Aizaia 53:6 - Edo Bible (E Baibol Ẹdo) Version 1996

⁶ Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 53:6 ပူးပေါင်းရင်းမြစ်များ

Gẹnẹsis 22:6

Ebraham keghi mu erhan ne a ra ya zọ ese yan Aizik uhunmwu, sokpan rẹn keghi tobọ ẹre mu erhẹn ẹyin kevbe ọpia. Iran eveva na deyan okhian.

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Psalm 69:4

Iran ni khuiwu mwẹ vbe ne a i na mwẹ otọ bun sẹ eto ne uhunmwu mwẹ. Avbe eghian mwẹ mu ohoghe ba mwẹ, iran wegbe, iran kevbe ho ne iran gbe mwẹ uan. Iran mu mwẹ gha ha osa emwi ne I ma rhie.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Aizaia 53:5

Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Aizaia 55:8

E Nọyaẹnmwa khare wẹẹ, “Iro mwẹ i yevbe iro uwa, uyinmwẹ mwẹ vbe lughaẹn ne ọghe uwa.

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Aizaia 6:7

Ọ keghi ya ogiọnmwẹ erhẹn ẹyin nii kaan mwẹ akhuarhamwunu, ọ wẹẹ, “Ọnọna dekan ruẹn akhuarhamwunu nẹ, rhunmwuda ọnii, irriabe ruẹ fo nẹ, a vbe ya orukhọ ruẹ bọ ọ.”

Aizaia 66:3

Vbene ọ yẹ avbe emwa ni ọ re iran ru. A deghẹ ẹkhuia ẹmila ọ re iran ya zọ ese ra ọmwa nagbọn nọ, ọkpa ehia khin vbe aro iran. Adeghẹ oteghe ohuan ọ re iran ya zọ ese ra ekita ọ re iran bun ẹnrẹn ẹyaẹn; adeghẹ ọka ọ re iran do ya yo imuohan, adeghẹ eturari ọ re iran ya yo imuohan ra te iran gha na erhunmwu ghe amazẹ; ọkpa ehia khin vbe aro iran. Te ugamwẹ ne ọ sọnnọ ne iran ru wa yẹ iran.

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Ezikiẹl 3:18

A deghẹ mẹ khare I ghẹ ọmwa dan gha wu, sokpan, wẹ ma tama rẹn khẹ ọ dee ne ọ miẹn ehe na fiwerriẹ, ne ọ miẹn ehe na miẹn uhunmwu, ọ gha wu ye uwu orukhọ ne ọ ru, sokpan obọ ruẹ ọ re I ra lẹ uwu ẹre ginna.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

Jems 5:20

wa ye ọ na rre. Ọmwaikọmwa ne ọ dia ọmwa orukhọ uhunmwu hin odẹ dan ne ọ te ye ladian, rẹn gha miẹn orhiọn ọmwa orukhọ nii fan hin obọ uwu, ọ ghi vbe gie a ya orukhọ ọkhọngborrie bọ ọmwa.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

Giọgis 21:25

Ọba i rre Izrẹl ẹghẹ nii. Dọmwadẹ ọghe ọe ọ re ọ wa gha ru vbe ne ọ khọn rẹn.