Aizaia 51:23 - Edo Bible (E Baibol Ẹdo) Version 1996

²³ Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Aizaia 51:23 ပူးပေါင်းရင်းမြစ်များ

Psalm 129:3

Iran fian mwẹ ẹwẹn ne ọ da vbe iyeke, iran keghi ru ẹe zevbe otọe ne a na gua.

Psalm 66:12

U gie avbe eghian mwa ya owẹ rrilo mwa muotọ; ma la erhẹn kevbe uromwẹ amẹ gberra sokpan, banbanna nian, u viọ ima gha die ehe ne ẹbe i ye.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Itan 21:18

Ọlọghọmwa ne emwa dan wẹ iran ra si ye emwa esi egbe, uhunmwu iran ọre ọ de yi.

Obedaia 1:16

Emwa mwẹ wọọn nẹ vbe ukpu orriara ọghe irrioya. Sokpan, avbe ẹvbo ni lẹga iran gha wọn ukpu ne ọ rriara sẹẹ ọnii ẹsẹse ọghe irrioya, iran gha wọn ehia, a ghi ho iran hia bẹkun.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Zẹkaraia 12:2

“I gha ye Jerusalẹm khian vbene ukpu ayọn ye, avbe ẹvbo ni lẹga ẹre gha da ẹe, iran ghi gha ye owẹ fi otọe dọn zẹ vbe ọdayọn. Iran gha mu okuo la e Jerusalẹm, iran gha vbe mu okuo la avbe okpẹvbo nekpa ni rre Juda.

Jọsua 10:24

Iran ghi viọ avbe ọba nii sẹ ehe ne Jọsua ye nẹ, ọ keghi tie ivbi Izrẹl hia rriegbe, ọ na tama avbe emwa iwinna rẹn ni lele ẹe gha khian wẹẹ, “Wa larre, wa viọ owẹ uwa yan ẹyaẹn avbe ọba na.” Iran keghi ru vberriọ.

Arhie Maan 11:2

Sokpan ghẹ ka iran ni rre iba ore yọ. Ghẹ mwa iran, rhunmwuda, a zẹ iran obọ ne iran ni ma yayi nẹ, iran ni gha do gbe ọgọlọbọ vbe uwu Ẹvbo Ne Ọ Huanrẹn la uki eva yan iyeva.

Arhie Maan 17:18

“Nene okhuo ne u dẹghe keghi re nene ẹvbo nọkhua ne ọ hin yan avbe ọba otọ agbọn na.”