Aizaia 54:14 - Edo Bible (E Baibol Ẹdo) Version 1996

¹⁴ Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 54:14 ပူးပေါင်းရင်းမြစ်များ

Itan 3:24

U i ra gha fian afianma vbe u a ra ya lovbiẹ, u ghi wa vbe vbiẹ khuẹrhẹ vbe asọn.

Aizaia 1:26

I gha viọ iran ni khaemwisẹ kevbe iran ni gu ọmwa zẹ iro ne uwa, vbene uwa te ka mwẹ ọnrẹn ẹghẹ nẹdẹ. Ẹghẹ nii, a ghi do gha tie Jerusalẹm, ẹvbo ne uyinmwẹ ọnrẹn gbae ke ne ọ ru emwi ẹmwata.”

Aizaia 1:27

Rhunmwuda ighe ọmwata ọ re Nọyaẹnmwa khin, ọ gha miẹn Jerusalẹm kevbe avbe emwa ni roiro fi uyinmwẹ werriẹ vbe evba fan.

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 16:4

Gie ima di otọ uwa ya. Wa degue ima ne obọ iran ni ho ne iran fuẹn ima an ghẹ gba ima.” (A zẹ ọmwa kpokpo kevbe ọfuan gha sẹ ufomwẹ, iran ni vbe mu ẹvbo rhia gha kpao).

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Aizaia 26:2

Wa kie urho ẹvbo nii, ne uwa gie ẹvbo ẹmwata nii la owa, ẹvbo ne emwa rẹn ru emwi ne ọ kere.

Aizaia 32:17

Rhunmwuda ighe emwa hia ọ re ọ ra gha ru emwi ne ọ gbae, ọfumwegbe kevbe ẹkun ne ọ sotọ ghi gha rrọọ ẹghẹ hia.

Aizaia 33:18

Avbe ọrriọvbe ni do gha koko igho uhunmwu, kevbe avbe emwa ni do gha ba ọmwa ghe, ne ohan rẹn te mu uwa, ghi do khian emwi ne a ya kpa itan.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 54:4

Ghẹ fian afianma, a i ghi dọlegbe fa ruẹ ua ọvbehe; ai ghi dọlegbe si ọ kẹ otọ ọvbehe, u gha mianmian uyinmwẹ ama guobọdọ zẹvbe okhuo ọvbokhan. Kevbe ohioro ọbanabe ruẹ zẹvbe okhuo ne ọ degbe.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Jerimaia 30:20

I gha rhie ẹtin nẹdẹ ọghe ẹvbo nii werriegbe ye ihe I ghi dọlegbe gbe ẹre ẹkun sotọ ẹsẹse I gha rri iran ni wọ iran uhunmwu oya.

Jerimaia 31:23

E Nọyaẹnmwa ne Oghodua, ne Osanobua Izrẹl khare wẹẹ, “I gha dọlegbe viọ avbe emwa nii gha die otọ iran, iran gha ye do tae vbe otọ nii wẹẹ, “ ‘Te Nọyaẹnmwa gha fiangbe oke nọhuanrẹn ọghe Jerusalẹm ehe nọhuanrẹn ne irẹn dia.’

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

II Pita 3:13

Sokpan Osanobua ta ẹe nẹ wẹ agbọn ọgbọn kevbe ẹrinmwi ọgbọn gha rre, ehe ne ọ gha gua ẹmwata egbe ro, ena ọre ima mudia khẹ.