Aizaia 54:13 - Edo Bible (E Baibol Ẹdo) Version 1996

¹³ “Mẹ ọ re ọ ra tobọmwẹ ma emwa ruẹn emwi I ghi rhie ẹfe kevbe ọfumwegbe ne iran.

Aizaia 54:13 ပူးပေါင်းရင်းမြစ်များ

Psalm 119:165

Iran ni ho ẹmwẹ uhi ruẹ fe vbe ẹbe fẹẹrẹ, emwi ne ọ gha sẹtin mu iran gbotọ i rrọ.

Psalm 119:33

Nọyaẹnmwa, ma mwẹ otọ uhi ruẹ, mẹ gha vbe gha mu iran sẹ vbe ẹghẹ hia.

Psalm 147:14

Ọ ruẹe ne ẹbe fo la ehe ne otọe uwa lae, ọ keghi vbe ye ọka ne ọ maa sẹẹ vuọn uwa ẹko.

Psalm 71:17

Ẹghẹ ne I na ye kherhe ọ re u na ma mwẹ re te I ye na iyẹn iwinna ọyunnuan.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Aizaia 26:3

E Nọyaẹnmwa, wẹ ọ re ọ rhie ọfumwegbe ne iran, ni mudia ẹse vbe iro ekhọe iran iran na vbe mu ẹtin iran ya ruẹn.

Aizaia 28:9

Iran hia gui ẹzọ mwẹ khian. Iran wẹẹ, “De ọmwa ne oko ni ro ighe rẹn ma ẹre emwi yi? De ọmwa ne ọ mwẹ emwi ne ọ ya uhunmwu ne ọ gie ru yi? Emọ ni da fian ewẹn ọkpa ọ re ọ gha mwẹ emwi ne ọ gha yae ru.

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 48:18

“Akpawẹ te uwa lele uhi mwẹ nian, afiangbe gha a lẹ bu uwa rre, zẹvbe ẹzẹ ne ẹ i ka. Akhọnmiotọ, gha a re ọghe uwa zẹ vbe uromwẹ ẹzẹ ne ọ lẹ sẹ oke.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Aizaia 54:12

I gha ya okuta ikpẹrọnmwọ bọ owa ọkhẹ ruẹ, ke onurho ore ẹvbo ruẹ, okuta ne ọ baa zẹ vbe erhẹn, a ghi ya emwi itegbe ọghe ikpẹrọnmwọ gbe ekẹn ne ọ lẹga ẹvbo ruẹ.

Aizaia 55:12

“Oghogho wa ra ya kpao vbe Babilọn rre ọfumwegbe ọ re a ra ya viọ uwa ladian vbe ore ẹvbo nii. Avbe oke nekhua kevbe negiẹrẹ gha kpeghe urhu ua so ihuan, avbe erhan gha wee ne oghọghọ.

Aizaia 66:12

E Nọyaẹnmwa khare wẹẹ, “I gha gie uwa etẹbitẹ sẹ uwa obọ. Emwi umamwẹ agbọn ọghe avbe uhunmwu ẹvbo, gha lẹ bu ruẹ rre zẹ vbe ẹzẹ ne ẹ i ka. Wa gha yevbe ọmọ ne iyẹe koko, ne ọ mu mwẹ obọ, ne ọ na vbe ya obọ ahoẹmwọmwa mu ẹẹn.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 33:6

Sokpan, I gha mu ẹvbo na egbe rran, kevbe emwa ni rrọọ, I ghi gie egbe rran iran. I gha rhie ọfumwegbe nọkhua kevbe ẹkun ne ọ sotọ ẹsẹse ne iran.

