Aizaia 52:2 - Edo Bible (E Baibol Ẹdo) Version 1996

² Jerusalẹm, bọnmwẹ idobo kua vbe egbe kpaegbe vbe ebubẹ, ne u tota ye ẹkete ruẹ, wa rhan eghan ni de uwa, wa ne avbe oghunmwu ne ivbi e Zaiọn!

Aizaia 52:2 ပူးပေါင်းရင်းမြစ်များ

Aizaia 10:27

Ẹghẹ nii gha sẹ I gha fannọ uwa yotọ hin obọ ẹtin Asiria rre, urọnghọn iran i ghi ra ye dọlegbe gha re ihẹ vbe izabọ uwa.”

Aizaia 14:25

I gha rẹnkhẹn ivbi Asiria ni rre otọe Izrẹl ne ọghomwẹ, I ghi ya owẹ rrilo iran ginna otọe vbe uhunmwu oke mwẹ, I gha fannọ emwa mwẹ yotọ hin urọnghọn Asiria rre kevbe hin ihe ne a wẹ ne iran mu.

Aizaia 29:4

E Jerusalẹm ghi do yevbe orhiọn ọmwa ne ọ wu nẹ ra ẹrinmwi, ne ọ te ziga ne ọ guan ke ototọ gha dee, urhu ne a ya obọ guee ẹre unu ne ọ ke uwu ebubẹ ladian rre.

Aizaia 3:26

Avbe onurho ẹvbo gha khiẹ, iran ghi vbe gha viẹ, nene ore ẹvbo tobọ ẹre ghi yevbe okhuo ne ọ bannọ uan, a na mu ẹẹn tota ye otọ kẹkan.

Aizaia 49:21

Ẹghẹ nii, wẹ ghi tama egbe ruẹ wẹẹ, ‘Gha ọ biẹlẹ avbe emọ na hia mẹ yi? Ivbi mwẹ hia wulo, I ma ghi sẹtin biẹ ọvbehe. A khu mwẹ fua, a na rhie mwẹ la iwe gha ọ koko avbe emọ na hia? Mẹ ọkpa ọ re ọ kere de ehe ne avbe emọ na hia ghi ke rre?’ ”

Aizaia 51:14

A gha rherhe fannọ iran ni re oleghan kua, iran gha wa tọ iran ghi vbe gha mwẹ evbare ne iran ho hia.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Aizaia 9:4

Rhunmwuda, wẹ bun urọnghọn ne ọ te mianmwẹ iran nẹ! Kevbe ukpokpo ne ọ te gbe iran izabọ wẹ khọn ẹvbo ne ọ te zẹ emwa ruẹn kpokpo ne ọ na vbe do iran ọzuọ ne zẹ vbene u ka khọn ivbiyokuo e Midian vbe ẹghẹ ne ọ kpee fua.

Jerimaia 51:45

Wa ne ivbi Izrẹl, wa lẹ ladian vba. Wa lẹ viọ uhunmwu uwa hin ẹbe rre vbe obọ ohu nọkhua ne ọ mu mwẹ.

Jerimaia 51:50

E Nọyaẹnmwa tama emwa rẹn ni rre Babilọn wẹẹ, “Wa lẹẹ uwu fe nẹ! Banbanna nian, wa ladian. Wa ghẹ mudia. A gha rhe miẹn ighe wa khian rrei vbe owa, wa mu ẹmwẹ imẹ ne Nọyaẹnmwa uwa ro, ne uwa vbe ye Jerusalẹm rre.

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Ezikiẹl 34:27

Avbe erhan gha mọ, ugbo gha ma emwiokọ, edọmwadẹ ọghọe ghi gha rre otọe ọghọe vbe ne a i na mwẹ ẹbe. Ẹghẹ ne I gha na bunnọ ọgiọrọ avbe emwa mwẹ kua, ne I vbe fannọ iran kua vbe obọ iran ni ya iran khian eviẹn, iran gha do rẹn wẹ mẹ ọrọre Nọyaẹnmwa.

Zẹkaraia 2:6

E Nọyaẹnmwa tama emwa irẹn wẹẹ, “Mẹ ọ re ọ zagha uwa lele ehe hia, sokpan, banbanna nian, wa ni rre iwe, wa lẹfua vbe Babilọn ne uwa werriegbe gha rrie Jerusalẹm.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.