi rhie uyi gie uwẹ.

Aizaia 45:14

E Nọyaẹnmwa kha ma Izrẹl wẹẹ, “Ẹfe Igipt kevbe Sudan gha khian ọwuẹ emwa ni taẹn ni rre Siẹba gha khian eviẹn ruẹn; iran gha lele uẹ vbe a ye eghan gbalọ iran, iran gha ghughẹrre nuẹn iran ghi miẹnkue wẹẹ, ‘Osanobua deba ruẹ rẹn ọkpa kẹkan ọrọre Osanobua.

Aizaia 48:19

Ivbi uniẹn uwa gha a bun zẹvbe ikpekhae mẹ gha vbe ru ẹe ne a miẹn wẹ a ma fuẹn iran an ẹdẹdẹmwẹdẹ.”

Aizaia 49:12

Emwa mwẹ gha ke ehe ne ọ rrei gha dee, ke okuo kevbe orrie gha dee, kevbe ke Asuan ne odẹ ekẹn gha dee.”

Aizaia 49:8

E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Aizaia 52:9

Wa gha wee ne oghọghọ wa ne itowa ni rre Jerusalẹm! E Nọyaẹnmwa gha miẹn ẹvbo ẹre fan ọ ghi vbe fu avbe emwa rẹn ẹko rre.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 55:5

Banbanna nian, wa gha gie ne a tie avbe uhunmwu ẹvbo ọvbehe; vbe ẹghẹ ọkpa, iran ma te rẹn uwa sokpan, eban nian, iran gha ya ulẹ rre do deba uwa. Mẹ ne Nọyaẹnmwa ne Osanobua ruẹ, Osanobua nọhuanrẹn ọghe Izrẹl ọre ọ ra ru ẹe ne emwi na hia sunu. I gha rhie ọghọ kevbe uyi ne uwa.”

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

Ebe ne Pọl gbẹẹn gie emwa Rom 11:12

Afiangbe wọrhọ ọre orukhọ ne avbe Ju ru rhie gie agbọn. Ogue ẹmwẹ orhiọn iran keghi rhie afiangbe wọrhọ gie iran ne ẹ i re Ju. Wẹ ma ghi la evba rẹn ighẹ a gha viọ avbe Ju hia la owa, afiangbe ne ọ gha la evba rre gha mobọ kpọlọ sẹ ẹsẹse.

Kọlose 1:23

Ne ẹ i mwẹ a ma ru nọ khekherriọ, ne uwa gha mwẹ iyayi khian vbe uhunmwu ẹyotọ ne ọ de ziẹn kevbe ne gbain, ne uwa ghẹ gie a bẹghe uwa hin idaehọ ne uwa miẹn rhie ẹghẹ ne uwa na họn iyẹn ne ọ maa. Iyẹn ne ọ maa na ọre imẹ ne Pọl khian ọguọmwadia ẹre, iyẹn ne ọ maa na ne a kpe orhu ẹre ma emwa hia ni rre agbọn na nẹ.