Aizaia 52:7 - Edo Bible (E Baibol Ẹdo) Version 1996

⁷ U miẹn vbene ọ mose hẹ ne a bẹghe ọmwa ne a gie ẹre uhunmwu vbe ọ fian avbe oke ni rra dee do na iyẹn ne ọ maa, iyẹn ọfumwegbe! Ọ ya akhọnmiotọ wewe, ọ keghi tama Zaiọn wẹẹ, “Osanobua ọrọre ọba!”

Aizaia 52:7 ပူးပေါင်းရင်းမြစ်များ

Psalm 59:13

Fuẹn iran an vbe ohu ruẹ, wa fuẹn iran an fẹẹrẹ, ẹghẹ nii, emwa hia ghi rẹn wẹ Osanobua ọ re ọ khaemwisẹ vbe Izrẹl kevbe wẹ asẹ ọ re gba otọe agbọn hia.

Psalm 68:11

E Nọyaẹnmwa gie uhunmwu, emwa nibun ọ re ọ vbe na iyẹn nii.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Psalm 96:10

Wa tama agbọn ẹvbo hia wẹẹ, “E Nọyaẹnmwa ọrọre ọba! A mu agbọn na uhe sẹ otọ nẹ gbain vbe ihe ẹre, ai ghi sẹtin werriẹ ọe, ọ gha ye ẹmwata bu ohiẹn avbe emwa nii.”

Psalm 97:1

E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

Psalm 98:2

E Nọyaẹnmwa na iyẹn akhọnmiotọ ẹre, ọ vbe ya ẹtin akhọnmiotọ ẹre, khian ne a rẹnrẹn ne avbe uhunmwu ẹvbo hia.

Psalm 98:3

Ọ ru zẹ vbene ọ ve ivbi Izrẹl re, vbe amuẹtinyan kevbe aho ne ẹ i beghe ne iran emwa hia ni rre ehe hia, miẹn akhọnmiotọ Osanobua mwa nẹ.

Psalm 99:1

Osanobua ọrọre ọba, avbe emwa gha guọ. Ọ tota ye ẹkete ẹre vbe odukhunmwu avbe emwi ne a yi ni zẹlẹ ifuẹn, agbọn keghi mu rueghe.

Ihuan Ne Ọ Sọọ Ihuan Hia 2:8

I họn urhu enida mwẹ ọ rhulẹ ke avbe uhunmwu oke dee ọ rhulẹ la oke bu mwẹ dee.

Aizaia 24:23

Uki gha so ebiebi, ovẹn I ghi vbe yunmwu, rhunmwuda, e Nọyaẹnmwa ne Oghodua ọ re ọ ra gha re ọba. Ọ gha rriọba vbe oke Zaiọn vbe Jerusalẹm, avbe ọkaolotu emwa gha miẹn uyi ẹre.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 41:27

Mẹ ne Nọyaẹnmwa, mẹ ọ re ọ ka gha na iyẹn na ma Zaiọn; I giee ọmwa gha rrie Jerusalẹm ne ọ ya kha wẹẹ, ‘Emwa uwa dee, iran die owa.’

Aizaia 42:11

Wa gie oha kevbe avbe okpẹvbo ni rrọọ rho Osanobua; wa gie emwa Keda rho ẹre! Wa gie iran ni rre ẹvbo e Sẹla kevbe avbe uhunmwu oke go ugomwẹ oghọghọ!

Maika 4:7

A kun iran use, iran vbe khian rrei vbe owa, sokpan, I gha ya iran ni ghi ke ẹe mu omuhẹn ọvbehe, iran gha vbe do khian okpẹvbo nọkhua. Mẹ ghi gha ke oke Zaiọn khaemwisẹ yan iran ke ẹghẹ nii kpao kevbe rhinrin ẹdẹdẹmwẹdẹ.”

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Nahum 2:1

E Ninevi, ghe vbe iran hẹ rhu uẹ! Ẹtin ne ọ ra duẹ ruẹ ua rre nẹ! Viọ emwa ye ogba ikhẹegbe ruẹ; mu egbe khẹ okuo!

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Mak 13:10

Te a gha ka kpe orhu iyẹn ne ọ maa ma emwa hia nẹ.

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iyẹn ne ọ Maan Ọghe Luk 2:10

Sokpan odibo e Nọyaẹnmwa ni tama iran wẹẹ, “Wa ghẹ gie ohan mu uwa rhunmwuda iyẹn oghọghọ ne ọ gha sẹ emwa hia ọyẹnmwẹ, ọre I do na ma uwa.

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Ẹfisọs 6:15

Kevbe amuegbe ne a ya kpe orhu Iyẹn Ne ọ maa ọghe ọfumwegbe, ru ibata hẹ ye owẹ.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.