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Ezikiẹl 34:28

“Uhunmwu ẹvbo avbe iran ni ga ẹbọ i ghi ra do dọlegbe gha fu iran emwi ọvbehe, avbe aranmwẹ akọn i ghi ra ye gha gbele iran re. Iran gha rrọọ vbe a i mwẹ ẹbe, ọmwarhọkpa i ghi ra dọlegbe runran iran.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Hozia 2:18

Ogha sẹ ẹghẹ nii, mẹ gha gu avbe aranmwoha hia kevbe avbe ahianmwẹ ta ẹe kugbe, ne iran ghẹ kuan emwa mwẹ ọvbehe. I gha vbe viọ emwi igbinna okuo hia hin otọe nii rre, umozo kevbe uhanbọ hia I ghi gie emwa mwẹ gha rrọọ vbe ọfumwegbe kevbe ne a i na mwẹ ẹbe.

Maika 4:2

Avbe emwa iran ghi gha kha wẹẹ, “Wa gie ima hin oke Nọyaẹnmwa gha rrie Ọgua Osa, Osanobua Izrẹl. Rhunmwuda, ọ gha ma ima emwi ne ọ ho ne ima ru, ma gha lele urodẹ ne irẹn zẹe, rhunmwuda, e Jerusalẹm ọ re iruẹmwi e Nọyaẹnmwa ke rre; e Zaiọn ọ re ọ ke guan gie emwa irẹn.”

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Iyẹn ne ọ Maan Ọghe Luk 24:45

Ọ keghi rhie ẹwaẹn ye iran ekhọe ne iran miẹn ehe na rẹn otọ avbe Ebe ni.

Iyẹn ne ọ Maan Ọghe Jọn 16:33

Emwi ne ọ ya mwẹ ta ẹmwẹ na ma uwa ọrọre wẹ ne uwa miẹn ehe na ya egbe ba mwẹ, ne ẹkun miẹn ehe na sẹ uwa otọ. Agbọn na gha rri uwa oya. Sokpan wa dọlọ aro yi I khọn agbọn muotọ nẹ.”

Iyẹn ne ọ Maan Ọghe Jọn 6:45

Avbe akhasẹ gbẹn ọẹn nẹ wẹẹ, ‘Osanobua ma emwa hia emwi,’ ọmwa ne ọ rhirhi họn ọghe Evbavba, ighẹ ọ na vbe ruẹ emwi vbe ehe ne ọ ye gha bu mwẹ re.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

I Kọrinti 2:10

Sokpan Osanobua la ekpa Orhiọn ta oro ọghọe ma ima nẹ, Orhiọn Ne ọ huanrẹn ọre ọ gualọ otọ emwi hia, uhin ya sẹ egbe emwamwa ẹkhokho ne ọ rre Osanobua ekhọe.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Ẹfisọs 4:21

Vbe ne a i na gbe awẹawẹ, wa họn ẹmwẹ ọnrẹn, kevbe zẹ vbe emwa ni lele ẹe khian, a vbe ma uwa ẹmwata ne ọ rre uwu Kristi.

Filipai 4:7

Te ọfumwegbe Osanobua, ne ọ gberra ne ọmwa ne agbọn gha sẹtin rẹn otọ ẹre gha rhie ekhọe kevbe orhiọn uwa mwẹ, vbe ne a i na mwẹ ẹbe vbe uwu Kristi Jesu.

I Tẹsalonaika 4:9

Ẹ i re eban a ghẹ ghi gha gbẹnnẹ ebe gie uwa vbe ekpa wẹ, ọ kere ne uwa gha ho ẹmwẹ ivbi iyayi ne iho uwa, rhunmwuda, Osanobua tobọ ẹre ma uwa ẹre nẹ vbene uwa gha ya gha ho ẹmwẹ egbe hẹ.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

Hibru 8:11

Ọkpa ne ọ gha ghi vbe gha ma ihua ẹre emwi i rrọọ, ra ne ọmwa ọkpa vbe tama ovbi ẹvbo ẹre wẹẹ, ‘Rẹn Nọyaẹnmwa.’ Rhunmwuda, iran hia gha rẹn mwẹ, ke egbe ne ọ kanmwa sẹ ya sẹ ne ọ kpọlọ sẹ.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.