Aizaia 53:5 - Edo Bible (E Baibol Ẹdo) Version 1996

⁵ Sokpan rhunmwuda orukhọ mwa ọ re a na fian ẹre ẹwẹn, a keghi gbe ẹe rhunmwuda emwi dan ne ima ru. Oya ne irẹn ree ọ re ọ mu ima egbe rran emwi ne a fi irẹn re ọ re ọ sinmwi mwa.

Aizaia 53:5 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Job 33:24

Odibosa nii ghi ya itohan kha wẹẹ, ‘Wa fan ẹẹn ye otọ. Ẹ i rrie ehe ne iran ni wulo nẹ ye. Wa ghe emwi ne a ya dẹ ọẹ werriegbe, ne u wa rhan rẹn.’

Psalm 30:2

Nọyaẹnmwa Osanobua mwẹ, I tu tie ruẹ nọ iyobọ. U keghi mu mwẹ egbe rran

Itan 20:30

Ugbẹnso, emwi ma kakabọ hie ima aro nẹ, ai sẹtin dọlọ uyinmwẹ yi.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 57:18

“I miẹn vbene iran ru hẹ nẹ, sokpan, I gha mu iran egbe rran, I gha su iran gha khian I ghi ru iyobọ ne iran, I gha vbe fu iran ni khiẹ ẹko rre.

Aizaia 6:7

Ọ keghi ya ogiọnmwẹ erhẹn ẹyin nii kaan mwẹ akhuarhamwunu, ọ wẹẹ, “Ọnọna dekan ruẹn akhuarhamwunu nẹ, rhunmwuda ọnii, irriabe ruẹ fo nẹ, a vbe ya orukhọ ruẹ bọ ọ.”

Daniẹl 9:24

“Ukpo ekigbesiyenẹ vbe ihe ihinrọn ọ re Osanobua bu yọ ne ọ gha na do fannọ emwa ruẹn kevbe ẹvbo ruẹ nọhuanrẹn hin obọ orukhọ kevbe ọkhọ rre. A gha ya orukhọ bọ emwa, a ghi mu ẹmwata etẹbitẹ gbọọ, ẹghẹ nii umian nii, kevbe ẹmwẹ akhasẹ nii ghi do sẹ, a ghi do do ugie ya dọlegbe rhie Ọgua Osa ye ihe.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Ebe ne Pọl gbẹẹn gie emwa Rom 4:25

A keghi yae fi ohan ne ọ wu ye orukhọ mwa, a keghi vbe huẹn ọnrẹn kpaegbe ne ọ miẹn ehe na ye ima khian emwata vbe odaro Osanobua.

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Diuteronomi 11:2

Wa yerre nian emwi ne uwa he ruẹ vbe kpa e Nọyaẹnmwa vbene aro uwa ghi he vbe miẹn emwi sẹ vbe ehe ne ọ ye. Wa ọ re aro ẹre sẹ avbe emwi na i ghẹ ẹ i re avbe ivbi uwa. Wa miẹn ukpọlọmwẹ e Nọyaẹnmwa kevbe ẹtin kevbe iwegbe ẹre.

Hibru 10:10

Rhunmwuda wẹ Kristi ru zẹ vbene Osanobua ho ne ọ ru, ma keghi khian ne a khuẹ hin orukhọ ima ne, rhunmwuda ese ne ọ ya egbe ẹre zọ uhukpa ne ọ fo vbe otọ.

Hibru 10:14

Ọ keghi ye ese ne ọ zọ re uhukpa kẹkan ya iran khian ni huanrẹn ighẹ avbe iran ni huan hin orukhọ rre.

Hibru 5:8

A gha rhe miẹn wẹ, Ovbi Osanobua ọre irẹn gha khin sẹ evba, te ọ ye la ekpa oya ne ọ re ruẹ, vbe ne a họn ẹmwẹ hẹẹ.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.