Aizaia 54:17 - Edo Bible (E Baibol Ẹdo) Version 1996

¹⁷ Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Aizaia 54:17 ပူးပေါင်းရင်းမြစ်များ

Job 1:11

U gha miẹn ẹre emwi hia ne ọ mwẹ, u gha miẹn wẹ, ọ gha sirra gha tie ihẹn ne uẹn!”

Job 2:5

Sokpan, giẹ a kha ighẹ te u kuan irẹn tobọ ẹre egbe banbanna, ọ gha sirra a tie ihẹn ne uẹn.”

Job 42:7

E Nọyaẹnmwa ghi gu e Job guan fo nẹ, ọ keghi khama Ẹlifaz wẹẹ, “Ohu ruẹ kevbe esiọ eveva wa mu mwẹ, rhunmwuda, wa ma guan ẹmwẹ ẹmwata vbe ekpa mwẹ zẹ vbene Job ne ọguọmwadia mwẹ guan rẹn.

Psalm 32:6

Erriọ ọ re emwa ruẹn ni mudia ẹse hia, gha na erhunmwu ghe ruẹ vbe ẹghẹ a i mwẹ, ẹghẹ ne amẹ orueghe ne ọ bun, gha na gha vẹ rre ẹ i ghi sẹ ehe ne iran ye.

Psalm 61:5

Osanobua wẹ họn eyan ne I yan rẹn nẹ, wẹ vbe rhie emwi ne ọ re ọghe iran ni ya ọghọ ne uẹn, mẹ nẹ.

Psalm 71:16

I gha rho ẹtin ruẹn, Nọyaẹnmwa Osanobua I gha mu ẹmwẹ umamwẹ ruẹn go, ọwuẹ okpa kẹkan.

Psalm 71:19

Osanobua, ẹmwata ruẹ sẹ aro iso. Wẹ winna iwinna ọyunnuan nibun nẹ; ọmwa ne ọ ye vbe uwẹ i rrọ.

Aizaia 17:12

Owogho nọkhua rre avbe uhunmwu ẹvbo ni wegbe, ọ yevbe uvannọ mwẹ nọkhua ọghe okun, ọ yevbe ne ubimwẹ ẹzẹ nọkhua mu vẹ.

Aizaia 26:2

Wa kie urho ẹvbo nii, ne uwa gie ẹvbo ẹmwata nii la owa, ẹvbo ne emwa rẹn ru emwi ne ọ kere.

Aizaia 29:8

Avbe uhunmwu ẹvbo hia ni si koko ne iran gu e Jerusalẹm gbinna, gha yevbe okpia ne ohanmwẹ gbe ne ọ minaẹn wẹ rẹn wa rri evbare, sokpan ọ keghi rhiọrre vbene ohanmwẹ na gbẹe, ra zẹvbe okpia ne ovbamẹ ra gbe ua, ne ọ minaẹn wẹ rẹn wọn amẹ, sokpan, ọ ghi rhiọrre, ẹho ẹre kakae.

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 46:13

Mẹ si ẹdẹ akhọnmiotọ sikẹ otọ nẹ ẹ i ghi ra kpẹe hiehiere. Emwi i ra da akhọnmiotọ mwẹ obọ yi I gha miẹn Jerusalẹm fan, I ghi vbe rhie ọghọ gie ivbi Izrẹl vbe evba.”

Aizaia 50:8

Rhunmwuda, Osanobua sikẹ mwẹ ọ gha kha wẹ I ma rriabe. De ọmwa ne ohan gha gie ẹe gunmwẹ gui yi? Wẹ ne ọ gie ima gba gha rrie iko wẹ ne ọ ba mwẹ ifi ẹzọ!

Aizaia 50:9

E Nọyaẹnmwa ne Udazi tobọ ẹre ọre ọ mu ẹzọ mwẹ gui. De ọmwa ne ọ gha miẹn abe bu gbe mwẹ khekherriọ? A gha ho iran ni gun mwẹ gui hia bẹkun; a gha ho iran bẹkun zẹ vbe ukpọn ne errarra re.

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 54:15

Adeghẹ ọmwaikọmwa guẹ gbinna, te ọ ru ẹe vbene imẹ ma na kue yọ, ọmwaikọmwa ne ọ guẹ gbinna gha de.

Aizaia 54:16

“Mẹ ọ re ọ yi ogun ne ọ hie erhẹn ya dunmwu emwi igbinna. Mẹ ọ re ọ vbe yi ovbiyokuo ne ọ ya nene emwi igbinna gbe ọmwa.

Aizaia 58:14

Ẹghẹ nii, wẹ gha miẹn oghọghọ ne a miẹn vbe uwu ugamwẹ mwẹ. I gha ya uwa khian ne a yọghọ na vbe otọ agbọn hia, wa gha vbe rriere otọ ne I mu ne Jekọb ne erha uwa odede. Mẹ ne Nọyaẹnmwa tae nẹ.”

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Daniẹl 3:26

Ẹre Nebukiadneza na gha rrie onurho ehe ne ogidi erhẹn nii ye, ọ da tie iran wẹẹ, “E Siedrak! Mesiak! Abẹdnigo! Eguọmwadia Osanobua ne ọ kpọlọ Sẹehia! Wa ladian gha dee!” Iran keghi ladian vbe ọwarọkpa nii.

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Ebe ne Pọl gbẹẹn gie emwa Rom 10:4

Rhunmwuda, Jesu mu ẹmwẹ nene Uhi sẹ ufomwẹ nẹ, ne a miẹn ehe na miẹn wẹ ọmwaikọmwa ne ọ yayi, ọ khian ne a dọlọ kugbe ba Osanobua.

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Jọsua 24:10

Sokpan mẹ ma danmwẹ ehọ e Balam, rhunmwuda ọnii, rẹn keghi na erhunmwu ne uwa, ọ re I na miẹn uwa fan vbe obọ Balak.

II Pita 1:1

E Saimọn Pita ne ọguọmwadia kevbe ukọ Jesu Kristi, ọre ọ gbẹn ebe na gie avbe emwa ni ne a la ekpa ẹmwata Osanobua mwa kevbe Jesu Kristi Ọmiọnmwafan mwa rhie iyayi ighobioye ne ọ vbe ye vbe ọghomwa na nẹ.

Arhie Maan 12:10

I keghi họn urhu ne ọ la ọkpa ne ọ khare vbe ẹrinmwi wẹẹ, “Banbanna nian, imiẹnfan Osanobua rre nẹ. Banbanna nian, Osanobua rhie ẹtin ẹnrẹn maa nẹ, zẹ vbe Ọba. Banbanna nian, Mẹzaia ẹre rhie asẹ ọre maa nẹ. Rhunmwuda, ọmwa ne ọ gu etẹn mwa gui, ne ọ mudia vbe odaro Osanobua gha ba iran ifi ẹzọ asọn kevbe avan, a muẹn fua hin ẹrinmwi rre nẹ.

I Samuẹl 23:17

E Jonatan keghi tama rẹn wẹẹ, “Ghe gie ohan mu ẹẹn, e Sọl ne erha mwẹ i ra sẹtin ru uẹ emwirhọkpa, U gha rriọba vbe Izrẹl, mẹ ghi gha re ne ọ zẹ diake uwẹ zẹ vbene erha mwẹ tobọ ẹre wa vbe rẹn ẹsẹse.”