Aizaia 53:3 - Edo Bible (E Baibol Ẹdo) Version 1996

³ Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Aizaia 53:3 ပူးပေါင်းရင်းမြစ်များ

Psalm 69:29

Sokpan, uwu obalọ kevbe ẹtinfomwẹ ọ re imẹ ye, si mwẹ kpaegbe, Osanobua, ne u miẹn mwẹ fan!

Psalm 88:4

Mẹ yevbe emwa ọvbehe ni ghi ra wu hia, ẹtin mwẹ hia kpao nẹ.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Aizaia 50:6

I bannọ iyeke mwẹ yotọ ne iran ni gbe mwẹ, iran rhovbiẹ mwẹ, I ma gbe eta ye iran unu ẹghẹ nii iran na gha vbọlọ mwẹ eto ne uhunmwu iran na tulo asẹn yọmwẹ aro.

Aizaia 52:14

Udu emwa nibun mu waa vbe iran bẹghe ẹre. A rhiaa akpa ne egbe ẹre ua sẹrriọ wẹ ọ ma ghi khọ ọmwa nagbọn.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 53:4

“Sokpan rẹn ya egbe miẹn oya ne ọ te khẹ ke mwa obalọ ne ọ te kei ne ọ gha re ọghomwa. Ẹghẹ na hia, ma kegha roro wẹ obọ Osanobua ọre oya ne ọ re ke rre.

Maika 5:1

Wa ne ivbi e Jerusalẹm, wa khẹ ye egbe! Ghe i ghẹ iran mu okuo gie ima. Iran gha gu ọkaolotu Izrẹl gbinna!

Zẹkaraia 11:8

Egbe avbe ọsuohuan eha ọvbehe ni khuiwu mwẹ keghi wọ mwẹ rhunmwuda ọnii, I na ru iran eheha emwi vbe uki ọkpa kẹkan.

Matiu 26:67

Ẹghẹ ni, iran na ghi gie asẹn ye ọre aro, iran keghi ya ugbemwẹ rhanmwẹ ọẹn. Iran ni gbe ubi ye ọre aro keghi vbe kha wẹẹ,

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Iyẹn ne ọ Maan Ọghe Mak 10:33

Ọ wẹẹ, “Banbanna nian, ma rrie Jerusalẹm. A gha rhie Ovbi Ọmwa yan avbe igie ohẹn kevbe iran ni ma emwa Uhi obọ. Iran gha bu abe uwu gbe ẹe, iran ghi rhie ẹre ne iran ne ẹ i re Ju.

Iyẹn ne ọ Maan Ọghe Mak 10:34

Iran nii ghi vbe ya ẹe gbe ogiẹ, iran ghi tu asẹn yan rẹn, iran ghi gbe ẹre asan, iran ghi gbe ẹe rua. Vbe iyeke ikpẹdẹ eha, ọ gha rhiọrre vbe orinmwi.”

Iyẹn ne ọ Maan Ọghe Mak 14:34

Ọ keghi tama iran wẹẹ, “Akhiẹ ekhọe mwẹ kpọlọ sẹrriọ wẹ, ọ te ra kuẹn mwẹ gbua. Wa mudia vbe emwa ne uwa gha ba odẹ.”

Iyẹn ne ọ Maan Ọghe Mak 15:19

Iran ghẹ ghi ya erhan gbe emwi ye ọre uhunmwu nẹ, iran ghi tu asẹn ku ọre, iran ghi vbe diguẹ ye uhunmwu rhanmwẹ otọ nẹ ẹn.

Iyẹn ne ọ Maan Ọghe Mak 9:12

Ọ wanniẹn tama iran wẹẹ, “Elaija rre do mwamwa emwi hia ye otọ nẹ. Levba sevba, vbọzẹ ne Ebe na kha wẹẹ, Ovbi Ọmwa gha rri oya emwi ni bun, a ghi vbe hẹe ye otọ?

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Iyẹn ne ọ Maan Ọghe Luk 8:53

Iran hia kegha vin ihue ye ọre akhọe rhunmwuda iran rẹnrẹn ighe te ọ wu.

Iyẹn ne ọ Maan Ọghe Luk 9:22

Ọ keghi rhie tẹe wẹẹ, “Ovbi Ọmwa gha rri oya nibun, avbe ediọn, avbe igie ohẹn kevbe iran ni ma emwa Uhi gha kan ẹn fua. A gha gbe ẹe rua, a ghi vbe huẹn ọnrẹn kpaegbe vbe ikpẹdẹ ne ogieha.”

Iyẹn ne ọ Maan Ọghe Jọn 11:35

Jesu viẹe

Iyẹn ne ọ Maan Ọghe Jọn 8:48

Avbe Ju wanniẹn Jesu wẹẹ, “U ghe ighe ẹmwata ma tae wẹ ovbi e Sameria ọre u khin ighe u vbe mwẹ orhiọn esu.”

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.