Aizaia 51:20 - Edo Bible (E Baibol Ẹdo) Version 1996

²⁰ Emwa ruẹn gha sahẹ lele abọ idunmwu rhunmwuda ighẹ orhiọn ighi rri iran iwu. Iran yevbe ẹrhuẹ ne ifi ohuẹ mu obọ ohu Osanobua rhanmwẹ iran.

Aizaia 51:20 ပူးပေါင်းရင်းမြစ်များ

Aizaia 29:9

Gie obọ kẹe ne u wa gha zurọ khian! Gie obọ kẹe, ne uwa rhu aro vbe uhunmwu. Wa gie ayọn gha gbe uwa, vbene uwa ma na da ayọn wa gha dobidokpannọ khian vbe ne uwa ma na da ayọn rhọkpa.

Aizaia 40:30

Uhin ighẹ ẹtin vbe fo ọmwa ne ẹ i re ọmaẹn egbe sẹtin wa wọ igbama, ọ ghi de.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 51:21

Wa ne ivbi e Jerusalẹm ne usẹ sẹ, wa ni kpigogo khian vbe ọmwa ne ayọn gbe.

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Aizaia 8:21

Emwa gha zozo lele otọe nii zẹ vbe emwa ne ẹtin fo kevbe ne ohanmwẹ gbe. Vbe uwu ne ohu na mu iran kevbe ne ohanmwẹ na vbe gbe iran nii, iran ghi filo unu gie ọba iran nii, iran ghi filo unu gie ọba iran kevbe Osanobua iran. Iran sẹtin gha ghe odukhunmwu

Jerimaia 14:16

Erriọ ọ re a ra vbe gbele iran ne iran talọ avbe ẹmwẹ na ma. A gha filo ikun iran ku adesẹ ore Jerusalẹm, a i vbe miẹn ọmwa ne ọ gha re iran. Emwi ne ọ ra rruan iran hia ọ re ọna khin, ya sẹ egbe avbe amwẹ iran, ivbi iran nikpia kevbe ivbi iran nikhuo. I gha ru ẹe ne iran ha osa ekhọe dan iran.”

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Eve Orriara 1:15

“E Nọyaẹnmwa gie ivbiyokuo mwẹ ni wegbe sẹẹ hia ọ gie ivbiyokuo do fuẹn avbe igbama mwẹ ọ keghi piẹnpiẹn avbe emwa mwẹ gbe ua vbene a minọ alimo vbe okọ ayọn.

Eve Orriara 1:19

“I kegha datie iran ni ima gba ru, sokpan, iran hee ne iran do yọmwẹ obọ Avbe ohẹn kevbe avbe ọkaolotu emwa keghi wulo lele adesẹ ore; Vbe iran te gualọ evbare ne iran gha ya do orhiọn yi.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Eve Orriara 4:11

E Nọyaẹnmwa keghi wa tue izohu ẹre ne ọ wegbe ladian; ọ keghi hie erhẹn ye Zaiọn, ne ọ wa gien ọnrẹn sotọ.

Eve Orriara 4:2

Te avbe igbama e Zaiọn te ghan vbe obọ mwa zẹ vbe igoru. Sokpan, te a ghi ru iran nian zẹvbe akhe obuẹ.

Eve Orriara 5:13

A ye avbe igbama ima gha wiẹn ọka zẹvbe eviẹn avbe igbama mwa gha dobidokpannọ khian, rhunmwuda ihẹ erhan ne a kun yan iran uhunmwu.

Ezikiẹl 12:13

“Sokpan I gha tan ọga ye odẹ, I ghi ya ẹe mu ẹẹn. I ghi mu ẹẹn gha rrie ore e Babilọn, ehe ne ọ ra na wu vbe ne ẹ i na bẹghe ẹre.

Ezikiẹl 17:20

I gha fi oga ohuẹ, I gha ya ẹe mu ẹẹn, I gha mu ẹẹn gha rrie Babilọn, I ghi ya rri ọre oya vbe odọ rhunmwuda, ọ ma gun mwẹ yin uyinmwẹ ẹmwata.

Ezikiẹl 39:19

I gha gbele iran na nẹ zẹ vbe emwi ne a ya zọ ese, avbe ahianmwẹ kevbe avbe aranmwẹ oha ghi do rri efun egbe zẹ vbe ne ẹko iran gha sẹtin gua, iran ghi vbe wọn esagiẹn ayọn rẹn te do gha gbe iran.

Diuteronomi 14:5

Ẹrhuẹ, ohuan oha, ẹwe oha, kevbe uzo.

Diuteronomi 28:20

“Wa gha ru emwi dan, wa na he e Nọyaẹnmwa ye otọ, rẹn gha gie ọkhọ rruan uwa kevbe otighi kevbe orueghe vbe emwi ne uwa ru hia, a te do miẹn wẹ te a ghi fuẹn uwa a fo fẹẹrẹ ẹgiẹgiẹ.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.