Aizaia 54:1 - Edo Bible (E Baibol Ẹdo) Version 1996

¹ E Jerusalẹm, te uwẹ gha ye vbe okhuo ne ẹ i mwẹ emọ, sokpan, eban nian, u sẹtin so ihuan ne u vbe gha wee ne oghọghọ. Eban nian, u gha mwẹ emọ sẹ okhuo ne ọdọ ẹre ma sẹrae ẹdẹ,

Aizaia 54:1 ပူးပေါင်းရင်းမြစ်များ

Gẹnẹsis 21:6

Sera keghi kha wẹ, “Osanobua rhie oghọghọ mẹ, ọ vbe zẹ mwẹ ogiẹ. Ọmwaikọmwa ne ọ họẹn gha gunmwẹ gie.”

Psalm 113:9

Ọ rhie ọghọ ne amwẹ ne ẹ i mwẹ ọmọ vbe owa ẹre ọ gie ẹe sẹ ọyẹnmwẹ vbekpa ne ọ na viọ emọ ne ẹẹn. Wa rho e Nọyaẹnmwa

Ihuan Ne Ọ Sọọ Ihuan Hia 8:8

Ma mwẹ ọtẹn okhuo nekherhe ọkpa, te ewẹn ọnrẹn he ye giere, de emwi ne ima gha ru ne ẹẹn a deghẹ igbama okpa rre do vbu ẹe?

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 24:14

Iran ni miẹn uhunmwu gha so ihuan oghọghọ. Iran ni rre odẹ orrie gha na iyẹn vbene Nọyaẹnmwa kpọlọ hẹ.

Aizaia 44:23

Wa we uwemwẹ oghọghọ, wa ne ẹrinmwi wa gha wee, wa ne ehe ne ọ dinmwi vbe otọ agbọn. Wa gha we uwemwẹ oghọghọ wa ne avbe oke nekhua kevbe avbe erhan ni rre ẹgbo hia! E Nọyaẹnmwa rhie ukpọlọmwẹ ọnrẹn maa nẹ vbekpa ne ọ na miẹn Izrẹl ne emwa rẹn fan.

Aizaia 49:13

Wa so ihuan wa ne ẹrinmwi! Agbọn, wa we uwemwẹ oghọghọ. Wa gie avbe oke nekhua kpeghe urhu ua gha so ihuan! E Nọyaẹnmwa gha fu avbe emwa rẹn ẹko rre ọ gha tohan avbe emwa ne usẹ sẹ.

Aizaia 49:19

“Iran rẹnkhẹn ẹvbo ruẹ ua, ọ keghi dihoi rua sokpan, banbanna nian, ẹi ghi kpọlọ sẹ ne ọ gha gua iran ni dee nẹ iran do di ẹe ya iran ni ya a khian itowa, a gha viọ iran khian rrei nuẹn ẹsẹse.

Aizaia 49:20

Avbe emwa ruẹn ne a biẹlẹe vbe iwe gha tama ruẹn ẹdẹ ọkpa wẹẹ otọe na kanmwa gbe, ma gha ya gualọ otọe ne ọ sẹe ọna ne ima gha yin!

Aizaia 62:4

A i ghi dọlegbe tie ruẹ “Evbahe.” Ra ne a gha tie otọe ruẹ “Ne Ọdọ He.” Eni ruẹn nọgbọn ghi gha re “Ẹko Ẹre Maa Osanobua.” A ghi gha tie otọe ruẹ “Ne Ọdọ Bọ,” rhunmwuda, ẹko rua maa e Nọyaẹnmwa ọ ghi vbe yevbe ọdọ ne otọe uwa.

Aizaia 66:7

“Ẹvbo nọhuanrẹn mwẹ yevbe okhuo ne ọ wa biẹ vbe udomwurri vbene emwi ubiẹmwẹ ma na ka ru ẹe.

Zẹfanaia 3:14

Wa so ihuan, wa we ne oghọghọ, wa ne ivbi Izrẹl! Ye ekhọe ruẹ hia gha ghọghọ, e Jerusalẹm!

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Galatia 4:27

Rhunmwuda ebe kha re wẹẹ, “Gha ghọghọ wẹ ne okhuo ne ọ ma biẹ ẹdẹ davan ne u gha we ne oghọghọ wẹ, ne emwi ubiẹmwẹ ma he ru ẹdẹ. Rhunmwuda, okhuo ne a te kpa sẹrae, gha do gha mwẹ emọ ne ọ bun sẹ ọghe okhuo ne irẹn vbe ọdọ ẹre gba rrọọ.”

I Samuẹl 2:5

Iran ne a koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe ọvbehe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun.