Aizaia 53:7 - Edo Bible (E Baibol Ẹdo) Version 1996

⁷ “A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Aizaia 53:7 ပူးပေါင်းရင်းမြစ်များ

Psalm 38:14

I ye vbe ọmwa ne ọ ma khuẹnniẹn rhunmwuda ighẹ ọ yin ehọ.

Psalm 38:15

Sokpan, wẹ ọ re I mu ẹtin yan Nọyaẹnmwa; wẹ ne Nọyaẹnmwa ne Udazi, gha zẹ ẹmwẹ wanniẹn mwẹ.

Psalm 44:22

Sokpan, rhunmwuda ruẹ, ọ re ima na khian ne a ghi gbele ua vbe ẹghẹ hia ne a na ru ima zẹvbe ohuan ne a ra gbele ua.

Aizaia 50:6

I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Jerimaia 11:19

Mẹ keghi yevbe oteghe ohuan ne ẹ i vbe begbe hiehiere, ne a mu ladian ne a ya gbe ẹe rua, mẹ ma vbe rẹn wẹ mẹ ọ re iran zẹ iro ọkhọ da. Iran kegha kha wẹẹ, “Wa gia kalọ erhan na kua, vbe egbe he rran rẹn na, wa gia gbe ẹe rua ne ọmwa rhọkpa ghẹ ghi ye ẹre rre ọvbehe.”

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”

Iyẹn ne ọ Maan Ọghe Mak 14:61

Sokpan Jesu keghi wa hunwan, ọ ma ta ẹmwẹ rhọkpa. Ogie Ohẹn keghi dọlegbe nọ rẹn wẹẹ, “Wẹ ọrọre Mẹzaia ne Ovbi Osanobua Ne a fiangbe ra?”

Iyẹn ne ọ Maan Ọghe Mak 15:5

Jesu ma zẹdẹ guan hiehiere. Ọna keghi kpan e Pailet odin.

Iyẹn ne ọ Maan Ọghe Luk 23:9

Rhunmwuda ọnii Hẹrọd keghi nọ Jesu ọta ni bun sokpan Jesu ma zẹ ẹmwẹ ọkpa wanniẹn ọẹn.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 19:9

Ọ keghi la uwu ẹguae, ọ nọ Jesu wẹ, “De ovbi ẹvbo ne uwẹ khin yi?” Sokpan Jesu ma rhie ewanniẹn ne ẹn.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

Arhie Maan 5:6

I keghi bẹghe Oteghe Ohuan ọkpa, ọ mudia ye adesẹneva ọghe ẹkete, emwi ne a yi ni ma he wu enẹ nii, kevbe avbe ediọn, keghi lẹga ẹre. Oteghe Ohuan nii keghi ye vbe ne a miẹn wẹ a gbe ẹe ua nẹ. Ọ kegha mwẹ igho ihinrọn kevbe aro ihinrọn, ena kegha re orhiọn ihinrọn ọghe Osanobua, ne a gie nẹ, gha rrie otọ agbọn hia.