Aizaia 54:16 - Edo Bible (E Baibol Ẹdo) Version 1996

¹⁶ “Mẹ ọ re ọ yi ogun ne ọ hie erhẹn ya dunmwu emwi igbinna. Mẹ ọ re ọ vbe yi ovbiyokuo ne ọ ya nene emwi igbinna gbe ọmwa.

Aizaia 54:16 ပူးပေါင်းရင်းမြစ်များ

Ẹksọdọs 9:16

Sokpan I ke sẹ uwa rae ye agbọn ne I miẹn ehe na rhie ẹtin mwẹ ma ruẹn, kevbe ne otiti mwẹ miẹn ehe na titi gba otọ agbọn hia.

Itan 16:4

Emwi ne Nọyaẹnmwa yi hia wa mwẹ ne a zẹ yotọ khẹ ọre; emwi ne a ghae khẹ ọmwa dan ọrọre ọfuan.

Aizaia 10:15

Sokpan, e Nọyaẹnmwa khare wẹẹ, “Ughanmwa gha kha ighe rẹn ọ re ọ sẹ ọmwa ne ọ ya ẹe winna ra? Ọsara ọ re ọ vbe kpolo sẹẹ ọmwa ne ọ yae va erhan ra? Orhokhua i tọn ọmwa mu, ọmwa ọ re ọ tọn orhokhua mu.”

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Aizaia 54:15

Adeghẹ ọmwaikọmwa guẹ gbinna, te ọ ru ẹe vbene imẹ ma na kue yọ, ọmwaikọmwa ne ọ guẹ gbinna gha de.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Zẹkaraia 1:20

Ẹre Nọyaẹnmwa na ma mwẹ arhiẹn enẹ ni winna, ni viọ umọmọ mwẹ obọ.

Zẹkaraia 2:1

Vbe umian ọvbehe, I keghi bẹghe okpia ọkpa ne ọ rhie ọkpọ ne a ya mwa emwi mwẹ obọ.

Zẹkaraia 2:4

Ne okaro keghi tama nọkpa wẹẹ, “Rhie ulẹ ya tama ọvbokhan ọkpia ne ọ rhie emwi ne a ya mwa emwi mwẹ obọ nii wẹ emwa kevbe ẹmila gha bun sẹrriọ vbe Jerusalẹm wẹ ọ gha digba gbe ne a gbe ekẹn gaa.

Iyẹn ne ọ Maan Ọghe Jọn 19:11

Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”

I Samuẹl 13:19

Avbe ogiogun ma gha rre otọ Izrẹl rhunmwuda, ivbi e Filistin wa rhiegba yọ wẹ ne ivbi Izrẹl ghẹ sẹtin dunmwu umozo kevbe asoro.