Aizaia 51:9 - Edo Bible (E Baibol Ẹdo) Version 1996

⁹ Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 51:9 ပူးပေါင်းရင်းမြစ်များ

Job 26:12

Ẹtin ẹnrẹn ọ re ọ khọnmiotọ okun. Ẹwaẹn ẹnrẹn ọ re ọ ya fuẹn Rehab ne Ugbogiorinmwi.

Job 9:13

Ohu Osanobua i firaa, Ọ rẹnkhẹn avbe eghian rẹn hia a. Iran ni rhie obọ ye Rehab ne ugbogiorinmwi amẹ iyeke, gha gu ẹe suan.

Psalm 21:13

Mẹ rho ruẹn Nọyaẹnmwa, rhunmwuda iwegbe ruẹ nọkhua. Ma gha so ihuan, ma ghi vbe gha rho ẹtin ruẹn vbe uyi.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Psalm 44:2

Vbene u tobọọ khulo avbe nigẹbọ ladian hẹ u na gbe avbe emwa ruẹn ẹkun sotọ ye otọe iran. vbene u rri avbe agbọn ẹvbo nekpa oya hẹ. u na gie agbọn ma iran ne emwa ruẹn.

Psalm 44:23

Rhiọrre, Nọyaẹnmwa, vbọzẹ ne u na vbiẹ yi? Guọnmwẹ egbe kpaegbe; ghẹ he ima ye otọ rhinrin ẹdẹ.

Psalm 44:24

Vbua ghi na rhie aro lẹre ne ima hẹ yi? Ghẹ mianmian oya kevbe ukpokpo mwa.

Psalm 59:4

Ra rhunmwuda ama ru ẹse mwẹ Nọyaẹnmwa, ne dọmwadẹ ọghọe na khirhi rriẹ ihe ẹre.

Psalm 7:6

Guakpao vbe ohu ruẹ Nọyaẹnmwa. Kpaegbe mu aro igbinna da okuosu avbe eghian mwẹ, guọnmwẹ egbe ne u do yọmwẹ obọ. Ohiẹn ẹmwata ọre uwẹ gualọ.

Psalm 77:5

I mu ẹmwẹ ẹghẹ ne ọ gberra ro, I ye avbe ukpo ni gberra ni kpee fua rre.

Psalm 78:65

Vbe okiekie e Nọyaẹnmwa keghi rhiọrre vbe ne a miẹn wẹ te ọ te vbiẹ, ọ keghi yevbe okpia ne ọ wegbe ne ọ ya ayọn fian ọghae ye uhunmwu.

Psalm 87:4

“I gha so eni Igipt kevbe Babilọn, ba ẹvbo ni họn ẹmwẹ mẹ. I gha vbe ka ivbi e Filistia, e Taia kevbe Sudan ba iran, I gha ka iran ba emwa ni yin e Jerusalẹm”

Psalm 89:10

U piẹn Rehab ne Ugbogiorinmwi, u keghi gbe ẹe rua, u ya ẹtin ruẹn nọkhua khọn, avbe eghian ruẹn muotọ.

Psalm 89:11

Wẹ ọ re ọ yan ẹrinmwi, kevbe agbọn ba ẹre, wẹ ọ re ọ yi agbọn kevbe emwi hia ni rre uwu ẹre.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 30:7

Iyobọ ne Igipt ru i mwẹ esa, rhunmwuda ọnii ọ re I na mu ovan ne Igipt gha tie ẹre, ‘Ugbogiorinmwi ne ọmẹhẹ.’ ”

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 52:1

Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Maika 7:15

Winna iwinna ọyunnuan ne ima, Nọyaẹnmwa, vbene u gha ru ẹe vbe ẹghẹ ne u na viọ ima ke Igipt ladian.

Habakọk 2:19

Ọwuẹ fo! U gha khama ike erhan wẹẹ, “Rhiọrre!” kevbe ovbi okuta wẹẹ, “Kpaegbe!” Amazẹ gha sẹtin rhie emwi ne a ma rẹn rhọkpa ma ruẹn ra? A sẹtin ya esiliva kevbe igoru rhu ẹe, sokpan, orhiọn i rre uwu ẹre.

Habakọk 3:13

U ladian ya miẹn emwa ruẹn fan, u ya miẹn ọba ruẹ ne u hannọzẹ fan u kinmwiin ọkaolotu emwa dan fi otọ u keghi fuẹn irogho ẹre hia fẹẹrẹ.

Zẹkaraia 10:11

Iran gha la okun orueghe iran gberra khian, mẹ ne Nọyaẹnmwa gha fi uhuemwẹ ẹzẹ emwi, odin nọkhua e Naẹl gha khian ne ọ kae. A gha hie Asiria ne ọ hio uhunmwu rre. Egbe gha wọ Igipt ne ọ wegbe.

Zẹkaraia 2:13

Wa gbẹdọ, wa ne emwa hian fẹẹrẹ, vbe ehe ne Nọyaẹnmwa ye, rhunmwuda, rẹn ke ehe nọhuanrẹn ne irẹn dia dee.

Iyẹn ne ọ Maan Ọghe Luk 1:51

Ọ nien obọ ẹre ne ọ wegbe ladian. Ọ keghi zagha iran ni tọn egbe mu kevbe emwamwa iran kua.

Iyẹn ne ọ Maan Ọghe Jọn 12:38

Ne ẹmwẹ ne Aizaia ne akhasẹ tae miẹn ehe na sẹ wẹẹ, “Nọyaẹnmwa gha ọ ya iyẹn ne ima naẹn yi? De ọmwa ne Nọyaẹnmwa rhie ẹtin ẹnrẹn ma?”

Iwinna 7:7

Sokpan mẹ gha bu ohiẹn ẹvbo ne iran khian gaa, errriọ Osanobua khare, vbe iyeke ọnii, iran gha ke ẹvbo ni ladian, iran ghi do ga mwẹ, vbe emwa na.’

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Arhie Maan 11:17

Iran wẹẹ: “Nọyaẹnmwa Osanobua Noghodua, ọmwa ne ọ rrọọ na, kevbe ne ọ ka gha rrọọ, ma kpọnmwẹ ọn ne u na ya ẹtin nọkhua ruẹ, suẹn gha khaemwisẹ nian.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Giọgis 6:13

E Gidiọn keghi kha wẹẹ, “Enọwanrẹn, gun mwẹ nọ ọta wẹ, adeghẹ e Nọyaẹnmwa gele rrọọ yaba ima, vbọzẹ ne ena hia ghi na rruan ima? Iwinna ọyunnuan hia ne avbe erha ima tama ima wẹ e Nọyaẹnmwa te ru, vbene ọ ya viọ iran ke otọ Igipt ladian hẹ, vbe irẹn a ghi ye? E Nọyaẹnmwa yangbe ima nẹ, ọ na sẹ ima rae ne ivbi e Midian gha ru ima emwi ne ọ rhirhi khọn iran.”