Aizaia 53:8 - Edo Bible (E Baibol Ẹdo) Version 1996

⁸ A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Aizaia 53:8 ပူးပေါင်းရင်းမြစ်များ

Psalm 69:12

Ẹmwẹ mwẹ iran ta khian vbe odẹ, mẹ ọ re avbe ọdayọn ghi ya so ihuan.

Psalm 88:5

A he mwẹ ye otọ ba avbe ikun orinmwi mẹ ye vbe emwa ne a gbele ni lovbiẹ ye uwu idin iran iran ne uwẹ mianmian ẹn fẹfẹẹfẹ emwa ni i ghi gie uwẹ ru iyobọ na.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Jerimaia 11:19

Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Eve Orriara 3:54

Amẹ keghi suẹn gha ro gue mwẹ, mẹ keghi te ro wẹ uwu sẹ otọ fo nẹ.

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Matiu 1:1

Ebe uniẹn Jesu Kristi ne ọ re ovbi Devid ne ọ vbe re ovbi Ebraham ọre ọna khin.

Iyẹn ne ọ Maan Ọghe Jọn 19:7

Avbe Ju wanniẹn wẹẹ, “Ma mwẹ uhi ne ọ muẹn ne ọ na kei ne ọ wu rhunmwuda, ọ wẹ Ovbi Osanobua rẹn khin.”

Iwinna 8:33

Iran fa ẹre rua, iran bu eku gbe ẹe. A i miẹn ne ọ gha ghi sẹtin kha nian wẹ ghe uniẹn ivbi ẹre. Rhunmwuda, ẹdẹ ọre vbe agbọn na fo nẹ.”

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.