Aizaia 53:12 - Edo Bible (E Baibol Ẹdo) Version 1996

¹² Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Aizaia 53:12 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Job 30:16

“Odẹ ẹrinmwi ọre I ghi gbẹn na; oya ne I re i mwẹ erọkhọrọkhọ.

Psalm 2:8

Nọ vbe obọ mwẹ, mẹ gha viọ uhunmwu ẹvbo hia nuẹn. Otọ agbọn hia, gha vbe khian ọwuẹ.

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Ẹksọdọs 15:9

Eghian keghi kha wẹẹ, ‘I gha khu iran, I gha vbe mu iran; I gha ghae ẹfe iran, I gha miẹn iran emwi ne I ho hia; I gha yuo umozo mwẹ ladian, I gha ya ẹtin mwẹ viọ emwi hia ne iran mwẹ.’

Aizaia 49:4

Mẹ keghi kha wẹẹ, “I te winna, sokpan ọ ma dinnodẹ hiehiere. I wa lo ẹtin mwẹ, sokpan, a ma miẹn emwi ọkpa rhie ke ọe rre.” Sevba, mẹ ye mwẹ amuẹtinyan wẹ e Nọyaẹnmwa gha ta ene unu mwẹ ọ gha san mwẹ ẹse iwinna ne I winna ẹn.

Aizaia 52:13

E Nọyaẹnmwa khare wẹẹ, “Ọguọmwadia mwẹ gha miẹn ọ dunnaẹn vbe iwinna ne a wa ne ẹẹn; a gha ya ọghọ nọkhua ne ẹẹn.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Aizaia 53:8

A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Iyẹn ne ọ Maan Ọghe Mak 15:27

Iran keghi vbe kan izigan eva mu ugbugbe ba Jesu, ọkpa vbe obọ erha ọmwa, kevbe nọkpa vbe obọ iye ọmwa. [

Iyẹn ne ọ Maan Ọghe Mak 15:28

Ẹmwẹ ne ebe khare keghi sẹ wẹẹ, “A keghi kae ba avbe izigan.”]

Iyẹn ne ọ Maan Ọghe Luk 22:37

Ne I tama uwa, ẹmwẹ ne ebe ne ọ huanrẹn tae wẹẹ, ‘A keghi ka ẹe ba avbe izigan,’ ọre ọ khian do sẹ vbe egbe mwẹ na. Rhunmwuda emwi hia ne a gbẹnnẹ vbe ekpa mwẹ ra do sẹ.”

Iyẹn ne ọ Maan Ọghe Luk 23:25

Ọ keghi fan ọmwa ne iran ho fua ne iran, ọmwa ne a mu ye eghan rhunmwuda otighi kevbe izigha, ọ keghi rhie Jesu ye iran obọ ne iran ya ruẹe vbene iran ho.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

Kọlose 2:15

Vbe uhunmwu ugbugbe nii, ọre Kristi na rhan egbe ẹre hin obọ ẹtin avbe orhiọn ẹrinmwi ni khaemwisẹ kevbe ni dakha. Ọ keghi ya iran khian agbọn wa do ghee, vbekpa ne ọ na tẹn iran ye uviẹn silo gha rrie, zẹ vbe avbe oghunmwu ne ọ munọ ẹn vbe okuo.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

Hibru 9:26

Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Jọn 2:1

Ivbi mwẹ, te I gbẹn ebe na gie uwa ne uwa ghẹ miẹn ehe na rukhọ, sokpan, a deghẹ ọmwaikọmwa ghi vbe ru orukhọ, ma mwẹ ọmwa ne ọ rinmwian ne ima vbe ehe ne Evbavba ye, ọnii ọre Jesu Kristi ne ọmwata.

I Jọn 2:12

Ivbi mwẹ, I gbẹn ebe gie uwa rhunmwuda, a la ekpa eni Jesu ya orukhọ uwa bọ uwa nẹ.