Aizaia 52:5 - Edo Bible (E Baibol Ẹdo) Version 1996

⁵ Egbọre ọ re ọ vbe sunu vbe Babilọn na, oghunmwu ọ re uwa khin, a ma vbe ha osa rhọkpa ye uwa uhunmwu. Ẹghẹ hia ọ re iran ni khaemwisẹ yan uwa ya rhuọ, iran vbe ghagha, iran ghi gha ya unu rhia mwẹ uan.

Aizaia 52:5 ပူးပေါင်းရင်းမြစ်များ

II Samuẹl 12:14

Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”

Psalm 44:12

U khiẹnnẹ emwa ruẹn ọpuẹkẹ kua vbene a miẹn wẹ ive tunnẹ ọre u tie ye iran uhunmwu.

Psalm 44:16

Vbe I gha miẹn ihue ozan ne iran vin yọmwẹ akhọe; ighe avbe eghian mwẹ kevbe iran ni khuiwu mwẹ.

Psalm 74:10

Vbe avbe eghian mwa ra giẹ uwẹ kpee sẹ hẹ vbe otọ yi Nọyaẹnmwa? Iran gha kpa unu ghe eni ruẹn rhinrin ẹdẹ ra?

Psalm 74:18

Sokpan, yerre Nọyaẹnmwa wẹẹ avbe eghian an wa giọ ọ kevbe wẹ iran ma rẹn ruẹn iran vbe zan ruẹn.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Aizaia 22:16

“Demwi ne u tie egbe ruẹ re yi? De asẹ ne u mwẹ yi ne u ya fian idin ne egbe uẹ vbe ọkpẹn oke okuta?

Aizaia 37:28

“Sokpan, te I wa gba ruẹ fo fẹẹrẹ, emwi ne u ru kevbe ehe ne u yo, I rẹn vbene u gha vannọ kuọ mwẹ hẹ.

Aizaia 37:6

ọ keghi giee ne a ya tama rẹn vbenian. “E Nọyaẹnmwa wẹ ne u ghẹ gie ivbi Asiria runran uwa vbe ne ọ gha na gha kha ighẹ e Nọyaẹnmwa I sẹtin miẹn uwa fan.

Aizaia 47:6

Te ohu emwa mwẹ te gha mu mwẹ, I keghi ru iran vbene a miẹn wẹ iran i ghi re emwa mwẹ ọvbehe. I keghi suaa iran fi obọ ruẹ, wẹ ma vbe tohan iran. U keghi ya obọ ne ọ wegbe mu avbe ọmaẹn.

Aizaia 51:20

Emwa ruẹn gha sahẹ lele abọ idunmwu rhunmwuda ighẹ orhiọn ighi rri iran iwu. Iran yevbe ẹrhuẹ ne ifi ohuẹ mu obọ ohu Osanobua rhanmwẹ iran.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 52:3

E Nọyaẹnmwa ne Udazi tama emwan rẹn wẹẹ, “Ẹghẹ ne uwa na khian eviẹn, a ma ha osa ye uwa uhunmwu, erriọ vbe nọ ẹghẹ ne a gha na fannọ uwa kua, a i ra vbe ha osa yọ.

Jerimaia 50:17

E Nọyaẹnmwa khare wẹẹ, “Te ivbi Izrẹl yevbe ohuan ne oduma khu khian, ọ na vbe zagha iran an. Okaro, Ọgbaisi Asiria keghi dekun iran, vbe iyeke ọnii, e Nebukiadneza ọghe Babilọn keghi gbẹn ugboloko iran.

Eve Orriara 1:21

“Danmwehọ ikhiẹkhiegbe mwẹ ọmwa ne ọ ra fu mwẹ ẹko rre i rrọọ. Avbe eghianmwẹ wa ghọghọ ua ighe u gie ọkhọ rruan mwẹ. Gi ẹdẹ ne u buruu ni gele rre, gie eghian mwẹ rrioya zẹ vbe mwẹ.

Eve Orriara 2:3

Ugbẹn vbe ohu kakabọ mu ẹn ọ keghi duẹ ẹtin Izrẹl rua. Ọ kere ne ọ ye ima obọ vbe avbe eghian rre ọ ya uvannọmwẹ guọnmwẹ ghe ima zẹ vbe erhẹn, ọ keghi fuẹn emwi hia a.

Ezikiẹl 20:14

Sokpan, I ma ru vberriọ, rhunmwuda, ọnii gha mu ozan gie eni mwẹ vbe ehe ne avbe uhunmwu ẹvbo nii ye, iran ne aro ẹre se ọe vbe I viọ ivbi Izrẹl ke Igipt ladian.

Ezikiẹl 20:9

Sokpan, I ma ru vberriọ rhunmwuda, ọnii gha mu ozan gie eni mwẹ, rhunmwuda, sirra avbe emwa ne iran gba yin kugbe ọre I na tae ma Izrẹl wẹ, I gha viọ iran ke Igipt ladian.

Zẹfanaia 1:10

“Ọ gha sẹ ẹdẹ ne ẹdẹrriọ,” erriọ Nọyaẹnmwa khare, “U gha họn urhu eve vbe Onurho Ehẹn vbe Jerusalẹm. U gha họn ugomwẹ vbe idunmwu ọgbọn ọghe ẹvbo nii, kevbe owogho emwi ne ọ de guọghọ ua vbe avbe uhunmwu oke.

Ebe ne Pọl gbẹẹn gie emwa Rom 2:24

Rhunmwuda Ebe tae wẹ, “Rhunmwuda avbe uwa ne Ju, eni Osanobua keghi khian ne avbe iran ne ẹ i re Ju ghi ye ukpẹ sakan.”

Giọgis 18:3

Iran ghi rre evba nii, iran keghi ghe vbene igbama e Livai na ya guan hẹ, iran na rhunmwuda onii mudia iran na nọ rẹn wẹẹ, “Vbe u a ru vbe emwa na yi? Gha ọ rhie ruẹ gha di edinran?”