Aizaia 52:10 - Edo Bible (E Baibol Ẹdo) Version 1996

¹⁰ E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 52:10 ပူးပေါင်းရင်းမြစ်များ

Job 40:9

Wẹ wegbe vba mwẹ ra? Urhu ruẹ gha sẹtin vanhiẹn vba ọghomwẹ ra?

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 67:2

Ne agbọn hia miẹn ehe na rẹn iho ruẹ ne agbọn na hia miẹn ehe na rẹn imiẹnfan ruẹn.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 33:13

Gie emwa hia ni rre ọkpẹn emwa na kevbe ni rre urria họn emwi ne I ru, ne iran vbe kpa uhe ne ẹtin mwẹ.”

Aizaia 40:5

Ẹghẹ nii, a ghi rhie uyi e Nọyaẹnmwa ne a miẹn, emwa ne agbọn hia gha vbe miẹn ọẹn e Nọyaẹnmwa tobọ ẹre yan ọna yotọ nẹ.”

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 48:20

Wa ladian vbe Babilọn, wa gha khian vbe abọ kẹkan wa ya oghọghọ ya nene iyẹn go wa gie emwa họn ẹẹn vbe ehe hia: “E Nọyaẹnmwa miẹn Izrẹl ne ọguọmwadia ẹre fan!”

Aizaia 49:6

E Nọyaẹnmwa keghi tama mwẹ wẹẹ, “I mwẹ iwinna ne ọ sẹ ọna ne I wa ye otọ khẹ ruẹ ọguọmwadia mwẹ. Ẹire ne u viọ ivbi Izrẹl ni ghi kẹe werriegbe ye ihe ukpọlọmwẹ ọkpa; sokpan, I gha vbe ya a ru uwanmwẹ, ọghe avbe uhunmwu ẹvbo ne a sẹtin miẹn otọ agbọn hia fan.”

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Aizaia 59:16

Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Aizaia 63:5

Ọ wa yaan mwẹ unuan, vbe I ghe lẹga vbe ne a ma na miẹn ọmwa rhọkpa ne ọ do yọmwẹ obọ. Sokpan, ohu ne ọ mu mwẹ keghi rhie ẹtin yọmwẹ iwu, I keghi tobọmwẹ khọnmiotọ.

Maika 5:4

Ọ gha rre, ẹtin ne ọ ke ehe ne Nọyaẹnmwa ye rre ọre ọ ra ya gha khaemwisẹ yan emwa rẹn, deba orrirri ọba ọghe Nọyaẹnmwa Osanobua tobọ ẹre. Emwa rẹn gha rrọ vbe a i mwẹ ebe rhunmwuda, otọ agbọn hia gha miẹn ukpọlọmwẹ ọnrẹn kue.

Iyẹn ne ọ Maan Ọghe Luk 2:30

Rhunmwuda, I ye aro dẹghe imiẹnfan ruẹn nẹ.

Iyẹn ne ọ Maan Ọghe Luk 3:6

Emwa ne agbọn hia gha miẹn imiẹnfan Osanobua!’ ”

Iwinna 13:47

Rhunmwuda erriọ Nọyaẹnmwa yi ẹre iyi ne ima wẹẹ, “ ‘Mẹ viọ uwa mudia zẹ vbe uwanmwẹ iran ni i re Ju, ne uwa gha re odẹ imiẹnfan ne otọ agbọn hia.’ ”

Jọsua 4:24

Rhunmwuda ọnọna, emwa hia ni rre agbọn na gha rẹn ẹtin ọghe Nọyaẹnmwa, wa ghi vbe gha ya ọghọ ne Nọyaẹnmwa Osanobua uwa ẹdẹdẹmwẹdẹ.”

Arhie Maan 14:6

Ẹghẹ Nii ọre I na bẹghe odibosa ọkpa, ọ wa tin khian vbe odukhunmwu gba an, irẹn kevbe Iyẹn Ne ọ maa ọghe ẹdẹdẹmwẹdẹ, ne ọ ra na ma emwa ne agbọn, kevbe dọmwadẹ uhunmwu ẹvbo kevbe ẹwae, kevbe ẹvbo ne azẹ kevbe emwa.

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”