Aizaia 53:2 - Edo Bible (E Baibol Ẹdo) Version 1996

² Iho ọghe Nọyaẹnmwa nọ wẹ, ne ọguọmwadia ẹre wan zẹ vbe erhan ne ọ zọre vbe otọe ne ọ kae. Ọ ma zogọ, ẹ i vbe mose a ma wẹ a gha miẹn emwi ọkpa ne ọ gha gie ima gha ghe ẹre. Ọsughe ọkpa ivbi rre ọre egbe, emwi ne ọ gha si ima sikẹ ọre i rrọọ.

Aizaia 53:2 ပူးပေါင်းရင်းမြစ်များ

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 4:2

Ẹghẹ dee ne Nọyaẹnmwa gha na ru ẹe ne ivbi erhan kevbe avbe erhan nekhua ni rre otọe na gha kakabọ wan kevbe ne iran gha ma egbe. Avbe ivbi Izrẹl ni ghi miẹn uhunmwu hia gha ghọghọ, iran ghi vbe gha yae hio ighe emwiokọ ne a miẹn gha rhọ vbe otọe nii.

Aizaia 52:14

Udu emwa nibun mu waa vbe iran bẹghe ẹre. A rhiaa akpa ne egbe ẹre ua sẹrriọ wẹ ọ ma ghi khọ ọmwa nagbọn.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Zẹkaraia 3:8

Rhunmwuda ọnii nian, danmwehọ, e Jọsua, wẹ ne ọre Ogie Ohẹn; wa vbe danmwehọ, wa ne avbe ohẹn ne ihua ẹre, wa ni re ama ọghe ẹdẹ nakhuẹ ne ọ maa. I gha rhie ẹre ladian ne a miẹn ighe ọguọmwadia mwẹ ne a tie ẹre Nene Abọ!

Zẹkaraia 6:12

Tama rẹn wẹ e Nọyaẹnmwa ne Oghodua khare wẹẹ, ‘Agbọn gha maa ọmwa ne a tie ẹre Abọ vbe ehe ne ọ ye ọ gha vbe dọlọ Ọgua Osa e Nọyaẹnmwa họ.

Iyẹn ne ọ Maan Ọghe Mak 6:3

Ọ na i re owinna ne ovbi Meri, ọtẹn e Jems, Jose, Judas kevbe Saimọn? Etiọnrẹn nikhuo i vbe gu ima rre emwa na?” Rhunmwuda ọnii, iran ma rha obọ miẹn ẹnrẹn.

Iyẹn ne ọ Maan Ọghe Mak 9:12

Ọ wanniẹn tama iran wẹẹ, “Elaija rre do mwamwa emwi hia ye otọ nẹ. Levba sevba, vbọzẹ ne Ebe na kha wẹẹ, Ovbi Ọmwa gha rri oya emwi ni bun, a ghi vbe hẹe ye otọ?

Iyẹn ne ọ Maan Ọghe Luk 2:7

Ọ keghi biẹ ọmọ ọdiọn ọmọ okpia, ọ keghi ye ukpọn vbuẹ uẹ ọre ọ keghi wa ẹre vbe aza emwirri rhunmwuda owa ekhẹn ma ghi gua iran.

Iyẹn ne ọ Maan Ọghe Luk 9:58

Jesu keghi tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ oko, sokpan Ovbi Ọmwa i mwẹ ehe ne ọ na lovbiẹ kẹtin.”

Iyẹn ne ọ Maan Ọghe Jọn 18:40

Iran keghi van okan ya rhie ewanniẹn ne ẹn wẹẹ, “Hiehiere, ẹ i re irẹn, Barabbas ma họ.” (Izigan ọre Barabbas gha khin.)

Iyẹn ne ọ Maan Ọghe Jọn 19:5

Jesu keghi ladian ore ke irẹn kevbe erhu ẹde kevbe ukpọn ododo. Pailet tama iran wẹẹ, “Nene okpia ọ na khin o.”

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

I Pita 2:14

Kevbe avbe ọkao arriọba ne irẹn gie, ne ọ ya rria iran ni ru emwi dan oya, kevbe ne ọ gha tian iran ni ru ẹse.